Ntha 33:3 - ÎVUKU RÎA ÛVORO MWARO

³ Nîmûthiî vûrûri ûrî na îriia na ûkî. Nwatî nie tîtûthiîcania namue, nîûndû mûrî andû aremi na navota kûmûthiria mûrî njîrarî.”

Ntha 33:3 ပူးပေါင်းရင်းမြစ်များ

2Atha 17:14

Nwatî nîmaaregire kwathîka; nîmaaûmirie ngoro ciao wata methe mao arîa maaregire gwîtîkia Ngai-Mûnene Ngai wao.

Thaburi 78:8

Matigekara ûrîa methe mao meekariî; andû aûmû ngoro na mataarî athîki, rûciaro rûtaarî na wîtîkio mûkinyanîru, na rûtaarî rwîvokeku mbere ya Ngai.

Ntha 13:5

Ngai-Mûnene nîwerîre methe menyu ma tene na akîîvîta atî nîakaamûva vûrûri wa Akanaani, na wa Ahiti na wa Amori, na wa Ahivi, na wa Ajebusi. Vûrûri ûcio wîcûrîte ûkî na îria. Mwakinya kuo, mweri wa mbere wa Abibu wa mwaka wa mwaka nwanginya mûgakûngûagîra kîrugo gîkî.

Ntha 23:21

Mûthikagîrîrieni na mûmwathîkagîre na mûtikamûkararie. Mwaregana nake ndakaamûrekera nîûndû nînie nîmûtûmîte.

Ntha 3:17

na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Ntha 32:14

Kwoguo Ngai-Mûnene nîwagarûrire meciria make na ndaaretera andû ake mûthiro ûrîa endeete kûmaretera.

Ntha 33:5

nîûndû Ngai-Mûnene nîwathîte Musa ameere atîrî, “Mue mûrî andû aremi. Nîngîthiîcania namue wanarî vanini nîngîmûthiria viû. Kwoguo rutani mathaga menyu, nîguo menye ûrîa ngwîka namue.”

Ntha 34:9

Nîwaugire atîrî, “We Mwathani wakwa, ethîrwa ûrî mûkenie nî nie, nînakûthaitha wîtîkîre tûthiîcanie nawe. Andû aya nî aremi, nwatî tûkirîrîrie mavîtia metû, ûtwovere mevia metû na ûtwîtîkîre tûrî andû aku.”

Isaia 48:4

Nîûndû nînamenyaga atî we wî mûremi mûno, na kîongo gîaku kîûmîte ta cuuma, naguo ûthiû waku ûgekara ta gîcango.

Jeremia 11:5

Nanie nîngavingia maûndû marîa neranîre kûrî methe menyu na mwîvîtwa, atî nîngaamava vûrûri ûrî na îriia na ûûkî, (ûrîa marî naguo rîu).” Nînacokire ngiuga atîrî, “Ngai-Mûnene, kûrotuîka guo.”

Ezek 20:6

Mûthenya ûcio nînevîtire nîrî mbere yao ngiuga atî nîngaamaruta vûrûri wa Misiri nîmavire vûrûrirî ûrîa naamacarîrie, vûrûri mûnoru na ûrî îriia na ûûkî mwîngî, vûrûri mwaro gûkîra mavûrûri monthe.

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Jona 3:10

Rîrîa Ngai oonire ûrîa meekire na ûrîa maatiganire na ciîko ciao cia waganu, nîwericûkirwe na ndaamaverithia ta ûrîa aaugîte nîagwîka.

Jona 3:4

Rîrîa Jona aakinyire, nîwatoonyire îtûûrarî, na vuva wa kûthiî rûgendo rwa mûthenya mûgima, nîwanîrîre kûrî andû a îtûûra rîu atîrî, “Vuva wa mîthenya mîrongo îna kuuma ûmûnthî, îtûûra rîîrî rîa Nineve nîrîgaacûkangua!”

Ndari 13:27

Athigani acio nîmeerire Musa atîrî, “Nîtûratuîririe vûrûri ûcio twona ûrî na îriia rîîngî na ûûkî, na mama nî matunda mamwe ma vûrûri ûcio.

Ndari 14:12

Nîngûmarega na nîmaûrage na mûthiro, njoke ngûtue rûrîrî rûnene na rûrî na vinya kûmakîra.”

Ndari 14:8

Ethîrwa Ngai-Mûnene nîakwona tûrî agîrîru, nîagûtûvira vûrûrirî ûcio wîcûrîte îriia na ûûkî na atûve guo.

Ndari 16:13

Ûguo wekire nî mwîganu! Watûrutire Misiri vûrûri warî na îriia na ûûkî, na ûgîtûrete gûkû werûrî nîguo ûtûragîre kuo? Wana rîu ûrenda gûtwatha?

Ndari 16:21

“Umani varî andû aya nîguo nîmathirie wa rîmwe!”

Ndari 16:45

“Thengutîra andû aya a Isiraeli nîguo nîmathirie wa rîu!” Nao oîrî nîmaaturumithirie mothiû mao nthî,

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Gûco 4:24

Ngai-Mûnene, Ngai wenyu ekariî ta mwaki ûrîa ûvîvagia ûkathiria viû. Ke nî Ngai wî wîru.

Josh 5:6

Andû a Isiraeli nîmaathiîre îvinda rîa mîaka mîrongo îna marî werûrî na arûme arîa maarî na ûkûrû wa kûthiî mbaararî nîmaakuîrîre werûrî marega kwathîkîra Ngai-Mûnene. Nake Ngai-Mûnene nîwevîtîte nîûndû wao akiuga ndageetîkîra makinya vûrûri ûrîa eerîre methe mao atî nî akaamava vûrûri mûnoru ûrî îria na ûûkî.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.