Ntha 3:18 - ÎVUKU RÎA ÛVORO MWARO

¹⁸ “Andû akwa nîmakaathikîrîria ûrîa ûkaamera. Nawe, vamwe na atongoria a andû a Isiraeli nîmûkaathiî kûrî mûthamaki wa Misiri mûmwîre atîrî, ‘Ngai-Mûnene, Ngai wa Ahibirania nîatumîrîrîte. Rîu, twîtîkîrie tûthiî rûgendo rwa mîthenya îthatû werûrî nîguo tûkarutîre Ngai-Mûnene, Ngai wetû magongoona.’

Ntha 3:18 ပူးပေါင်းရင်းမြစ်များ

Kîam 12:1

Ngai-Mûnene nîwerire Aburamu atîrî, “Uma vûrûri ûyû wenyu, ûtige andû enyu, mûciî wa aguo, na ûthiî vûrûri ûrîa ngaakwonia.

Kîam 14:13

Nwatî mûndû ûmwe nîwatorokire na akîthiî akîîra Aburamu ûcio Mûhibirania ûvoro ûcio wonthe. Aburamu aatûûraga vakuvî na mîtî îrîa mîamûre ya Mamure ûrîa Mûamori. Mamure maaciaranîrîtue na Eshikoli na Aneri na meethagîrwa marî ngwatanîro na Aburamu.

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 48:3

Jakovu nîwerire Josefu atîrî, “Ngai mwene vinya wonthe nîwanyumîrîre nîrî Luzi vûrûrirî wa Kanaani na akîndathima.

2Maû 30:12

Ngai nîwavotithirie andû onthe a Juda kûnyitana vamwe na makîathîkîra ûrîa mûthamaki na anene ake maathîtwe nî Ngai-Mûnene mameere.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Ntha 10:3

Kwoguo Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Ahibirania augîte ‘Nî îvinda rîgana atîa ûgwîkara ûregete kûmwathîkîra? Tiga andû akwa mathiî nîguo makangooce.

Ntha 17:5

Nwatî Ngai-Mûnene nîwerire Musa atîrî, “Oca atongoria amwe a andû a Isiraeli ûthiî nao mbere ya andû. Kuua mûragi ûrîa waringire manjî ma rûnjî rwa Nailo naguo.

Ntha 19:1

Mûthenya wa mbere wa mweri wa kathatû kuuma mauma Misiri andû a Isiraeli nîmaakinyire werûrî wa Sinai.

Ntha 25:22

Vau nîvo ngaatûngana nawe. Na îgûrû rîa gîkunîko Kîam îthandûkû, gatagatî ka akerubi acio aîrî marî îgûrû gîkunîkorî Kîam îthandûkû, nîvo ngaakwarîria ngûnengere maathani ma andû a Isiraeli.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Ntha 3:16

Thiî ûnganie atongoria onthe a andû a Isiraeli vamwe na ûmere atî, Ngai-Mûnene, Ngai wa methe menyu, Ngai wa Iburahimu, Isaka na Jakovu nî arakuumîrîre. Meere nîmonete ûrîa andû a Misiri marameka,

Ntha 30:36

Kimakima ûmwe ûtuîke mûtutu, na ûkaûminjaminje mbere ya îthandûkû rîa kîrîkanîro îgemarî rîa Ngai-Mûnene varîa ngaacemania namue. Nîmwagîrîrwe nî gûûtua mûtheru mûno.

Ntha 30:6

Wige metha îo ya kîgongoona nja ya gîtambaa kîrîa gîcûrîte mbere ya îthandûkû rîa kîrîkanîro. Vau nîvo ngaakwarîria nîrî.

Ntha 4:1

Musa nîwacokerie Ngai-Mûnene atîrî, “Ethîrwa andû a Isiraeli tîmambîtîkia na tîmathikîrîria ûrîa ngûmera na mauge ndûnanyumîrîra, nie ngeka atîa?”

