Ntha 32:31 - ÎVUKU RÎA ÛVORO MWARO

³¹ Nake Musa nîwacokire kîrîmarî kûrî Ngai-Mûnene na akîmwîra atîrî, “Andû aya nîmekîte mevia manene mûno. Nîmerûthîrîte ngai ya thaavu na nîmamîgoocete.

Ntha 32:31 ပူးပေါင်းရင်းမြစ်များ

Ezira 9:15

Ngai-Mûnene, Ngai wa Isiraeli, we ûrî mwîvokeku, nîûndû nîwîtîkîrîte tûtûûre mwoyo nginya ûmûnthî. Na rîu ava nîtûkumbûra mavîtia metû, nîûndû gûtirî mûndû mwagîrîru gatagatîrî getû wa kûrûngama mbere yaku.”

Nehemia 9:18

Nîmeethondekere mûvuanano wa njaû ya ndegwa, na nîmaaugire atî nîyo ngai îrîa yamarutire Misiri! Ngai-Mûnene, anga tîkwa maakûrumire!

Nehemia 9:33

Ûtûverithîtie na njîra îrîa yagîrîrîte, we ûrî mwîvokeku na tue twîkîte maûndû ma waganu.

Ntha 20:23

Mûtikanerûthîre ngai cia mîvuanano cia sîlûva, kana cia thaavu cia kûgoocanagîrua nanie.

Ntha 20:4

“Ndûkanethondekere mûvuanano, kana mûvuanîre wa kîndû wa kîonthe kîrî îgûrû maturî, kana wa kîndû kîrî gûkû nthî, kana wa kîndû kîrî manjîrî marîa marî rungu rwa nthî.

Ntha 32:30

Mûthenya ûcio warûmîrîrîte Musa nîwerire andû atîrî, “Mue nîmwîkîte mevia macûku mûno. Nwatî rîu nîngunûkia kîrîmarî kûrî Ngai-Mûnene ngone kana Ngai-Mûnene nwa amwovere mevia menyu.”

Ntha 34:28

Musa nîwekarire vau varî Ngai-Mûnene mîthenya mîrongo îna ûtukû na mûthenya, na ndaanyua kana arîa kîndû kavinda kau konthe. Nake nîwandîkire ciugo cia kîrîkanîro na nîcio Maathani îkûmi ivengererî cia mathiga.

Danieli 9:11

Andû onthe a Isiraeli nîmaaunire watho waku, na makîrega gûkwathîkîra. Tue nîtwakûvîtîrie we Ngai-Mûnene na tûkîrega kwathîkîra Watho ûrîa waveere ndungata yaku Musa. Kwoguo tûrî anyite nî kîrumi na matuîro marîa mandîke wathorî wa Musa, ndungata yaku.

Danieli 9:5

Tue nî twîvîtie, nîtwîkîte maûndû macûku, na tûgeka naaî. Nîtûreganîte nawe na tûkaregana na maathani maku na irîra ciaku.

Danieli 9:8

Ngai-Mûnene, tue, athamaki etû, aathani etû, na methe metû, tûrî na gîconoko nîûndû nîtûkûvîtîrîtie.