Ntha 3:5 - ÎVUKU RÎA ÛVORO MWARO

⁵ Nake Ngai-Mûnene nîwamwîrire atîrî, “Ndûgaûke vakuvî makîria. Ruta iratû nîûndû ûrûngamîte vandû vatheru.

Ntha 3:5 ပူးပေါင်းရင်းမြစ်များ

Ntha 19:12

Nawe ûgeekîra mîvaka kûthiûrûrûkîria kîrîma nîguo andû matigakîre. Îra andû memenyerere gûtikagîe mûndû ûkunûkia kîrîmarî kana agîkuvîvîrie. Mûndû wa wonthe ûgaakuvîvîria kîrîma nîakaaûragwa.

Ntha 19:21

na Ngai-Mûnene akîmwîra atîrî, “Nyûrûrûka ûthiî ûgakaanie andû matigakîre mûvaka maûka kûnjûthîrîria, nîûndû mangîka ûguo eengî ao nîmagaakua.

Ntha 4:28

Nake Musa nîwerire Aroni maûndû monthe marîa Ngai-Mûnene aamwîrîte vîndî îrîa aamwîrire acoke Misiri. Nîwacokire akîra Aroni ûvoro wîgiî ciama irîa Ngai-Mûnene amwathire aringe.

Mûvunjia 5:1

Îîmenyagîrîre rîrîa ûkûthiî hekarûrî ya Ngai. Nîkava kûthiî kuo kûthikîrîria gûkîra kûruta magongoona ta ûrîa irimû ciîkaga, nîûndû irimû itimenyaga ngûrani ya ûndû mwaro na ûndû mûcûku.

Jeremia 30:21

Mûtongoria wao akethîrwa arî ûmwe wao, mwathi wao akauma gatagatîrî kao, nîngamwîta nake nîakanguvîvîria, nîûndû nû ûngîgeria kûnguvîvîria na vinya wake? Ûguo nîguo nie Ngai-Mûnene nîrauga.”

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Ciîko 7:33

Nake Mwathani nîwerire Musa atîrî, ‘Ruta iratû nîûndû vau ûrûngamîte nî vandû vatheru.

Gûco 23:14

Mavinda monthe rîrîa mûrî magemarî menyu, îthagîrwani mûrî atheru. Nîûndû Ngai-Mûnene Ngai wenyu ethagîrwa arî vamwe namue kûu mwambîte magema akîmûgitîra na akîmûvotithia kûvoota nthû cienyu. Kwoguo mûtigatûme Ngai-Mûnene Ngai wenyu oona ûndû mûcûku gatagatîrî kenyu ûngîtûma amûtiganîria.

Ahib 12:20

Maaugire ûguo nîûndû matingîavotire kûmîrîria watho ûrîa waugaga atîrî, “Ethîrwa wana nyamû nîîkûvutia kîrîma kîu, nwanginya îrivwe na mathiga îkue.”

Josh 5:15

Mûnene ûcio wa athigari a mbaara a Ngai-Mûnene nîwerire Joshua atîrî, “Ruta iratû ciaku, ûrûngamîte vandû vatheru.” Nake Joshua nîwekire ûguo eerirwe.

2Pet 1:18

Nîtwegwire mûgambo ûcio kuuma îgûrû nîûndû twarî nake kîrîmarî kîrîa kîtheru.