Ntha 3:10 - ÎVUKU RÎA ÛVORO MWARO

¹⁰ Rîu nîngûgûtûma ûthiî kûrî mûthamaki wa Misiri nîguo ûgatongorie andû akwa a Isiraeli kuuma vûrûri wake.”

Ntha 3:10 ပူးပေါင်းရင်းမြစ်များ

Kîam 15:13

Nake Ngai-Mûnene nîwerire Aburamu atîrî, “Njiarwa ciaku nîikethîrwa irî ng'eni vûrûrirî mûgeni. Nîigaatuîka ngombo kuo na ivinyîrîrue îvinda rîa mîaka magana mana.

Kîam 15:14

Nwatî nie nîngaaverithia mavûrûri marîa makaamatua ngombo. Makiuma vûrûrirî ûcio mûgeni, nîmagaakuua ûtonga mwîngî.

Thaburi 105:26

Nîwacokire agîtûma ndungata yake Musa, na Aroni ûrîa aathuurîte.

Thaburi 77:20

Watongoririe andû aku ta ûrîa mûrîthi atongoragîria ndîthia, matongoretue nî Musa na Aroni.

Ntha 12:40

Andû a Isiraeli maatûûrîte Misiri mîaka magana mana na mîrongo îthatû.

Ntha 12:41

Na mûthenya ûcio mîaka magana mana na mîrongo îthatû yakinyire andû a Isiraeli nîmaaumire vûrûri wa Misiri.

Ntha 33:12

Musa nîwerire Ngai-Mûnene atîrî, “Nî ma nîwambîra ndongorie andû mathiî vûrûri ûcio, nwatî ndûnamonia mûndû ûrîa watûma nîguo tûthiî nake. Nîwauga atî nîûmbicî waro na ûrî mûkenu nînie.

Ntha 33:13

Rîu, ethîrwa ûrî mûkenie nînie, nakûthaitha ûmenyethie ûrîa mîvango yaku îkariî nîguo ngûmenye na ngûkenie makîria. Ririkana atî ûthuurîte rûrîrî rûrû rûtuîke andû aku.”

Ntha 6:26

Aroni na Musa nîo Ngai-Mûnene eerire atîrî, “Tongoriani andû a Isiraeli maume vûrûri wa Misiri.”

Hosea 12:13

Na njîra ya mûrathi Ngai-Mûnene nîwarutire andû a Isiraeli kuuma Misiri, na na njîra ya mûrathi Ngai nîwamagitîre.

Mika 6:4

Nie nînaamûrutire vûrûri wa Misiri, na ngîmûkûûra kuuma ûkomborî. Nînaamûtûmîre Musa, Aroni, na Miriamu mamûtongorie.

Ciîko 7:34

Nie nîmonete ûrîa andû akwa arîa marî Misiri marathînua na vinya. Nîmbîguîte kîrîro Kîamo na nie nînanyûrûrûka nîguo nîmavonokie. Kwoguo ûka rîu, nie nîngûgûtûma Misiri.’

Ciîko 7:36

Musa nîwatongoririe andû a Isiraeli akîmaruta Misiri. Nake nîwaringaga ciama na ageeka maûndû ma magegania kûu Misiri, Îriarî Îtune wana werûrî kwa îvinda rîa mîaka mîrongo îna.

Ciîko 7:6

Nake Ngai nîwerire Iburahimu atîrî, ‘Njiarwa ciaku nîigaatûûra vûrûrirî mûgeni. Andû akuo nîmakaamatua ngombo na mameke maûndû macûku kwa îvinda rîa mîaka magana mana.

Ciîko 7:7

Nwatî nie nîngaatuîra andû a vûrûri ûrîa njiarwa icio ûgaatungatîra. Na vuva wa ûguo njiarwa ciaku nîikaauma vûrûrirî ûcio na ingoocage irî gûkû.’

Atir 6:14

Nake Ngai-Mûnene nîwamwathire na akîmwîra atîrî, “Thiî na vinya ûcio waku na ûvonokie Aisiraeli kuuma kûrîa Amidiani. Nînie nagûtûma.”

1Sam 12:6

Samueli nîwathiîre na mbere kwîra andû atîrî, Ngai-Mûnene ûrîa wathuurire Musa na Aroni na nîke warutire methe menyu ma tene vûrûrirî wa Misiri nîke mûira.

1Sam 12:8

Rîrîa Jakovu na andû a mûciî wake maathiîre Misiri nao andû a Misiri makîmakînyîrîria, methe menyu ma tene nîmaathaithire Ngai-Mûnene nîguo amatethie. Nake Ngai-Mûnene nîwatûmire Musa marî na Aroni, arîa maatongoretie methe menyu ma tene makiuma Misiri, na magîûka gûtûûra vûrûrirî ûyû.