Ntha 30:15 - ÎVUKU RÎA ÛVORO MWARO

¹⁵ Andû arîa atongu matikaaruta nyîngî makîria nao arîa athîni matikaaruta nini makîria ya kîthimi kîrîa gîtîkanîrîtue kîrî îtega rîa kûtheria mwoyo wake kûrî Ngai-Mûnene.

Ntha 30:15 ပူးပေါင်းရင်းမြစ်များ

2Sam 21:3

Kwoguo Daudi nîwetire andû acio a Gibeoni na akîmaûria atîrî, “Mûrenda nîmwîkîre atîa? Nîrenda kûmûrîvîrîria nîûndû wa maûndû macûku marîa mwekirwe nî Saûlo nîguo mûrathime andû a Ngai-Mûnene.”

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

Ntha 30:12

“Rîrîa ûgaatara andû a Isiraeli, wa mûndû nîakaarîva kîndû gîa kûtheria mwoyo wake kûrî Ngai-Mûnene nîguo rîrîa ûkethîrwa ûkîmatara matikanyitwe nî mûthiro.

Ntha 30:14

Mûndû wa wonthe ûgaatarwa na arî na ûkûrû wa mîaka mîrongo îîrî kûthiî na mbere, nîakaarutîra Ngai-Mûnene matega.

Ntha 30:16

Ûkaaûngania mbeca icio kuuma kûrî andû a Isiraeli na ûivûthîre na wîra wa kûmenyerera îgema rîa Ngai-Mûnene. Îrîvi rîu nî rîa kûtheria mîoyo ya andû a Isiraeli nanie nîngaaririkana kûmagitîra.”

Ntha 38:26

M ûndû wa wonthe watarirwe akinyîtie ûkûrû wa mîaka mîrongo îîrî (20) nîwarutire sîlûva kûringana na kîthimi kîu. Andû acio matarirwe magîkinya andû ngiri magana matandatû ma ithatû na magana matano ma mîrongo îtano (603, 550).

Nthi 22:2

Arîa atongu na arîa athîni megananîtue nî ûndû ûmwe, Ngai-Mûnene nîke wamaûmbire onthe.

Ezek 45:16

Andû onthe a vûrûri wa Isiraeli nîmakaavira matega mau kûrî mûnene ûrîa ûrathana Isiraeli.

Alawi 17:11

Mwoyo wa indo cionthe irîa ivevaga ûrî nthakamerî, kwoguo mbathanîte atî nthakame yonthe îtûrûragwe îgûrû rîa metha ya kîgongoona nîguo îtheragie mevia ma andû onthe. Nthakame îthagîrwa îrî mwoyo, na kîu nîkîo gîtûmaga Ngai amîvûthîre gûtûtheria mevia.

Ndari 31:50

Kwoguo nîtûretete matega ma indo cia thaavu ta mbete, mîkathî, mvang'iri, mindo, na ciûma irîa wa ûmwe wa cietû ocete. Tûiretete kûrî Ngai-Mûnene nîguo atûtherie mevia metû.

Aefeso 6:9

Wa namue athani, vecagani ngombo cienyu gîtîîo na mûtigage kûmekîra guoya. Menyagani atî mue na ngombo cienyu mûrî a Mwathani ûmwe ûrîa ûrî îgûrû, na atî ke atucagîra andû onthe cira atarî na kîmenyano.

Akol 3:25

Na mûndû wa wonthe wîkaga naaî akaagaîrwa kûringana na naaî îrîa ekaga, nîûndû Ngai atucagîra andû onthe ciira atarî na kîmenyano.