Ntha 34:1 - ÎVUKU RÎA ÛVORO MWARO

¹ Ngai-Mûnene nîwerire Musa atîrî, “Rûtha ivengere cia mathiga igîrî wata irîa cia mbere na nîngwandîka ivengererî icio ciugo irîa ciarî ivengererî cia mbere irîa wenyûrangire.

Ntha 34:1 ပူးပေါင်းရင်းမြစ်များ

Thaburi 119:89

Kiugo gîaku, we Ngai-Mûnene gîtûûraga tene na tene; nîkîîvandîte waro kûu îgûrû.

Ntha 24:12

Ngai-Mûnene nîwerire Musa atîrî, “Unûkia ûke kîrîmarî varî nie na weterere vo. Nanie ngaakûnengera ivengere igîrî cia mathiga ciandîkîtwe mawatho na maathani ma gûtaara andû.”

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:16

Ngai nîke warûthîte na nîke wandîkîte maathani mau ivengererî icio.

Ntha 32:19

Rîrîa Musa aakuvîvîrie varîa maambîte magema na akîona njaû ya ndegwa na andû makîinagia nîwarakarire na agikia ivengere irîa aakuîte vau nthî ya kîrîma na ikîenyûkanga.

Ntha 34:28

Musa nîwekarire vau varî Ngai-Mûnene mîthenya mîrongo îna ûtukû na mûthenya, na ndaanyua kana arîa kîndû kavinda kau konthe. Nake nîwandîkire ciugo cia kîrîkanîro na nîcio Maathani îkûmi ivengererî cia mathiga.

Ntha 34:4

Kwoguo Musa nîwarûthire ivengere ciîngî igîrî cia mathiga wata irîa cia mbere. Na kîraûko tene nîwaunûkirie kîrîmarî gîa Sinai akuuîte ivengere icio wata ûrîa Ngai-Mûnene aamwathîte.

Jeremia 36:32

Jeremia nîwacokire agîoca îvuku rîngî rîa gîkûnjo na akîrînengera Baruku ûrîa mwandîki, na akîandîka maûndû monthe marîa Jeremia aamwîraga. Nîwandîkire maûndû monthe marîa mandîkîtwe îvukuurî rîa mbere rîa gîkûnjo rîrîa Jehoiakimu mûthamaki wa Juda aavîvirie na mwaki. Ciugo ciîngî wata irîa ciarî îvukuurî rîa mbere nîciongereerwe.

Gûco 4:13

Nîwamûmenyithirie ûvoro wa kîrîkanîro kîrîa aarîkanîre namue, na akîathana atî mûkîrûmagîrîre; nakîo nî maathani îkûmi marîa andîkire ivengererî igîrî cia mathiga.