Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ntha 31:13 - ÎVUKU RÎA ÛVORO MWARO

13 ere andû a Isiraeli atîrî, “Menyagîrîrani mûthenya wakwa wa thavatû, nîûndû rûu nîruo rûûri gatagatî gakwa namue vamwe na njiarwa cienyu cionthe. Rûûri rûu nî rwa kûmûmenyithia atî Nie, Ngai-Mûnene nînîmûtuîte andû akwa.

အခန်းကိုကြည့်ပါ။ ကော်ပီ




Ntha 31:13
24 ပူးပေါင်းရင်းမြစ်များ  

Nîwamathomithirie kûrûmagîrîra thavatû yaku ntheru, kûvîtûkîrîra Musa ndungata yaku nîwamaathire marûmagîrîre maathani maku.


Mûthenya wa thavatû nî rûûri rwa gûtûûra tene na tene gatagatî gakwa na andû a Isiraeli, nîûndû Nie, Ngai-Mûnene naaûmbire îgûrû na nthî mîthenya îtandatû. Mûthenya wa mûgwanja nînatigire kûruta wîra na ngîvurûka.”


Gûkena nî mûndû ûrîa ûrûmagîrîra na kinyi maûndû marîa mbugaga, ûrîa wîkaraga amenyererete mûthenya wa thavatû atakûûthûkia, na atagwîka wanarî ûndû mûcûku.”


Na mûtigakuue mûrigo kuuma nyombarî cienyu mûthenya wa thavatû, kana mûrute wîra wanarî ûrîkû. Kûngûagîrani mûthenya ûcio na mûwamûrage, wata ûrîa nie Ngai-Mûnene naathire methe menyu.


Makîria ma ûguo, nînaamavere mîthenya yakwa ya thavatû îtuîke kîmenyithia gatagatî gakwa nao nîguo mamenye atî nie Ngai-Mûnene nînie nîmatheragia.


na mûvecage thavatû ciakwa gîtîîo nîguo ituîkage kîmenyithia gatagatî gakwa namue, atî Nie Ngai-Mûnene nî Ngai wenyu.


Nacio ndûrîrî nîikaamenya atî, nie Ngai-Mûnene nînyamûrîte andû a Isiraeli matuîke andû akwa na atî hekarû yakwa îkethagîrwa îrî gatagatîrî kao tene na tene.”


Kûngîgîa na ngucanio magatuithanagia ciira kûringana na watho wakwa ûrîa ûgîte. Makaarûmagîrîra mawatho ma mîthenya îrîa mîamûre kûringana na mawatho na irîra ciakwa, na mamenyagîrîre thavatû ciakwa ciîthagîrwe irî ntheru.


Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.


Menyagîrîrani mîthenya yakwa ya thavatû, na mûtîîage vandû varîa ngoocagîrwa. Nie nînie Ngai-Mûnene.


Vingagiani mawatho makwa, nîûndû Nie nînie Ngai-Mûnene ûrîa ûmûtheragia.”


Tucagani mûthînjîri-Ngai mûndû mwamûre nîûndû nîarutagîra Ngai matega ma irio. Nie Ngai-Mûnene nîrî mûtheru na nînie nîmûtheragia.


Mûrî na mîthenya îtandatû îrîa mûkaarutaga wîra, nwatî mûthenya wa mûgwanja, mûthenya wa thavatû, nî mûthenya wa kûvurûka. Mûtiagîrîrwe nî kûruta wîra mûthenya ûcio, nwatî mûgomanage vamwe nîûndû wa kûgooca. Thavatû nî yakwa, na mûkaamîmenyagîrîra mûrî wa kûrîa mûkethagîrwa mûrî.


“Îra andû a Isiraeli atî mwathiî vûrûrirî ûrîa ngûmûva, mûkaavurûkaga mwaka wa mûgwanja, nîguo magooce Ngai-Mûnene.


Menyagîrîrani mîthenya yakwa ya thavatû na mûtîîage vandû varîa ngoocagîrwa. Nie nînie Ngai-Mûnene.


mûkiugaga ngororî cienyu atîrî, “Kîrugo Kîam mweri mûcerû gîkathira rî, nîguo twendie irio cietû cia mûgûnda? Thavatû îkaathira rî, twambîrîrie kwendia ngano cietû, na tûcenjia ithimi irîa tûthimaga nacio, nîguo tûveenie andû?


Mue irimû ino ndumumu! Nî ndûî kîrî vata makîria; nî thaavu kana nî hekarû îrîa îtûmaga thaavu îo îtuîke nyamûre?


Mamûre matuîke aku ûvororî wa ma. Ciugo ciaku nî cia ma.


Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.


Kûngûagîra mûthenya wa thavatû na ûwamûrage, wata ûrîa Ngai-Mûnene, Ngai waku aakwathire.


Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.


Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