Ntha 30:33 - ÎVUKU RÎA ÛVORO MWARO

³³ Mûndû wa wonthe ûkaarûtha maguta ta mama kana mavakwe mûndû ûtarî mûthînjîri-Ngai ndagaacoka gûtuîka ta ûmwe wa andû akwa.’ ”

Ntha 30:33 ပူးပေါင်းရင်းမြစ်များ

Kîam 17:14

Mûndûmûrûme wa wonthe ûtarî mûruu, ndakethagîrwa arî ûmwe wa andû akwa nîûndû ke tî mûvingiu kîrîkanîro gîakwa.”

Ntha 12:15

Ngai-Mûnene nîwacokire akiuga atîrî, “Vandû va mîthenya mûgwanja mue nwanginya mûrîcage mîgate îtarî mîkîre ndawa ya kwimbia. Mûthenya wa mbere mûkaathengutia ndawa ya kwimbia mîgate kwenyu mîciî, nîûndû mîthenyarî îo mûgwanja mûndû wa wonthe angîrîa mîgate îrî mîkîre ndawa ya kwimbia, ndagaataranîrua na andû acio engî a Isiraeli.

Ntha 12:19

Mîthenyarî îo mûgwanja gûtiagîrîrwe nîkwîthîrwa kûrî na ndawa ya kwimbia mîgate nyombarî cienyu. Nîûndû mûndû wa wonthe ûkaarîa mîgate îkîrîtwe ndawa ya kwimbia wana ethîrwa nî mûgeni kana aciarîrîtwe vûrûrirî ûcio nî akaavinyûrua aume kûrî andû a Isiraeli.

Ntha 29:33

Makaarîa indo irîa ciavûthîrirwe mamburarî ma kwoverwa mevia vîndî îrîa maamûragwa. Athînjîri-Ngai onga nîo magîrîrwe nî kûrîa indo icio nîûndû nî ntheru.

Ntha 30:34

Ngai-Mûnene nîwerire Musa atîrî, “Oca ithimo ciîganene cia mînyamû mînungi waro cia sitakiti, onîka na galibanumu na maguta manungi waro.

Ntha 30:38

Ethîrwa kûrî mûndû ûkaarûtha wîkariî ta guo wa gûtûmîra ûrî maguta manungi waro, ndagaacoka gûtuîka ûmwe wa andû akwa.”

Ntha 31:14

Kwoguo nî mwagîrîrwe nî kûmenyagîrîra mûthenya wa thavatû, nîûndû nî mwamûre. Mûndû wa wonthe ûkaarega gûtîîa mûthenya wa thavatû nîakaaûragwa, mûndû wa wonthe ûkaaruta wîra mûthenya wa thavatû nîakaamûranua na andû akwa.

Alawi 17:10

“Mûisiraeli wa wonthe kana mûgeni wa wonthe ûtûûranagia nao angîrîa nyamû îrî na nthakame, Ngai-Mûnene nîakaamûverithia na amwamûranie na andû ake.

Alawi 17:14

Mwoyo wa indo cionthe irîa ivevaga ûrî nthakamerî, kwoguo mbathîte andû a Isiraeli matikarîe nyama wa yonthe îrî na nthakame, na mûndû wa wonthe ûgeka ûguo nîakaamûranua na andû acio engî.

Alawi 17:4

tiga mûromorî wa îgema rîa Ngai-Mûnene irî îtega kûrî Ngai-Mûnene, nî aunîte watho. Mûndû ûcio nî wîtûrûrîte nthakame, na nî akaamûranua na andû acio engî.

Alawi 17:9

vandûrî vengî tiga mûromorî wa îgema rîa Ngai-Mûnene nîakaamûranua na andû a Ngai.

Alawi 18:29

Mûndû wa wonthe ûgeeka ûndû ûmwe wa mama macûku nîakaamûranua na andû a Ngai.

Alawi 19:8

Mûndû ûrîa ûkaairîa akethîrwa arî na wîvia nîûndû wa kûgwatia kîndû kîrîa nyamûrîrîtwe mûgiro, na mûndû ûcio nîakaamûranua na andû akwa.

Alawi 20:17

Mûndûmûrûme ûkaavikia mwarwang'ina, marî a ng'ina ûmwe kana matarî a ng'ina ûmwe, kîu nî gîîko Kîam ûûra nthoni na andû acio nî makaamûranua na andû acio engî. Mûndûmûrûme akethîrwa aconorithîtie mwarwang'ina na nî akaaverithua nîûndû wa wîvia wake ke mwene.

Alawi 20:18

Mûndûmûrûme angîkaamenyana kîîmwîrî na mûndûmûka vîndî îrîa mûndûmûka ûcio arî îvindarî rîake rîa mweri, andû acio wa oîrî nîmakaamûranua na andû acio engî nîûndû nîmaunîte watho wa ûtheru.

Alawi 20:3

Mûndû ûrîa ûkaavaka îgema rîakwa rîtheru mûgiro na aconorithie rîîtwa rîakwa rîtheru na njîra ya kûvecana wanarî ûmwe wa ciana ciake kûrî Moleku, nîngaamûverithia na nîmwamûranie na andû akwa.

Alawi 22:3

Mûndû wa wonthe kuuma njiarwarî ciaku ûrîa ûgaakuvîrîria matega matheru marîa andû a Isiraeli manyamûrîrîte atarî mûtheru, mûndû ûcio ndakaandungatîra arî mûthînjîri-Ngai rîngî. Watho ûyû nîûtûûra ûrûmagîrîrwa. Nie nînie Ngai-Mûnene.

Alawi 23:29

Mûndû wa wonthe ûtakeenyerekia mûthenya ûcio nîakaamûranua na andû a Ngai.

Ndari 15:30

“Nwatî mûndû ûrîa wîvagia akîmenyaga, arî Mûisiraeli kana arî mûgeni, ethagîrwa akîruma Ngai-Mûnene. Mûndû ûcio akaathengutagua andûrî a Ngai-Mûnene.

Ndari 15:31

Mûndû ûcio akaathengutagua kûrî andû arîa engî viû nîûndû wa kûruma Ngai-Mûnene na kuna rîathani rîake, na akaaverithagua nîûndû wa mevia make.”

Ndari 19:13

Mûndû wa wonthe ûvutagia kimba Kîam mûndû na akarega kwîtheria ethagîrwa atarî mûtheru, nîûndû tî mûminjîrie manjî ma kwîtheria. Angîthiî îgemarî rîa Ngai-Mûnene nwa arîgwatie gîko na ndakethagîrwa arî ûmwe wa andû a Ngai-Mûnene.

Ndari 19:20

Mûndû ûrîa wîthagîrwa atarî mûtheru na akarega kwîtheria, mûndû ûcio akaathengutagua kûrî andû a Ngai-Mûnene nîûndû nîagwatîtie îgema rîa Ngai-Mûnene gîko nîûndû tî mûminjîrie manjî ma kwîtheria.

Ndari 4:18

“Ndûgetîkîrie andû a mbarî ya Kohathu,

Ndari 9:13

Nwatî mûndû wa wonthe mûtheru, na ethîrwe ndarî rûgendorî na ndakûngûagîra Pasaka ndakethagîrwa arî ûmwe wa andû akwa, nîûndû ndandutagîra matega vîndî îrîa îtuîtwe. Mûndû ûcio akaaverithua nîûndû wa mevia make.