Ntha 32:4 - ÎVUKU RÎA ÛVORO MWARO

⁴ Aroni nîwocire mindo icio kuuma kûrî o, akîirarûra na mwaki na akîrûtha mûvuanano wa ndegwa ya thaavu nacio. Nao nîmaaugire atîrî, “Andû a Isiraeli îno nîyo ngai yenyu îrîa yamûrutire vûrûri wa Misiri!”

Ntha 32:4 ပူးပေါင်းရင်းမြစ်များ

1Atha 12:28

Kwoguo mûthamaki nîwaûririe ûtaaro na akîrûtha mîvuanano îîrî ya tûcaû twa thaavu na akîra andû ake atîrî, “Nîmûthiîte Jerusalemu kûgoocera kuo îvinda îraca. Mue andû a Isiraeli, ino nîcio ngai cienyu irîa ciamûrutire Misiri!”

1Atha 12:32

Jeroboamu nîwatuire andû makûngûagîre kîrugo mûthenya wa îkûmi na îtano mwerirî wa kanana, ta kîrugo kîrîa kîethagîrwa Juda. Metharî ya kîgongoona kûu Betheli nîwarutîre tûcaû twa thaavu tûrîa aarûthîte magongoona, na akiga athînjîri-Ngai kûu Betheli matungatage marî kûndû kûrîa gûtûgîru gwa kûgoocera kûrîa aatumîte.

2Atha 10:20

Jehu nîwacokire akîathana atîrî, “Menyithaniani mûthenya wa kûgooca Baali!” Nao nîmaamenyithanirie ûndû ûcio.

2Atha 10:29

Nwatî Jehu nîwekire wîvia wata ûrîa wekirwe nî Jeroboamu, mûvîcî wa Nefati, ûrîa watûmire andû a Isiraeli mevie na njîra ya gûtûma magooce mîvuanano ya tûcaû twa thaavu îrîa yarî Betheli na Dani.

2Maû 11:15

Jeroboamu nîwathuurire athînjîri-Ngai ake a gûtungata kûndû kûrîa gûtûgîru kwagoocagîrwa ngai ciake cia mîvuanano ya mbûri na njaû irîa aarûthîte.

2Maû 13:8

Rîu mûvangîte kûregana na ûthamaki ûrîa Ngai-Mûnene avete Daudi na njiarwa ciake nîûndû mûrî gîkundi kînene Kîam athigari na mûrî na mîvuanano ya njaû cia thaavu îrîa Jeroboamu aarûthire îtuîke ngai cienyu.

Nehemia 9:18

Nîmeethondekere mûvuanano wa njaû ya ndegwa, na nîmaaugire atî nîyo ngai îrîa yamarutire Misiri! Ngai-Mûnene, anga tîkwa maakûrumire!

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 20:23

Mûtikanerûthîre ngai cia mîvuanano cia sîlûva, kana cia thaavu cia kûgoocanagîrua nanie.

Ntha 20:4

“Ndûkanethondekere mûvuanano, kana mûvuanîre wa kîndû wa kîonthe kîrî îgûrû maturî, kana wa kîndû kîrî gûkû nthî, kana wa kîndû kîrî manjîrî marîa marî rungu rwa nthî.

Ntha 28:11

Ûgaacaria mûndû ûrî na wara wa kûrûtha indo na mathiga ma goro andîke marîîtwa ma avîcî a Isiraeli mathigarî mau maîrî. Mekîre vandû varûthîtwe na thaavu nîguo methîrwe marî vandû vamwe.

Ntha 28:9

Na ûgooca mathiga maîrî ma goro ma marangi meengî metagwa Karineli na wandîke mathigarî mau marîîtwa ma avîcî arîa îkûmi na aîrî a Jakovu.

Ntha 32:1

Rîrîa andû a Isiraeli moonire atî Musa nîwekara mûno atacokete kuuma kîrîmarî, nîmaagomanire varî Aroni na makîmwîra atîrî, “Ûkîra ûtûrûthîre ngai îrîa îgaatûtongoragia nîûndû tûtiîcî ûrîa gwîkîkîte kûrî Musa ûrîa watûrutire vûrûri wa Misiri.”

