Ntha 29:9 - ÎVUKU RÎA ÛVORO MWARO

⁹ na ûmove mîcivi ciûnorî na ûmekîre ngovia ciongo. Ûguo nîguo ûkaamûra Aroni na avîcî ake matuîke athînjîri-Ngai. Nao vamwe na njiarwa ciao nîmakaandungatagîra marî athînjîri-Ngai tene na tene.

Ntha 29:9 ပူးပေါင်းရင်းမြစ်များ

Ntha 27:21

Taa nîigagwe îgemarî rîa Ngai-Mûnene nja ya gîtambaa kîrîa kîgaanîtie varîa îthandûkû rîa kîrîkanîro Kîam Ngai-Mûnene rîrî. Nake Aroni na avîcî ake mamîmenyagîrîre îkarage îgîakanaga îrî mbere ya Ngai-Mûnene kuuma kîvwaî nginya kîraûko. Watho ûyû nîwakûrûmagîrîrwa nî njiarwa cia andû a Isiraeli nginya tene na tene.

Ntha 28:1

“Îra mûrwanyûkwe Aroni na avîcî ake, Nadabu, Abihu, Eleazaru, na Ithamaru maûke varî we. Mamûre ûmarute kûrî andû a Isiraeli, nîguo mandungatagîre marî athînjîri-Ngai.

Ntha 32:29

Musa nîwacokire akîra avîcî a Lawi atîrî, “Ûmûnthî nîmweyamûra mue ene nîguo mûtungatagîre Ngai-Mûnene. Wa mûndû eyamûra na njîra ya kûûraga mûvîcî kana mûrwang'ina, kwoguo Ngai-Mûnene nîwamûrathima ûmûnthî.”

Ntha 40:15

Ûcoke ûmamûre wata ûrîa wamûrire îthe, nîguo mandungatagîre marî athînjîri-Ngai. Wamamûra magatûûraga mandungatagîra marî athînjîri-Ngai nginya njiarwa ciao cionthe.”

Alawi 8:1

Ngai-Mûnene nîwerire Musa atîrî,

Alawi 8:13

Musa nîwacokire akîra avîcî a Aroni maumîre vau mbere na akîmekîra nguo, akîmova mîcivi ciûnorî ciao, na akîmova itambaa ciongorî ciao, wata ûrîa Ngai-Mûnene aathanîte.

Alawi 8:33

Nwanginya mûgeekara vau mûromorî wa îgema rîa Ngai-Mûnene îvinda rîa mîthenya mûgwanja, nginya rîrîa mambura ma kwamûrwa kwenyu makaathira, nîûndû kwamûrwa kwenyu gûkaathiria mîthenya mûgwanja.

Ndari 16:10

Ngai-Mûnene nîakûvete gîtîîo gîa kwîthagîrwa ûrî vakuvî nake we mwene na Alawi acio engî. Rîu nîkwa wana mûrenda gûtuîka athînjîri-Ngai?

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Ndari 18:7

Nwatî we na avîcî aku muenga mûkaarutaga na kinyi mawîra monthe marîa mûthînjîri-Ngai agîrîrwe nî kûruta metharî ya kîgongoona na varîa vatheru Mûno. Mau nîmo mawîra marîa mûkaarutaga, nîûndû nînîmûvete kîveo Kîam gûtuîka athînjîri-Ngai. Mûndû wîngî wa wonthe ûrîa ûgaakuvîvîria varîa vatheru Mûno nî akaaûragagwa.”

Ndari 25:13

Finehasi na njiarwa ciake cionthe nîmatûûra marî athînjîri-Ngai nîûndû nîwatuîkire mwîvokeku akîrega kûgooca ngai ciîngî tiga nie. Ke nîwatûmire andû a Isiraeli moverwa mevia mao.

Ndari 3:10

Nî ûkathuura Aroni na avîcî ake matuîke athînjîri-Ngai, nwatî mûndû wîngî wa wonthe ûkaageria kûruta wîra ûcio, nîakaaûragwa.”

Gûco 18:5

Ngai-Mûnene Ngai wenyu athuurîte andû a mûvîrîga wa Lawi gatagatîrî ka mîvîrîga yonthe ya Isiraeli nîguo matûûre mamûtungatagîra marî athînjîri-Ngai tene na tene.

Ahib 5:10

Nake Ngai nîwamûtuire Mûthînjîri-Ngai ûrîa mûnene wata Melikizedeki.

Atir 17:5

Mika aarî na vandû vake varîa aagoocagîra. Nîwathondekire mîvuanano na efodi na akîthuura mûvîcî ûmwe agîtuîka mûthînjîri-Ngai wake.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.