Ntha 32:12 - ÎVUKU RÎA ÛVORO MWARO

¹² Ndûkareke andû a Misiri mauga atî warutire andû a Isiraeli kuuma Misiri nîguo ûke ûmaûragîre gûkû irîmarî na ûmathirie viû. Tiga kûrakara, na ûgarûre meciria maku na ndûkarete mûthiro kûrî andû aku.

Ntha 32:12 ပူးပေါင်းရင်းမြစ်များ

Kîam 6:6

Ngai-Mûnene nîweririre nîûndû wa kûmba andû na kûmaiga gûkû nthî. Nîweririre mûno ngororî yake na

1Atha 8:51

Acio nî andû aku, na nî îgai rîaku, arîa warutire Misiri, kûrîa kwaviûvîte ta mwaki wa kûrarûra cuuma.

Ezira 10:14

Anene etû nîmarûngamîrîre andû arîa onthe magomanîte ava. Nao andû a matûûra monthe arîa mavikîtie aka ageni maûkage mavinda marîa mamûre marî vamwe na atongoria ao na acirithania kuuma matûûrarî mao nginya rîrîa marakara mau manene ma Ngai magaatûthengutîra.”

Thaburi 106:45

Nîwaririkanire kîrîkanîro gîake nîûndû wao, na akîricûkwa nîûndû wa wendo wake mwîngî ûrîa ûtathiraga.

Thaburi 74:18

Nwatî ririkana we Ngai-Mûnene atî nthû ciaku nîikûthekagîrîra, nî andû irimû na nîmakûnyararîte.

Thaburi 78:38

Nwatî Ngai nîwaeguîrîre andû ake ntha, na akîmarekera mevia mao. Mavinda meengî nîwerigagîrîria kûrakara, na nîwerigagîrîria mang'ûrîka.

Thaburi 85:3

Nîûthirîtie marakara maku monthe, nîûtigîte kûgîa na marakara marûrû.

Thaburi 90:13

We Ngai-Mûnene, nîwîkara ûrakarîte nîtue nginya rî? Coka na ûtwîguîre ntha, tue ndungata ciaku.

Ntha 32:14

Kwoguo Ngai-Mûnene nîwagarûrire meciria make na ndaaretera andû ake mûthiro ûrîa endeete kûmaretera.

Ntha 33:13

Rîu, ethîrwa ûrî mûkenie nînie, nakûthaitha ûmenyethie ûrîa mîvango yaku îkariî nîguo ngûmenye na ngûkenie makîria. Ririkana atî ûthuurîte rûrîrî rûrû rûtuîke andû aku.”

Isaia 64:7

Gûtirî wanarî mûndû ûkûvoyaga; gûtirî mûndû ûkûvoyaga ûtethio. We nîûtwîthithîrîte na ûgatûtiganîria nîûndû wa mevia metû.

Isaia 64:8

Nwatî kûnarî ûguo, we Ngai-Mûnene, we nîwe Vava. Tue twîkariî ta yûmba, nawe wîkariî ta mûmbi wa nyûngû. We nîwe watûmbire tuonthe.

Jeremia 28:16

Kwoguo Ngai-Mûnene arauga atî nîagûkûthengutia gûkû nthî. Mwaka ûyû ûtanathira nîûgûkua nîûndû nîwîrîte andû maregane na Ngai-Mûnene.”

Ezek 20:14

Nwatî nînekire ûndû wîngî nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Ezek 20:22

Nwatî nînathunithirie njara yakwa ndigeke guo nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Ezek 20:9

Nwatî ndieka guo nîguo rîîtwa rîakwa rîtikanyararwe nî ndûrîrî irîa maatûûraga gatagatîrî ga cio. Ndûrîrî icio nîcionire ngîîmenyithania kûrî andû a Isiraeli na njîra ya kûmaruta vûrûri wa Misiri.

Joeli 2:17

Gatagatî ka metha ya kîgongoona athînjîri-Ngai arîa matungataga Ngai-Mûnene nî marîre makiugaga atîrî: “Îguîra andû aku ntha we Ngai-Mûnene. Ndûkareke andû arîa engî matûmena, matûmena makîûragia atîrî, ‘Ngai wao arî kû?’ ”

Amosi 7:3

Ngai-Mûnene, Ngai nîwericûkirwe gwîka ûndû ûcio na akiuga atîrî, “Ûndû ûcio tîwîkîka.”

Amosi 7:6

Ngai-Mûnene Ngai nîwericûkirwe gwîka ûndû ûcio na akiuga atîrî, “Ûndû ûcio wanaguo tîwîkîka.”

Jona 3:9

Ngai avota kwîricûkwa na atige kûrakara, na kwoguo tîtûkua!”

Zakaria 8:14

Ngai-Mûnene mwene vinya wonthe augîte atîrî, “Rîrîa methe menyu maatûmire ndakare nînatuire nîmathirie na ndiameguîra ntha.

Ndari 14:19

Ngai-Mûnene, nîûndû wa ûrîa wendo waku ûtathiraga, nakûthaitha wovere andû aya mevia mao, wata ûrîa ûtwîre ûmovagîra kuuma rîrîa maaumire Misiri nginya ûmûnthî.”

Ndari 16:21

“Umani varî andû aya nîguo nîmathirie wa rîmwe!”

Gûco 13:17

Mûtikeigîre kîndû wanarî kîmwe Kîam irîa ciathanirwe icûkangue, nîguo Ngai-Mûnene athirwe nî marakara. Nîagaacoka amwîguîre ntha na atûme mwîngîve wata ûrîa eerîre methe menyu,

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

Gûco 9:28

Ûngîmathiria, andû a vûrûri wa Misiri kûrîa watûrutire nwa mauge atî nîûndû Ngai-Mûnene nîwaremirwe nî gûkinyia andû ake vûrûri ûrîa aamerîîre na atî nîwamamenire, nîkîo amaretete gûkû werûrî nîguo amaûragîre kuo.

Josh 7:26

Nîmaacokire makîmwigîrîra mathiga mengî mûno na nîmatûûraga vo wana ûmûnthî. Kîu nîkîo gîatûmire vandû vau vetagwe Kîamnda Kîam Akori nginya ûmûnthî. Nake Ngai-Mûnene nîwathirirwe nî marakara.

Josh 7:9

Andû a Kanaani na andû arîa engî onthe matûûraga gûkû makegua ûvoro ûcio. Nao mawîgua magatûthiûrûrûkîria na maûrage andû onthe etû natue nîtûkûriganîra gûkû nthî. Ngai-Mûnene ûgeka atîa nîguo ûgitîre ûnene wa rîîtwa rîaku?”

1Sam 12:22

Ngai-Mûnene nîamûthuurîte mûgatuîka andû ake na nîamwîrîrîte atî ke ndakaamûtiganîria.