Ntha 32:22 - ÎVUKU RÎA ÛVORO MWARO

²² Aroni nîwamûcokerie atîrî, “Tiga kûrakara nînie mwathi wakwa. Nîwicî we mwene ûrîa andû aya mendete gwîka naaî.

Ntha 32:22 ပူးပေါင်းရင်းမြစ်များ

Kîam 44:18

Juda nîwathiîre kûrî Josefu na akîmwîra atîrî, “Mwathi wakwa, nakûthaitha ûmbîtîkîrie mbarie nawe nie ndungata yaku, na ndûkarakare nîûndû wakwa. Nîmbicî we ûrî na ûvoti ta wa mûthamaki wa Misiri ke mwene.

Thaburi 36:4

Rîrîa amamîte avangaga gwîka maûndû marîa macûku, gûtirî ûndû mwaro ekaga, na ndareganaga na ûndû wa wonthe wa waganu.

Ntha 14:11

Nao nîmeerire Musa atîrî, “Nîkwa gûtaarî mbîrîra kûu Misiri nîguo ûtûrute kuo tûke tûkuîre gûkû werûrî? Taroria ûrîa wîkîte nîûndû wa gûtûruta Misiri!

Ntha 15:24

Nao andû a Isiraeli nîmaatetirie Musa na makîmûria atîrî, “Nîtûnyua ndûî?”

Ntha 16:20

Nwatî andû amwe matiathikîrîria ûrîa Musa aameerire, kwoguo nîmaatigaririe. Nacio ciakinyia kîraûko Kîam mûthenya ûcio wîngî ciethîrirwe irî na igunyû na irî na mûnungo mûcûku, na Musa nîwarakarire nîo.

Ntha 16:28

Nake Ngai-Mûnene nîwerire Musa atîrî, “Nîmûtûûra mûregete kwathîkîra maathani na mawatho makwa nginya rî?

Ntha 32:1

Rîrîa andû a Isiraeli moonire atî Musa nîwekara mûno atacokete kuuma kîrîmarî, nîmaagomanire varî Aroni na makîmwîra atîrî, “Ûkîra ûtûrûthîre ngai îrîa îgaatûtongoragia nîûndû tûtiîcî ûrîa gwîkîkîte kûrî Musa ûrîa watûrutire vûrûri wa Misiri.”

Ntha 32:21

Musa nîwaûririe Aroni atîrî, “Andû aya maragwîkire atîa atî nîguo ûmarekererie meke wîvia mûnene ûguo?”

Nthi 4:16

Nîûndû andû arîa aganu matingîmama matekîte naaî; matingîgwatwa nî toro matavîtithîtie mûndû.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

Gûco 9:24

Mûtûûrîte mûreganîte na Ngai-Mûnene kuuma rîrîa naamûmenyire.

Gûco 9:7

“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.

1Sam 15:15

Nake Saûlo nîwacokirie akiuga atîrî, “Andû akwa maaûkire nacio kuuma kûrî Amaleki. Maathuurire ndûrûme na ndegwa irîa mbaro mûno nîguo mairute irî îgongoona kûrî Ngai-Mûnene, Ngai waku, nacio icio ciîngî tûgîicûkangia viû.”

1Sam 15:21

Nwatî andû akwa matiaûraga ndûrûme na ndegwa irîa mbaro maatavire, vandû va ûguo nîkwa maairetire gûkû Giligali nîguo mairute îgongoona kûrî Ngai-Mûnene, Ngai waku.”

1Sam 15:24

Nake Saûlo nîwerire Samueli atîrî, “Îî, nie nînjîvîtie. Nînaaregire gwîka ûrîa Ngai-Mûnene ambathîte, wana ûrîa we wambîrîte. Nînetigîre andû akwa na ngîka ûrîa meendaga.