Ntha 3:7 - ÎVUKU RÎA ÛVORO MWARO

⁷ Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka.

Ntha 3:7 ပူးပေါင်းရင်းမြစ်များ

Kîam 16:11

We nîûkaagîa na kaana ga kavîcî, na ûgatuîre rîîtwa Ishumaeli, nîûndû Ngai-Mûnene nîamenyete mathîna maku.

Kîam 18:21

Nîngûnyûrûrûka kuo nîguo ngamenye kana maûndû mau mbîguîte atî nîmekîte nî ma ma.”

Kîam 21:17

Ngai nîwegwire kamwana kau gakîrîra. Nake mûraika wa Ngai kuuma îgûrû, nîwaririe na Hagari akîmûria atîrî, “Nîndûî kîrakûthînia Hagari? Tiga kûmaka nîûndû Ngai nîwegua kavîcî gaku gakîrîra karî varîa karî.

Kîam 29:32

Lea nîwagîre îvu na agîciara kavîcî. Nîwaugire atîrî, “Ngai-Mûnene nîwonete mathîna makwa na rîu mûthuuri wakwa nîakûmenda.” Kwoguo Lea nîwatuîrîre kavîcî kau rîîtwa Reubeni.

Kîam 31:12

Nake nîwambîrire atîrî, ‘Taroria wone nthenge irîa iregûtia mîgoma nî irîa irî manyaga, macûgû na maroro. Nie nîreka ûguo nîûndû nîmonete ûrîa Labani ethîrîtwe agîgwîka.

Kîam 31:42

Tiga nî ûrîa Ngai wa methe makwa ûrîa arî ke Ngai wa Iburahimu na Isaka ethîrîtwe arî vamwe nanie ûngîamîngatire ndarî kîndû. Nwatî Ngai nîwonire mathîna makwa na wîra ûrîa ndutîte na nîkîo kîratûmire agûkaanie ûtukû.”

2Sam 22:28

Nîûvonokagia arîa menyivagia, nwatî nîwagithagia kîene arîa metîîaga.

2Atha 13:4

Jehoahazi nîwacokire akîvoya Ngai-Mûnene. Nake Ngai-Mûnene nîwegwire mavoya make, nîûndû nîwonire ûrîa mûthamaki wa Sîria aavinyîrîrîtie andû a Isiraeli.

2Atha 20:5

“Coka kûrî Hezekia, mûtongoria wa andû a Ngai-Mûnene Ngai wa aguo Daudi, ûkamwîre nînegua îvoya rîaku na nînona methori maku. Nîngûkûvonia, na vuva wa mîthenya îthatû nîûkaathiî hekarûrî.

Nehemia 9:9

“Nîwonire ûrîa methe metû ma tene maathînîkire marî Misiri; nîwegwire magîgûkaîra marî îriarî îtune nîguo ûmatethie.

Thaburi 106:44

Kûnarî ûguo, Ngai nîwonire mathîna mao, rîrîa eegwire kîrîro Kîamo.

Thaburi 12:6

Ciîranîro cia Ngai-Mûnene nî cia kwîvokeka, nî ntheru ta sîlûva îtheretue na mwaki, îtheretue na mwaki maita mûgwanja.

Thaburi 142:3

Rîrîa nthirîtwe nî vinya ngoro, we nîwîthagîrwa ûkîmenya njîra yakwa. Nthû ciakwa nîimbigîrîte mûtego njîrarî îrîa nthiîcagîrîra.

Thaburi 145:19

Nîavingagia mavata ma arîa onthe mamûtîîte, nîegucaga kîrîro Kîamo na akamavonokia.

Thaburi 22:24

Nîûndû ndatiganagîria athîni kana ariganîrwe nî mînyamaaro yao, ndangîriganîrwa nî o, nwatî nîamatethagia rîrîa mamûvoya amatethie.

Thaburi 34:4

Nînavoire Ngai-Mûnene, na akîmbîgua; nîwanthiririe guoya yonthe îrîa naarî nayo.

Thaburi 34:6

Andû arîa athîni mamwîtaga na nîegucaga; na nîamavonokagia kuuma mathînarî mao monthe.

Thaburi 35:22

Nwatî we Ngai-Mûnene, nîûrona maûndû mau, kwoguo ndûgakire, we Mwathani; ndûgekare varaca nanie!

Thaburi 9:14

nîguo ngaarûngama mbere ya andû a Jerusalemu, na nîmere maûndû monthe marîa matûmaga ngûkumie. Nîngaakena nîûndû nîûmvonoketie.

Ntha 1:11

Kwoguo andû a Misiri nîmaaigire anene a ngombo nîguo mavinyîrîrie andû a Isiraeli na njîra ya kûmarutithia wîra mûmû. Nao andû a Isiraeli nîmaatumire matûûra manene metagwa Pithomu na Ramesesi ma kwigagwa indo nî mûthamaki.

Ntha 1:8

Nakuo nîgwacokire gûkîgîa na mûthamaki wîngî wa kwathana Misiri. Mûthamaki ûcio ndaicî Josefu.

Ntha 22:23

nîûndû mûngîmavîtîria nao mandîrîre, nama nîngegua kîrîro Kîamo makîndîrîra nîmatethie,

Ntha 33:13

Rîu, ethîrwa ûrî mûkenie nînie, nakûthaitha ûmenyethie ûrîa mîvango yaku îkariî nîguo ngûmenye na ngûkenie makîria. Ririkana atî ûthuurîte rûrîrî rûrû rûtuîke andû aku.”

Ntha 5:10

Kwoguo anene a ngombo na arûngamîrîri nîmaathiîre na makîra Aisiraeli atîrî, “Mûthamaki wa Misiri auga ndagûcoka kûmûva rûûa rîngî.

Ntha 5:6

Mûthenya wa ûcio mûthamaki wa Misiri nîwathire anene a ngombo a Misiri na arûngamîrîri a Isiraeli na akîmeera atîrî,

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Ndari 20:16

na tûkîrîrîra Ngai-Mûnene nîguo atûtethie. Ngai-Mûnene nîwegwire kîrîro gîetû na agîtûma mûraika ûrîa watûrutire Misiri. Rîu tûrî Kadeshi, îtûûra rîrîa rîrî mûvakarî wa vûrûri waku.

Ciîko 7:34

Nie nîmonete ûrîa andû akwa arîa marî Misiri marathînua na vinya. Nîmbîguîte kîrîro Kîamo na nie nînanyûrûrûka nîguo nîmavonokie. Kwoguo ûka rîu, nie nîngûgûtûma Misiri.’

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.

1Sam 9:16

“Rûciû îthaarî wata rîrî, nie nîngaatûma mûndûmûrûme kuuma mûvîrîgarî wa Benjamini aûke kûrî we; we nîûkaamwîtîrîria maguta nîguo atuîke mûthamaki wa andû akwa a Isiraeli, na nîke ûkaavonokia andû akwa kuuma kûrî Afilisiti. Nie nîmonete ûrîa andû akwa marî na ruuo na nîmbîguîte makîmvoya ûtethio.”