Ntha 3:15 - ÎVUKU RÎA ÛVORO MWARO

¹⁵ Ngai nîwacokire akîra Musa ere andû a Isiraeli atî Ngai-Mûnene Ngai wa methe menyu, Ngai wa Iburahimu, Isaka, na Jakovu nîwandûma kûrî mue. Rîrî nîrîo rîîtwa rîakwa tene na tene na ûguo nîguo njiarwa cionthe ciagîrîrwe nî kûndirikanaga.

Ntha 3:15 ပူးပေါင်းရင်းမြစ်များ

Kîam 24:12

Ndungata îo nîyavoire atîrî, “Ngai-Mûnene, Ngai wa Mwathi wakwa Iburahimu, onania ûvootani waku ûmûnthî na wonanie wendo ûtathiraga kûrî Mwathi wakwa Iburahimu.

1Maû 16:16

Kîrîkanîro kîrîa aarîkanîre na Iburahimu, kîîranîro kîrîa erîîre Isaka na mwîvîtwa.

1Maû 29:18

Ngai-Mûnene, Ngai wa methe metû ma tene, Iburahimu, Isaka na Jakovu, tûma wendi ûyû ûtûûre ngororî cia andû aku tene na tene na ûtûme vîndî cionthe mekarage makwîvokete.

2Maû 28:9

Kwarî mûrathi wa Ngai-Mûnene wetagwa Odedi na watûûraga kûu Samaria. Nîwaumagarire akîthiî gûtûnga athigari a mbaara a Isiraeli vamwe na athigari arîa maatavîte a Juda rîrîa maarî vakuvî gûtonya Samaria. Nîwamerire atîrî, “Ngai-Mûnene, Ngai wa methe menyu nîwarekererie andû a Juda kûrî mue nîûndû nîwarakarîtue nîo. Nwatî Ngai nîwonete ûrîa mûragîte andû acio mûtakûmacaîra.

Thaburi 102:12

Nwatî we Ngai-Mûnene, wî mûthamaki tene na tene; njiarwa cionthe nîitûûra ikûririkanaga.

Thaburi 102:13

Nîûkaarûngama na wîguîre îtûûra rîa Zayuni ntha, kavinda nî gakinyu ga kûrîguîra ntha, kavinda karîa kagîrîru nî gakinyu.

Thaburi 135:13

We Ngai-Mûnene, rîîtwa rîaku rîtûûraga tene na tene, njiarwa cionthe nîitûûra iririkanaga ngumo yaku tene na tene.

Thaburi 30:4

Inani nyîmbo cia gûkumia Ngai-Mûnene, mue andû onthe ake! Ririkanani atî, ke nî mûtheru, na mûmûcokerie ngatho.

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Thaburi 68:5

Ngai ûrîa ûtûûraga hekarûrî yake ntheru, nîke îthe wa ciana cia ngoriai na mûgitîri wa aka a ndigwa.

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Thaburi 72:19

Rîîtwa rîake rîrî riiri rîrokumagua tene ne tene! Riiri wake ûroîcûra nthî yonthe. Ameni! Ameni!

Ntha 15:2

Ngai-Mûnene nîke mûngitîri ûrîa ûrî vinya, nîke ûmvonoketie. Nîke Ngai wakwa, na ngaamûkumagia, Ngai wa vava, na ngaainaga ngîgwetaga ûnene wake.

Ntha 15:3

Ngai-Mûnene nî njamba ya mbaara, rîîtwa rîake nî Ngai-Mûnene.

Ntha 3:13

Nake Musa nîwerire Ngai atîrî; “Nîngîthiî kûrî andû a Isiraeli nîmere, ‘Ngai wa methe menyu ma tene nîke ûndûmîte kûrî mue’, na mambûrie, ‘Ke etagwa atîa?’ Ngaameera atîa?”

Ntha 3:6

Nie nînie Ngai wa methe menyu ma tene, Ngai wa Iburahimu, Isaka na Jakovu.” Nake Musa nîwakunîkire ûthiû wake nîûndû nîwetigagîra kûroria Ngai.

Ntha 4:1

Musa nîwacokerie Ngai-Mûnene atîrî, “Ethîrwa andû a Isiraeli tîmambîtîkia na tîmathikîrîria ûrîa ngûmera na mauge ndûnanyumîrîra, nie ngeka atîa?”

