Ntha 33:19 - ÎVUKU RÎA ÛVORO MWARO

¹⁹ Ngai-Mûnene nîwacokirie atîrî, “Nie, nîngaatûma riiri wakwa ûvîtûkîrîre mbere yaku na nîngaagweta rîîtwa rîakwa ‘Ngai-Mûnene’ mbere yaku. Ngonanagia wendo kûrî mûndû ûrîa ngwenda kwonia wendo na ngegucagîra ntha mûndû ûrîa ngwenda kwîguîra ntha.

Ntha 33:19 ပူးပေါင်းရင်းမြစ်များ

Nehemia 9:25

Andû aku nîmegwatîre matûûra manene marîa maarî magitîre, na vûrûri ûrîa warî mûnoru. Nîmegwatîre nyomba ciarî na indo cionthe mbaro igîtuîka ciao, iriko cia manjî irîa ciarî mînje, mîgûnda ya mîthavibu na ya mîtamaiyû îrîa îciaraga matunda, wa vamwe na mîtî mîngî ya matunda. Kwoguo nîmaarîre makîvaa, makînora na magîkenerera indo cionthe irîa wamaveere.

Thaburi 25:13

Ngai-Mûnene nîagaatûma magîe na ûtûûro mwaro vîndî cionthe, na njiarwa ciao nîikegwatîra vûrûri.

Thaburi 65:4

Kûrathimwa nî arîa ûthuurîte, arîa ûretaga nîguo matûûre hekarûrî yaku. Nîtûgaakenera maûndû maro marîa ma nyomba yaku, irathimo cia hekarû yaku ntheru.

Isaia 12:4

Mûthenya ûcio nîmûkaaina atîrî, “Cokeriani Ngai-Mûnene ngatho! Mûvoeni mûkîgwetaga rîîtwa rîake. Menyithiani mavûrûri maûndû marîa ekîte, na mwanîrîre atî rîîtwa rîake nî rînene.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Jeremia 31:14

Nîngaavaithia athînjîri-Ngai na indo mbaro, na mvingîrie andû akwa maavata mao monthe. Ûguo nîguo nie Ngai-Mûnene nauga.”

Zakaria 9:17

Kaî makethîrwa marî aro na athaka-î! Andû ethî nîmakaagîcaga na vinya nîûndû wa ngano na ndivei.

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

Aroma 9:23

Ke nwa wendaga kwonania riiri wake mwîngî kûrî andû arîa eeguîrîre ntha na nîtue aavarîrie tûgae riiri wake.

Gûco 32:3

Nîngaanîrîra rîîtwa rîa Ngai-Mûnene, nao andû nîmakaauga, Ngai nî mûnene.