Ntha 32:15 - ÎVUKU RÎA ÛVORO MWARO

¹⁵ Musa nîwanyûrûrûkire kuuma kîrîmarî akuîte ivengere cia mathiga ciandîkîtwe Maathani mîena yoîrî.

Ntha 32:15 ပူးပေါင်းရင်းမြစ်များ

Thaburi 19:7

Watho wa Ngai-Mûnene nî mûkinyanîru, nî ûvecaga mûndû vinya mûcerû. Maathani ma Ngai-Mûnene nî ma kwîvokeka, nîmavecaga ûûgî arîa matarî naguo.

Ntha 16:34

Wata ûrîa Musa aathîtwe nî Ngai-Mûnene, Aroni nîwaigire maana mau mbere ya îthandûkû rîa kîrîkanîro nîguo maigwe.

Ntha 24:12

Ngai-Mûnene nîwerire Musa atîrî, “Unûkia ûke kîrîmarî varî nie na weterere vo. Nanie ngaakûnengera ivengere igîrî cia mathiga ciandîkîtwe mawatho na maathani ma gûtaara andû.”

Ntha 24:18

Musa nîwaunûkirie kîrîmarî na agîtonya ndaarî ya îtu, na agîkara kuo mîthenya mîrongo îna ûtukû na mûthenya.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:16

Ngai nîke warûthîte na nîke wandîkîte maathani mau ivengererî icio.

Ntha 34:29

Rîrîa Musa aanyûrûrûkire kuuma kîrîmarî gîa Sinai akuuîte Maathani îkûmi, ûthiû wake nîwakengaga nîûndû ethîrîtwe akîaria na Ngai-Mûnene, nwatî ndaamenyaga.

Ntha 40:20

Nîwacokire agîoca ivengere irîa igîrî cia mathiga na agîciîkîra îthandûkûrî rîa kîrîkanîro. Agîkîra mîtî ya gûkuua îthandûkû icûvîrî ciarîo na akigîrîra gîkunîko îgûrû rîarîo.

2Akor 3:3

Nîkûronekana waro atî Kristû ke mwene nîke wandîkire maarûa îno na akîmîtûma na njîra yetû. Maarûa îno ndîandîkîtwe na rangi, nwatî yandîkîtwe na Roho wa Ngai ûrîa ûtûûraga mwoyo, na ndîandîkîtwe ivengererî cia mathiga nwatî yandîkîtwe ngororî cia andû.

2Akor 3:7

Watho ûrîa waretire gîkuû wandîkîtwe ivengererî cia mathiga. Naguo waûkire ûrî na riiri wa Ngai ûrîa watûmire ûthiû wa Musa ûkenga mûno na andû a Isiraeli matingîavotire gwîkara maûroretie. Nwatî vuvarî riiri ûcio nîwathirire.

Gûco 5:22

“Mama nîmo maathani marîa Ngai-Mûnene aamûveere muonthe rîrîa mwacemanîtie kîrîmarî. Rîrîa aaririe na mûgambo mûnene arî mwakirî, matuurî na nduma nene, ndongerera Maathani mengî tiga mama. Nîwacokire akîandîka Maathani mau ivengererî igîrî cia mathiga na akînengera cio.

Gûco 9:15

“Kwoguo nînagarûrûkire ngînyûrûrûka kuuma kîrîmarî nguuîte ivengere igîrî cia îthiga na njara irîa ciandîkîtwe kîrîkanîro. Nakîo kîrîma nwa gîakanaga mwaki.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.

Kûguû 5:1

Nînaacokire ngîona îvuku rîa gîkûnjo rîrî njararî ya ûrîo ya ûrîa wekarîrîte gîtî Kîam ûthamaki. Îvuku rîu rîandîkîtwe mîena yoîrî na rîgatumwa na ndumo mûgwanja.