Ntha 4:5

Ngai-Mûnene nîwacokire akîra Musa atîrî, “Thiî wîke ûguo kûrî andû a Isiraeli nîguo mamenye atî Ngai-Mûnene na nîke Ngai wa methe mao ma tene, Ngai wa Iburahimu, Isaka na Jakovu nîakumîrîrîte.”

Ntha 6:2

Nake Ngai nîwerire Musa atîrî, “Nie nî nie Ngai-Mûnene.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Isaia 26:8

We Ngai-Mûnene nîtûgwetagîrîra, tûrûmîrîrîte matuîro maku ma ciira; na ngoro cietû nwawe ciîriragîria.

Isaia 42:8

“Nie nînie Ngai-Mûnene rîu nîrîo rîîtwa rîakwa. Gûtirî wîngî ngaava riiri wakwa, kana mvecana ngumo yakwa kûrî mîvuanano ya kumua.

Isaia 63:12

Ûrîa wekire maûndû manene na vinya wake na njîra ya Musa, ûrîa wagaanirie manjî ma îria, na agîtongoreria andû ake manjîrî mau mariku nîguo egîîre na îgweta rîa tene na tene arî kû?”

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 33:2

Ngai-Mûnene ûrîa waûmbire nthî, ûrîa wamîrûthire na akîmîvanda, ûrîa wîtagwa Ngai-Mûnene arauga atîrî,

Danieli 2:23

We Ngai wa methe metû ma tene, nînîragûcokeria ngatho na ngagûkumia, nîûndû nîûmvete vinya na ûûgî; na rîu nîûnguûrîrîtie maûndû marîa twakwîrire na ûgatwonia ûrîa tûkwîra mûthamaki.”

Hosea 12:5

Ngai-Mûnene, Mwene vinya wonthe Ngai-Mûnene nîrîo rîîtwa rîake!

Hosea 12:6

Nwatî nwa nginya ûcokerere Ngai waku, tongoraguani nî wendo na kîvooto, îîvokageni Ngai wenyu vîndî cionthe.

Alawi 24:11

Shelomithi aarî mwarî wa Debiri wa mûvîrîgarî wa Dani. Mwanake ûcio nîwarumire Ngai. Andû arîa meegwire akîruma Ngai nî maamûnyitire na makîmûvira kûrî Musa.

Mika 4:5

Wa vûrûri ûgoocaga na ûkathîkîra ngai ya guo, nwatî tue tûkaagoocaga na tûkathîkîra Ngai-Mûnene, Ngai wetû tene na tene.

Malaki 3:6

“Nie Ngai-Mûnene ndicenjagia. Kwoguo mue andû a rûciaro rwa Jakovu, mûtirî acûkangie mûkathira.

Mathaayo 22:32

‘Nie nînie Ngai wa Iburahimu, Ngai wa Isaka na Ngai wa Jakovu.’ Ke nî Ngai wa arîa marî mwoyo tî Ngai wa arîa akuû.”

Ciîko 3:13

Ngai wa Iburahimu, Isaka na Jakovu na nîke Ngai wa methe metû ma tene, nîke ûvecanîte riiri wake kûrî Jesû ndungata yake. Nwatî mue nîmwanenganîre Jesû kûrî athani na mûkîmûrega mbere ya Pilato, wana ethîrwa Pilato nîwatuîte amûrekererie.

Ciîko 7:32

‘Nie nînie Ngai wa methe menyu ma tene, Ngai wa Iburahimu, Isaka na Jakovu.’ Nake Musa nîwambîrîrie kwinaina na akîgua guoya wa kûroria.

Gûco 1:11

Ngai-Mûnene, Ngai wa methe menyu ma tene, arotûma mwongerereke maita ngiri makîria ya ûguo mwîgana, na amûrathime wata ûrîa aamwîrîîre!

Gûco 1:35

‘Gûtirî mûndû wanarî ûmwe wa rûciaro rûrû rwaganu ûkoona vûrûri ûcio mwaro, ûcio nerîîre methe menyu na mwîvîtwa atî nîngaamava.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Ahib 11:16

Vandû va ûguo, meeriragîria vûrûri mwaro, vûrûri wa îgûrû. Na nîûndû wa ûguo, Ngai ndangîconoka nî o makîmwîta Ngai wao, nîûndû ke nîamathondekerete îtûûra rînene kûu îgûrû.

Ahib 13:8

Jesû Kristû ûrîa arekariî îgoro, nîguo ekariî ûmûnthî na nîatûûra ûguo tene na tene.