Ntha 33:11 - ÎVUKU RÎA ÛVORO MWARO

¹¹ Ngai-Mûnene aaragia na Musa makîonanaga ta ûrîa mûndû aragia na mûrata wake. Musa acoka kûrîa andû maambîte magema, Joshua mûvîcî wa Nuni ûrîa wamûtethagia aatigagwa kûu îgemarî. Joshua aarî mwanake.

Ntha 33:11 ပူးပေါင်းရင်းမြစ်များ

Kîam 32:30

Jakovu nîwaugire atîrî, “Nie nîmonanîte na Ngai ûthiû kwa ûthiû, na nîrî wa mwoyo.” Kwoguo Jakovu nîwetire vandû vau Penieli.

2Maû 20:7

Ngai wetû, vîndî îrîa andû a Isiraeli maatonyire vûrûrirî ûyû, kinthî ndwengatire andû arîa maatûûraga kuo na ûkîûva njiarwa cia Iburahimu, mûrata waku nîguo ûtuîke wao tene na tene?

Ayubu 16:21

Naarî kethîrwa kûrî na mûndû wa kûnthaithanîrîra kûrî Ngai, ta ûrîa andû aîrî arîa mavîtanîtie meguithanagua.

Ntha 17:9

Nake Musa nîwerire Joshua atîrî, “Tûthuurîre arûme a gûkaathiî kûrûa na Amaleki rûyû. Nanie nîngaarûngama kîrîmarî îgûrû nyitîte mûragi ûrîa Ngai aambîrire nguue.”

Ntha 24:13

Kwoguo Musa na Joshua ûrîa wamûtethagîrîria nîmeevarîrie, na Musa akiunûkia kîrîmarî kîu kîtheru.

Ntha 32:17

Rîrîa Joshua egwire înegene rîa andû makiugîrîria, nîwerire Musa atîrî, “Nînîregua înegene rîa mbaara varîa andû mambîte magema.”

Ntha 33:10

Rîrîa andû onthe moona gîtugî gîa îtu Kîamrûngama mûromorî wa îgema, nîmaarûngamaga na makagooca Ngai-Mûnene wa mûndû arî mûromorî wa îgema rîake.

Ntha 33:9

Rîrîa Musa atonya îgemarî, gîtugî gîa îtu nîkîanyûrûrûkaga gîkarûngama mûromorî wa îgema na Ngai-Mûnene akarîria Musa arî îtuurî rîu.

Isaia 42:8

“Nie nînie Ngai-Mûnene rîu nîrîo rîîtwa rîakwa. Gûtirî wîngî ngaava riiri wakwa, kana mvecana ngumo yakwa kûrî mîvuanano ya kumua.

Ndari 11:28

Nake Joshua mûvîcî wa Nuni, ûrîa wethîrîtwe arî mûtethereria wa Musa kuuma arî mwanake mûnini, nîwerire Musa atîrî, “Mwathi wakwa, makanie!”

Ndari 12:7

Nwatî ûguo tîguo mbaragia na ndungata yakwa Musa. Nîke nîîvokerete andû akwa onthe a Isiraeli.

Ndari 12:8

Mbaragia nake metho kwa metho, na mbaragia cararûkû ndagûtûmîra nthimo. Ke nîwîcî ûrîa mvana! Mwaregire gwîtigîra nîkî mûkîaria maûndû macûku megiî ndungata yakwa Musa?”

Johana 11:11

Jesû arîkia kuga ûguo nîwacokire akiuga atîrî, “Mûrata wetû Lazaro nîkwa amamîte nwatî nîngûthiî kûmûkîria.”

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

Gûco 31:14

Ngai-Mûnene nîwacokire akîra Musa atîrî, “Îvinda rîaku rîa gûkua rîrî vakuvî. Îta Joshua na mûke nake îgemarî rîa Ngai-Mûnene, nîguo nîmwîre ûrîa agwîka.” Kwoguo Musa na Joshua nîmaathiîre na magîtonya îgemarî rîa gûcemanîrua.

Gûco 34:10

Kuuma vîndî îo, gûtirî kwagîa mûrathi wîngî ta Musa vûrûrirî wa Isiraeli, mûndû maaranagîria na Ngai-Mûnene metho kwa metho.

Gûco 5:4

Ngai-Mûnene nîwaririe namue mûkîyonagîra arî mwakirî kûu kîrîmarî.

Jakuvu 2:23

Namo mandîko matheru nîmaavingirue marîa maugîte atîrî, “Iburahimu nîwetîkirie Ngai, na nîûndû wa wîtîkio wake, Ngai nîwamûtwire mûthingu.” Kwoguo Iburahimu nîwetirwe mûrata wa Ngai.