Ntha 4:23

Nie naakwîrire ûreke andû akwa mathiî nîguo makangooce, nwatî nîwaregire. Rîu nîngûraga mwanake waku wa îrikithathi.’ ”

Ntha 4:24

Marî vandû varîa maararîrîrîte njîrarî ya kûthiî Misiri, Ngai-Mûnene nîwathiîre kûrî Musa na akîgeria kûmûraga arî varîa aamamîte.

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Ntha 5:1

Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Isiraeli augîte atî, ‘Tiga andû akwa mathiî werûrî nîguo makathondeke îruga nîguo mangûngûîre.’ ”

Ntha 5:3

Nake Musa na Aroni nîmaacokerie mûthamaki wa Misiri atîrî, “Ngai wa Ahibirania nî atumîrîrîte. Twîtîkîrie tûthiî rûgendo rwa mîthenya îthatû werûrî tûkarutîre Ngai-Mûnene, Ngai wetû îgongoona. Ethîrwa tî twîka ûguo, Ngai-Mûnene agaatûverithia na mûrimû kana mbaara.”

Ntha 7:16

Ûkeera mûthamaki atîrî, ‘Ngai-Mûnene, Ngai wa Ahibirania nîke ûndûmîte kûrî we nîguo ûrekererie andû ake mathiî, nîguo makamûgooce marî werûrî. Nwatî nginya rîu we ndûrî ûrathîka.

Ntha 8:1

Ngai-Mûnene nîwacokire akîra Musa atîrî, “Thiî kûrî mûthamaki na ûmwîre Ngai-Mûnene augîte atîrî, ‘Tiga andû akwa mathiî nîguo makangooce.

Ntha 8:20

Ngai-Mûnene nîwacokire akîra Musa atîrî, “Rûyû kîraûko tene ûgaaûkîra ûthiî weterere mûthamaki wa Misiri akîthiî rûnjîrî na ûmwîre atîrî, ‘Tiga andû akwa mathiî nîguo makangooce.

Ntha 8:23

Rûyû nîrîo ngeekîra ngûrani îno kûrî andû a Misiri na andû akwa.’ ”

Ntha 9:1

Ngai-Mûnene nîwacokire akîra Musa atîrî, “Thiî kûrî mûthamaki wa Misiri na ûmwîre atî, Ngai-Mûnene, Ngai wa Ahibirania auga ‘Reka andû akwa mathiî, nîguo makangooce.

Ntha 9:13

Ngai-Mûnene nîwacokire akîra Musa atîrî, “Rûyû kîraûko tene ûkaarûngama mbere ya mûthamaki wa Misiri ûmwîre Ngai-Mûnene, Ngai wa Ahibirania auga atîrî, ‘Tiga andû akwa mathiî nîguo makangooce.

Isaia 64:5

We nîwamûkagîra andû arîa mekaga maûndû ma ûthingu makenete, arîa makûririkanaga na marûmagîrîra njîra ciaku. We nîwarakarire nîtue, nwatî nîtwathiîre na mbere kwîvia; wana ethîrwa nîwarakarire mûno nîtue, tûtwîre twîvagia kuuma tene.

Jeremia 2:2

“Thiî wanîrîre andû onthe a Jerusalemu makîgucaga ûmeere Ngai-Mûnene arauga atî, “Nînîraririkana ûrîa warî mwîvokeku vîndî îrîa warî mwîthî, na ûrîa wamendete rîrîa warî mûviki, wana ûrîa warûmanagîrîra nanie werûrî, vûrûrirî ûrîa ûtaanavandwa kîndû.

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Jeremia 26:5

na mûthikîrîrie ciugo cia arathi ndungata ciakwa arîa mbîthîrîtwe ngîmûtûmîra vîndî wa vîndî, wana ethîrwa mûtiamathikîrîria,

Ndari 17:4

Vira mîragi îo îgemarî rîa Ngai-Mûnene vau mbere ya îthandûkû rîa kîrîkanîro, varîa njemanagia nawe.

Josh 1:17

Tue tûgaakwathîkagîra wata ûrîa twathîkagîra Musa. Ngai-Mûnene, Ngai waku nîethagîrwe nawe wata ûrîa eethagîrwa na Musa.