Ntha 3:13 - ÎVUKU RÎA ÛVORO MWARO

¹³ Nake Musa nîwerire Ngai atîrî; “Nîngîthiî kûrî andû a Isiraeli nîmere, ‘Ngai wa methe menyu ma tene nîke ûndûmîte kûrî mue’, na mambûrie, ‘Ke etagwa atîa?’ Ngaameera atîa?”

Ntha 3:13 ပူးပေါင်းရင်းမြစ်များ

Kîam 32:29

Jakovu nîwerire mûndû ûcio atîrî, “Nakûthaitha, mbîra wîtagwa atîa?” Mûndû ûcio nîwamûcokerie atîrî, “Ûrenda kûmenya rîîtwa rîakwa nîkî?” Nîwacokire akîrathima Jakovu.

Ntha 15:3

Ngai-Mûnene nî njamba ya mbaara, rîîtwa rîake nî Ngai-Mûnene.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Ntha 3:14

Ngai nîwerire Musa atîrî, “NÎNIE ÛRÎA NIE. Kwoguo wagîrîrwe nîkûmera atîrî, ‘Ûrîa wîtagwa NIE nîke ûndûmîte kûrî mue.’ ”

Ntha 3:15

Ngai nîwacokire akîra Musa ere andû a Isiraeli atî Ngai-Mûnene Ngai wa methe menyu, Ngai wa Iburahimu, Isaka, na Jakovu nîwandûma kûrî mue. Rîrî nîrîo rîîtwa rîakwa tene na tene na ûguo nîguo njiarwa cionthe ciagîrîrwe nî kûndirikanaga.

Ntha 7:16

Ûkeera mûthamaki atîrî, ‘Ngai-Mûnene, Ngai wa Ahibirania nîke ûndûmîte kûrî we nîguo ûrekererie andû ake mathiî, nîguo makamûgooce marî werûrî. Nwatî nginya rîu we ndûrî ûrathîka.

Nthi 30:4

Nîûrîkû wanaunûkia îgûrû na agîcoka kûnyûrûrûka gûkû nthî? Nîûrîkû wanakumbatîria rûkûngi na ngundi yake? Nîûrîkû wanovania manjî na nguo? Nîûrîkû wathondekire mîthiia yonthe ya nthî? Etagwa atîa, na mûvîcî etagwa atîa? Mbîra na ma ethîrwa nîwicî!

Isaia 52:6

Kwoguo andû akwa nîmakaamenya rîîtwa rîakwa, na mûthenya ûcio nîmakaamenya atî Nie nînie mbaragia na, Nînie nîrî ava.”

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Mathaayo 1:21

Mariamu nîagaaciara mwana wa kavîcî, nawe nî ûkaamûtuîra rîîtwa ûmwîte Jesû, nîûndû nîakaavonokia andû ake kuuma meviarî mao.”

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Ciîko 3:13

Ngai wa Iburahimu, Isaka na Jakovu na nîke Ngai wa methe metû ma tene, nîke ûvecanîte riiri wake kûrî Jesû ndungata yake. Nwatî mue nîmwanenganîre Jesû kûrî athani na mûkîmûrega mbere ya Pilato, wana ethîrwa Pilato nîwatuîte amûrekererie.

Atir 13:17

Nake Manoa nîwerire mûraika wa Ngai-Mûnene atîrî, “Twîre rîîtwa rîaku nîguo tûgaagûtîîa rîrîa ciugo ciaku ikaavinga.”

Atir 13:6

Nake mûndûmûka ûcio nîwathiîre na akîra mûthuuriwe atîrî, “Mûndû wa Ngai nîwaûka kûrî nie. Nîonekaga arî wa kûgegania ta mûraika wa Ngai. Nie ndinamûûria kûrîa araumîte na ndanambîra rîîtwa rîake.