Ntha 33:21 - ÎVUKU RÎA ÛVORO MWARO

²¹ Nwatî taroria ava mwenarî wakwa varî na îthiga na nîûkaarûngama îgûrû rîa rîo.

Ntha 33:21 ပူးပေါင်းရင်းမြစ်များ

1Atha 19:9

Arî kûu, nîwatoonyire ngurungarî na akîraara kuo. Wa rîmwe Ngai-Mûnene nîwamumîrîre na akîmûria atîrî, “Elija, ûreka atîa ava?”

Thaburi 18:2

Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.

Thaburi 18:46

Ngai-Mûnene nîatûûraga mwoyo! Arokumua mûgitîri wakwa! Ngai mûvonokia wakwa arogoocwa.

Thaburi 27:5

Vîndî ya thîna nîakaangitîra, nîakaanthitha hekarûrî yake, na ambigage îgûrû vandû vagitîre.

Thaburi 61:2

Nîragwîta nîrî mûthiia wa nthî, nîragwîta nthirîte vinya. Ndongoria îthigarî rîa ûgitîri,

Thaburi 62:7

Ûvonokio wakwa na gîtîîo gîakwa ciumaga kûrî Ngai; nîke mûgitîri wakwa ûrîa mûnene, nîîthithaga kûrî ke.

Isaia 56:5

nîngaamava vandû nyombarî yakwa na rîîtwa rîrî na gîtîîo kînene gûkîra kîrîa angîaveerwe nîûndû wa kûgîa ciana cia erîtu na anake. Nîngaamava rîîtwa rîrîa magaatûûra metagwa tene na tene, rîrîa rîtakaariganîra.”

Zakaria 3:7

“Ngai-Mûnene mwene vinya wonthe augîte ûngîathîkîra maathani make na ûrûmagîrîre maûndû marîa akwathîte, nîagaakûva ûvoti wathanage hekarûrî yake na ivaarorî ciayo, na nîagaagwîtîkîria ûtungatage ta ûrîa aya marûngamîte ava matungataga.

Luka 15:1

Mûthenya ûmwe etia eengî a mbeca cia gooti na evia nîmaathiîre varîa Jesû aarî kûthikîrîria akîthomithania.

Gûco 5:31

Nwatî we Musa rûngama ava nîrî, na nîngûkûva Maathani monthe, Mawatho na matuîro ma ciira. Mathomithieni andû nîguo makaamathîkîra makinya vûrûri ûrîa ngaamava megwatîre.’

Josh 20:4

Mûndû ûcio ûraganîte nî akaaûra athiî îtûûrarî rîmwe rîa mau. Nake nîakaarûngama kîvingorî gîa îtûûra rîu na ataarîrie atongoria a îtûûra ûrîa gwîkîkîte. Nao nîmakaamwîtîkîria atonye îtûûrarî rîu na mamûve vandû va gûtûûra na nîagaatûûrania na andû a îtûûra rîu.