Ntha 32:20 - ÎVUKU RÎA ÛVORO MWARO

²⁰ Nîwocire njaû ya ndegwa îo maarûthîte akîmîvîvia na mwaki akîmîthîa îgîtuîka mûtutu. Nîwatukanirie mûtutu ûcio na manjî na agîtûma andû a Isiraeli maûnyue.

Ntha 32:20 ပူးပေါင်းရင်းမြစ်များ

1Atha 15:13

Nîwacokire agîtigithia ng'ina kûthiî na mbere arî mûthamaki wa mûndûmûka, nîûndû nîwarûthire mûvuanano wa ngai ya mûndûmûka ya Ashera. Asa nîwatemangire mûvuanano ûcio na akîûvîvîria Kîamndarî gîa karûnjî ga Kidironi.

2Atha 23:15

Josia nîwacûkangirie kûndû gûtûgîru kûrîa kwagoocagîrwa gwatumîtwe nî mûthamaki Jeroboamu, mûvîcî wa Nefati kûu Betheli. Mûthamaki Jeroboamu nîke watûmire andû a Isiraeli mevie. Nîwomomorire metha ya kîgongoona, akiunanga mathiga mayo tûcunjî, nîwatûthiire nginya tûgîtuîka rûkûngû, na akîvîvia mûvuanano wa Ashera.

2Atha 23:6

Nîwarutire mûvuanano wa ngai ya nga ya Ashera hekarûrî ya Ngai-Mûnene na akîmîvira nja ya îtûûra rîa Jerusalemu nginya karûnjîrî ga Kidironi na akîûvîvîria vo. Nîwaûthîire nginya ûgîtuîka rûkûngû na akîûnyagia mbîrîrarî kûrîa kwathikagwa andû onthe.

2Maû 34:4

Nîwathire metha cia Baali cia magongoona kûrîa aagoocagîrwa imomomorwe, metha cia magongoona cia kûvîvîrua ûbani irîa ciarî vakuvî nacio na akiunanga mîvuanano ya Ashera na mîvuanano îngî yonthe na magîcoka makîmîthîa îgîtuîka rûkûngû na makîrûnyagia mbîrîrarî cia andû arîa maairutîrîte magongoona.

Ntha 32:21

Musa nîwaûririe Aroni atîrî, “Andû aya maragwîkire atîa atî nîguo ûmarekererie meke wîvia mûnene ûguo?”

Nthi 1:31

Kwoguo, nîmûkaarîa matunda ma mîthiîre yenyu, na mûvûnue nî mîvango yenyu.

Nthi 14:14

Andû arîa acûku makaarîvwa na kîrîa kîmagîrîrîte. Nao andû arîa aro makaarîvwa kûringana na ciîko ciao.

Gûco 7:25

Nîmûkaavîvia mîvuanano ya kumua ya ngai ciao. Mûtigacumîkîre sîlûva kana thaavu ciao kana mûcioce ituîke cienyu nîûndû nî mûgiro kûrî Ngai-Mûnene.

Gûco 7:5

Kwoguo nîmûkoomomora metha ciao cia magongoona, na munange itugî cia ngai ciao, na mûtemange mîvuanano ya Ashera, na mûvîvie mîvuanano yao ya kumua.

Gûco 9:21

Nînoocire kîndû kîonthe kîrîa Kîamrî na mevia, karegwa karîa mwarûthîte, ngîkavîvia na mwaki na ngîkaunanga tûcunjî. Nînaacokire ngîkathîa gagîtuîka rûkûngû na ngikia rûkûngû rûu karûnjîrî karîa kaanyûrûrûkaga kaumîte kîrîmarî kîu.