Ntha 32:24

Nînaamerire atî mûndû ûngîthîrwa arî na mindo cia thaavu arute anengere. Kwoguo arîa maarî nacio nîmaangerire cio nanie ngîcikia mwakirî na gûkiuma njaû îno ya ndegwa!”

Ntha 32:3

Kwoguo andû onthe nîmaarutire mindo cia thaavu irîa maarî nacio matû na makîvirîra Aroni.

Ntha 32:35

Kwoguo Ngai-Mûnene nîwatûmire kûgîe na mûthiro kûrî andû nîûndû nîmaatûmire Aroni arûtha njaû ya ndegwa ya thaavu.

Ntha 32:5

Aroni nîwacokire agîtuma metha ya kîgongoona vau mbere ya mûvuanano wa ndegwa îo ya thaavu na akîmeera atîrî, “Rûyû nî gûkaagîa na kîrugo nîguo tûkumie Ngai-Mûnene.”

Ntha 32:7

Ngai-Mûnene nîwerire Musa atîrî, “Nyûrûrûka narua nîûndû andû aku arîa warutire vûrûri wa Misiri nîmevîtie na makaregana nanie.

Ntha 32:8

Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Isaia 46:6

Andû arîa metûrûraga thaavu kuuma mîvukorî yao, makîthimaga sîlûva na ithimi ciao, mandîkaga mûturi wa thaavu, nake akathondeka mûvuanano wa ngai yao; nao macokaga makamîturîria maru makamîgooca!

Ezek 23:8

Ndaatiganîria ûmaraa ûrîa aambîrîrie arî Misiri rîrîa aarî mwîrîtu mwîthî. Arûme arîa maamamaga nake nîo maamûcûkîrie wîrîtu wake na makîmûtua mûmaraa.

Hosea 10:5

Andû arîa matûûraga Samaria nîmagaatetema, nîûndû wa njaû ya Bethaveni. Andû a kuo nîmagacakaîra njaû îo, wana athînjîri-Ngai arîa magoocaga ngai cia mûviano nîmakaamînamîrîria, makarîra nîûndû riiri wa njaû îo nîmûthengutie.

Hosea 13:2

Andû a Efiraimu nwa marathiî na mbere kwîvia, nîmarethondekera mîvuano ya sîlûva cia kûgooca, mîvuano îrîa îrûthîtwe na njara ciao na wara wao, cionthe irûthîtwe nî mavundi. Maugaga atîrî, “Irutîreni magongoona!” Andû nîmaramumunya mûviano wa njaû!

Ciîko 17:29

Na nîûndû tue tûrî ciana cia Ngai, tûtiagîrîrwe nîgwîciria atî Ngai nî kîndû andû meciragîria kana mathondekaga kuumana na thaavu, sîlûva kana îthiga.

Ciîko 7:41

Kwoguo andû acio nîmaathondekire mûvuanano wekariî ta njaû na makîûrutîra îgongoona. Nao nîmaagîre na îruga magîkenerera wîra wa njara ciao.

1Akor 10:7

na tûtikavoyage mîvuanano ta ûrîa amwe meekire. Kwandîkîtwe mandîkorî matheru atîrî, “Andû nîmeekarire nthî, makîrîa na makînyua magîka ciîko cia ûmaramari.”

Gûco 9:16

Nînaroririe na ngîona atî nama nîmûregete kwathîkîra watho ûrîa Ngai-Mûnene Ngai wenyu aamwathîte, na nîmwîvîtie mbere ya Ngai na njîra ya kwîrûthîra mûvuanano wa karegwa.

Atir 8:24

Gideoni nîwathiîre mbere na kûmeera atîrî, “Mbîtîkîriani nîmûvoye kîndû kîmwe. Nakîo nî atî: Wa ûmwe wa cienyu nîamve icûvî cia matû irîa aatavire.” (Amidiani maarî na icûvî cia matû cia thaavu nîûndû maarî Aishumaeli.)

Atir 8:27

Gideoni nîwarûthire mûvuanano wa thaavu icio na akîwiga Ofira, îtûûrarî rîake. Nao Aisiraeli onthe nîmaatiganîrie Ngai na makîambîrîria kûmîgooca. Nayo nîyatuîkire mûtego kûrî Gideoni na andû a mûciî wake.