Ntha 34:11 - ÎVUKU RÎA ÛVORO MWARO

¹¹ Athîkagîra watho ûrîa ngûkûnengera ûmûnthî. Na rîrî, wa ûrîa mûkethagîrwa mûkîthiî na mbere nwaguo ngengataga Amori, Akanaani, Ahiti, Aperizi, Ahivi na Ajebusi.

Ntha 34:11 ပူးပေါင်းရင်းမြစ်များ

1Maû 1:14

na Ajebusi, Amori, Agirigashi,

Nehemia 13:23

Kavindarî wa kau nînaamenyire atî Ayahudi eengî nîmaavikîtie aka kuuma Ashidodi, Aamoni, na Moabu.

Ntha 23:28

Nîngaatûma nthû cienyu igwatwe nî guoya, na mîngate Ahivi, Akanaani, na Ahiti maume mbere yenyu.

Ntha 3:17

na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Ntha 33:2

Nîngûtûma mûraika amûtongorie na nîngwîngata Akanaani, Amori, Ahiti, Aperizi, Ahivi, na Ajebusi.

Ntha 8:27

Tue nwanginya tûthiî rûgendo rwa mîthenya îthatû werûrî nîguo tûkarutîre Ngai-Mûnene, Ngai wetû îgongoona ta ûrîa ke aatwathire.”

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Johana 14:21

“Mûndû wa wonthe wamûkagîra maathani makwa na akamathîkîra nîke ûmendete. Vava akendaga mûndû ûrîa ûmendete, wa nanie ngaamwendaga na ngeyonithanagia kûrî ke.”

Gûco 12:28

Menyererani mûno kwathîkagîra maûndû monthe marîa ngûmwatha, nîguo maûndû menyu na ma njiarwa cienyu matûûre marî maro, nîûndû mûkeethagîrwa mûvingîtie ûrîa Ngai-Mûnene Ngai wenyu athanîte.

Gûco 12:32

“Menyagîrîrani mwîkage maûndû monthe marîa ngûmwatha; mûtikongerere kana mûrute wanarî ûndû.

Gûco 28:1

“Ethîrwa nî mûkwathîkîra Ngai-Mûnene, Ngai wenyu, na mûrûmagîrîre na kinyi maathani make monthe marîa ngûkwatha ûmûnthî, Ke nîakaamûtua rûrîrî rûnene gûkîra ndûrîrî cionthe cia nthî.

Gûco 33:27

Ngai ûrîa ûtûûraga tene na tene nîke ûmûgitagîra; vinya wake ûrîa ûtûûraga tene na tene nîguo ûmûnyitagîrîra. Nîwengataga nthû cienyu wa ûrîa mwathiîcaga na mbere, na nîwamwîrire mûicûkangie viû.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:32

“Mue andû a Isiraeli, menyererani mwone nîmwavingia maûndû monthe marîa Ngai-Mûnene, Ngai wenyu amwathîte. Mûtikaregane na watho wanarî ûmwe wa Ngai-Mûnene.

Gûco 6:25

Kethîrwa nwa tûvingie na kinyi maathani mama monthe marîa Ngai-Mûnene, Ngai wetû atwathîte, ke nîagaatûtua athingu.’

Gûco 6:3

Kwoguo mue andû a Isiraeli, thikîrîriani maathani mau na mûmathîkîre na kinyi! Mweka ûguo maûndû menyu nîmakûvua na mwongerereke mwîngîve mûno na mûtûûre vûrûrirî ûcio mûnoru, ûrî îriia na ûûkî wata ûrîa Ngai-Mûnene, Ngai wa methe menyu aamwîrîîre.

Gûco 7:19

Taririkanani mîthiro îrîa mwonire na metho menyu. Taririkanani ciama na morirû marîa Ngai-Mûnene aaringire na ûvoti na vinya wake ûrîa aatûmîre nîguo amûrute Misiri. Ûguo nwaguo Ngai-Mûnene, Ngai wenyu ageeka kûrî mavûrûri mau mûretigîra.

Josh 23:5

Ngai-Mûnene, Ngai wenyu nîwamwîrîre atî nîagaatûma nthû cienyu ciûre nîmue na nîagaaciîngata wa ûrîa mûkeethîrwa mûkîthiî na mbere na nîmûkegwatîra vûrûri ûcio wao.