Ntha 30:34 - ÎVUKU RÎA ÛVORO MWARO

³⁴ Ngai-Mûnene nîwerire Musa atîrî, “Oca ithimo ciîganene cia mînyamû mînungi waro cia sitakiti, onîka na galibanumu na maguta manungi waro.

Ntha 30:34 ပူးပေါင်းရင်းမြစ်များ

Nehemia 13:5

Eliashibu nîwetîkîrîtie Tobia atûmîre nyomba îmwe nene îrîa mbererî yaigagwa matega ma irio cia mûgûnda, ûbani, indo irîa ciavûthagîrwa hekarûrî, gîcunjî gîa îkûmi Kîam matega ma irio, ndivei, na maguta, indo irîa ciavecagwa Alawi, aini a nyîmbo, na arangîri a ivingo, na athînjîri-Ngai kûringana na Watho.

Ntha 25:6

Na mandutîre maguta ma gwakia taa, na mînyamû mînungi waro ya gwîkîrwa magutarî ma kwamûrana na ma gwîkîrwa ûbanirî,

Ntha 30:23

“Oca mînyamû mînungi waro: kilo ithathatû cia manjî ma mûtî wa mare, kilo ithatû cia mûtî mûnungi waro wîtagwa cinamoni, kilo ithatû cia mûthanje mûnungi waro,

Ntha 30:33

Mûndû wa wonthe ûkaarûtha maguta ta mama kana mavakwe mûndû ûtarî mûthînjîri-Ngai ndagaacoka gûtuîka ta ûmwe wa andû akwa.’ ”

Ntha 30:35

Tûmîra indo icio kûrûtha ûbani, ûtukanîtue ta maguta marîa manungi waro. Ûcoke wongerere cumbî nîguo ûtuîke mûtheru na mwamûre.

Ntha 30:7

Aroni akaavîvagîria ûbani mûnungi waro îgûrû rîa metha ya kîgongoona iraûko cionthe rîrîa agûka gwakia taa.

Ntha 31:11

Macoke marûthe maguta ma kwamûrana, na ûbani ûrîa ûrî mûtararûko mwaro nîûndû wa vandû varîa vatheru. Makîrûtha indo icio cionthe, mageeka wata ûrîa naakwathire.”

Ntha 35:15

na metha ya kîgongoona ya kûvîvîria ûbani na mîtî yayo, maguta ma kwamûrana, na ûbani ûrîa mûnungi waro, na gîtambaa Kîam mûrangorî wa îgema.

Ntha 37:29

Nîwacokire akîrûtha maguta ma kwamûrana na akîrûtha ûbani mûnungi waro ûtukanîtue ta maguta manungi waro.

Rwîmbo rwa Nyîmbo 3:6

Nîndûî kîîrîa kîrauma werûrî gîkariî ta mûthiringo wa ndogo, kîrî na mûtî mûnungo wa mare na ûbani, na maguta marîa mendagua nî andû arîa mendagia makîgûraga indo.

Isaia 43:23

Ndwamindîre ng'ondu yaku ya matega ma kûvîvua, kana ûndîîa na magongoona maku. Ndiakûritûvîra ngîgwîtia matega, kana ngûnogia ngîgwîtia ûbani.

Alawi 16:12

nîagooca kanyûngû ga kûvîvîrua ûbani gecûrîte makara marî na mwaki na ngundi igîrî ciîcûrîte ûbani mûnungi waro na aivire vandû varîa vatheru Mûno.

Alawi 2:1

Rîrîa mûndû wa wonthe akûrutîra Ngai-Mûnene matega ma irio cia mûgûnda, nwanginya wîthîrwe ûrî mûtu mûvinyu na awîkîre maguta na ûbani,

Alawi 2:15

Ûcoke wîkîre maguta na ûbani îtegarî rîu. Rîu nî îtega rîa irio cia mûgûnda.

Alawi 24:7

Wîkîre ûbani mûtheri wa mûvarirî kwongerera mîgaterî îo kîrî kîririkania, atî îtega rîu rîa kûvîvua rîamûrîrîtwe Ngai-Mûnene.

Alawi 5:11

Ethîrwa mûndû ndarî na ndutuura igîrî kana macîa maîrî, nîakaaruta kilo îmwe ya mûtu rîrî îtega rîa kûtheria wîvia wake. Ndakaavira vamwe na maguta kana ûbani nîûndû nî îtega rîa kûtheria wîvia nwatî, tî îtega rîa irio cia mûgûnda.

Ndari 4:16

“Eliazaru mûvîcî wa mûthînjîri-Ngai Aroni nîke ûkaamenyagîrîra îgema rîa gûcemanîrua rîonthe, maguta ma taa, ûbani, matega ma irio cia mîgûnda, maguta ma kûrathimana na kîndû kîngî wa kîonthe Kîam îgema rîa gûcemanîrua kîrîa Kîammûrîrîtwe Ngai-Mûnene.”

Ndari 7:14

Mbakûri îmwe ya thaavu yarî na ûrito wa ngiramu îgana rîa îkûmi (110 g), îcûrîte ûbani,

Mathaayo 2:11

Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.