Ntha 32:17 - ÎVUKU RÎA ÛVORO MWARO

¹⁷ Rîrîa Joshua egwire înegene rîa andû makiugîrîria, nîwerire Musa atîrî, “Nînîregua înegene rîa mbaara varîa andû mambîte magema.”

Ntha 32:17 ပူးပေါင်းရင်းမြစ်များ

1Maû 7:27

Elishama aarî îthe wa Nuni, nake Nuni aarî îthe wa Joshua.

Ayubu 39:25

Rîrîa karumbeta kavuvwa, nîîraramaga; îrî kûraca nîîgucaga mbaara îkînunga, nîîgucaga anene a mbaara makîathana maugîrîrîtie.

Thaburi 47:1

Mue andû onthe, vûrani mvî na mugîrîrie! Kumiani Ngai na nyîmbo mugîrîrîtie!

Ntha 17:9

Nake Musa nîwerire Joshua atîrî, “Tûthuurîre arûme a gûkaathiî kûrûa na Amaleki rûyû. Nanie nîngaarûngama kîrîmarî îgûrû nyitîte mûragi ûrîa Ngai aambîrire nguue.”

Ntha 24:13

Kwoguo Musa na Joshua ûrîa wamûtethagîrîria nîmeevarîrie, na Musa akiunûkia kîrîmarî kîu kîtheru.

Ntha 32:16

Ngai nîke warûthîte na nîke wandîkîte maathani mau ivengererî icio.

Ntha 32:18

Nwatî Musa nîwacokirie atîrî, “Înegene rîu tî ta rîa ûvootani kana rîa kûvootwa, nwatî nîregua makina.”

Ntha 32:6

Kîraûko tene mûthenya ûcio wîngî andû nîmaarutire matega ma kûvîvua, na matega ma thayû. Nîmaacokire magîkara nthî makîrîa na makînyua. Nîmaarûngamire na makîambîrîria kwîinia makinaga nyîmbo cia waga nthoni.

Jeremia 51:14

Ngai-Mûnene mwene vinya wonthe nîevîtîte ke mwene akauga atîrî, “Nama nîngûrete athigari eengî ta ngige makûtharîkîre, na nîmakaugîrîria na vinya nîûndû wa ûrîa mavootanîte.”

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Amosi 2:2

Kwoguo nîngaatûma mwaki îtûûrarî rîa Moabu, ûcûkangie kûndû kûrîa kûgitîre îtûûrarî rîa Keriothi. Rîrîa athigari a mbaara makaugîrîria na mavuve tûrumbeta, andû a Moabu nîmagaakua.

Josh 6:10

Nwatî Joshua nîwathîte andû a Isiraeli na akîmera matikaarie kana maugîrîrie nginyagia rîrîa akaamera.

Josh 6:16

Mathiûrûrûka rita rîa mûgwanja, athînjîri-Ngai nîmaavuvire tûrumbeta. Nake Joshua nîwathire andû na akîmera maugîrîrie. Nîwacokire akiuga atîrî, “Ngai-Mûnene nî atûvete îtûûra rîîrî!

Josh 6:20

Nao athînjîri-Ngai nîmaavuvire tûrumbeta twao. Na rîrîa andû meegwire mûgambo wa tûrumbeta nîmaaugîrîrie na mûgambo mûnene. Nacio nthingo cia Jeriko nîciagwîre. Andû a Isiraeli nîmaaunûkirie kîrîma na magîtonya îtûûrarî rîa Jeriko makîrînyita.

Josh 6:5

Athînjîri-Ngai nîmakaavuva tûrumbeta twao na mûgambo mûnene. Rîrîa mûkaawîgua andû onthe nîmakaaugîrîria na mûgambo mûnene. Nacio nthingo cia îtûûra rîa Jeriko nîikomomoka na andû nîmagaatonya îtûûrarî kuuma mîena yonthe.”

Atir 15:14

Rîrîa aakinyire Lehi, Afilisiti nîmaavinyûrire na kûrîa aarî makîmugagîrîria. Naguo roho wa Ngai-Mûnene nîwamwîkîrire vinya wa rîmwe na agîtucanga mîkanda îrîa yamwovanîtie njara. Yatuîkangire îkîgûcaga nthî ta mûvûra ûvîvîtue nî mwaki.

1Sam 17:20

Daudi nîwaûkîrire kîraûko tene mûthenya ûcio wîngî, agîtigîra ng'ondu mûndû wîngî wa kûirîthia, agîoca irio na akîthiî wata ûrîa Jesii aamwathîte. Daudi aakinyire kûrîa maambîte magema vîndî îrîa Aisiraeli maarî vakuvî kumagara mathiîte mbaararî makiugagîrîria nîûndû wa mbaara.

1Sam 17:52

Nao andû a Isiraeli na Juda nîmaathiîre makiugagîrîria na makîngata Afilisiti, makîmakinyia nginya Gathu na ivingorî cia Ekironi. Afilisiti arîa maativangîtue maagûcaga njîrarî kuuma Sha-araimu nginya Gathu na Ekironi.