Ntha 29:45 - ÎVUKU RÎA ÛVORO MWARO

⁴⁵ Nîngaatûûra gatagatîrî ka andû a Isiraeli na nduîke Ngai wao.

Ntha 29:45 ပူးပေါင်းရင်းမြစ်များ

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

1Atha 6:13

Nîngaatûûrania na andû akwa Aisiraeli na ndikaamatiganîria.”

2Maû 6:18

“Nwatî we Ngai, nama nwa ûtûûre gûkû nthî na andû? Taroria, îgûrû, wana îgûrû mûno matuurî ndûngîganîra kuo, kwoguo ûngîvota kwîganîra atîa hekarû îno ndumîte?

Thaburi 114:2

Juda gwatuîkire kûndû kûrîa Ngai-Mûnene agoocagîrwa, Isiraeli gûgîtuîka kûrîa athanaga.

Thaburi 68:18

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.

Ntha 15:17

We nîûkaamarete na ûmavande kîrîmarî gîaku, vandû varîa we Ngai-Mûnene ûthuurîte vatuîke mûciî waku, hekarûrî îrîa we mwene ûtumîte.

Ntha 25:8

Andû nwanginya mandumîre îgema îtheru rîa gwîkaraga nîguo ndûûrage gatagatîrî kao.

Ntha 29:44

Nîngaatûma îgema rîa Ngai-Mûnene rîtuîke îtheru wana metha ya kîgongoona îtuîke ntheru. Nîngaamûra Aroni na avîcî ake nîguo mandungatagîre marî athînjîri-Ngai.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Jeremia 14:9

Nîndûî gîtûmîte wîkare ta mûndû mwagagu, mûndû ûrî na vinya nwatî ndangîvonokia mûndû? Nwatî we Ngai-Mûnene ûrî gatagatî getû; twîtanîtue na rîîtwa rîaku ndûgatûtiganîrie.”

Ezek 34:24

Nanie Ngai-Mûnene nîngaatuîka Ngai wacio, na ndungata yakwa Daudi nîagaatuîka mûnene wacio. Nie Ngai-Mûnene nînie mbugîte ûguo.

Ezek 43:7

akiuga atîrî, “Mûndû, gîkî nîkîo gîtî gîakwa Kîam ûthamaki na nîvo mbigaga magûrû makwa. Nîndûûra gatagatî ka andû a Isiraeli na nîmathamakîre tene na tene. Andû a Isiraeli kana athamaki ao matigacoka kûgwatia rîîtwa rîakwa rîtheru gîko rîngî makîgooca mîvuanano kana makîthika ciimba cia athamaki ao kûndû gûkû kûtheru.

Ezek 43:9

Rîu nîmatige kûgooca mîvuanano na mavire ciimba cia athamaki ao kûraca nanie, nanie nîngûtûûrania nao tene na tene.

Danieli 2:11

Maûndû marîa we Mûthamaki wetû ûraûria nî maûmû mûno na gûtirî mûndû ûngîkwîra mo tiga ngai irîa itatûûranagia na andû.”

Alawi 26:11

Ngaatûûra gatagatîrî kenyu nîrî îgemarî rîakwa rîtheru na ndikaamûtiganîria.

Alawi 26:12

Ngethagîrwa nîrî namue na ngethîrwa nîrî Ngai wenyu, namue mwîthagîrwe mûrî andû akwa.

Hagai 2:5

Rîrîa mwaumire Misiri nînamwîrîîre atî ngethagîrwa nîrî namue tene na tene. Kwoguo, nîrî vamwe namue, mûtikamake.

Zakaria 2:10

Ngai-Mûnene augîte atîrî, “Mue andû a Zayuni inai na mûkene, nîûndû nîngûka na ndûûranie namue!”

Zakaria 8:3

Nîngaacoka Zayuni nîguo ngatûûre Jerusalemu, nayo nîgaacoka gwîtagwa îtûûra rîvokeku, na kîrîma Kîammûre Kîam Ngai-Mûnene mwene vinya wonthe.

Ndari 16:3

Nîmaathiîre kûrî Musa na Aroni na makîmeera atîrî, “Mue rîu nîmwatûra gacere! Andû onthe a Isiraeli nî a Ngai-Mûnene na arî vamwe nao. Musa, nîndûî kîratûma wînenevia gûkîra andû aya onthe a Ngai-Mûnene?”

Ndari 35:34

Mûtigatûme vûrûri ûrîa mûtûûraga ûgîe gîko kûrîa wananie ndûûraga, nîûndû Nie Ngai-Mûnene ndûûranagia na andû a Isiraeli.”

Ndari 5:3

Îngatani arûme na aka onthe arîa marî na gîko maume kûrîa mûtûûraga nîguo matikagwatie kûndû kûu gîko nîûndû kûu nîkuo ndûûranagia na andû akwa.”

Johana 14:17

Ke nîke Roho ûrîa wonagia andû ûvoro wa ma. Andû a gûkû nthî matingîmwamûkîra, nîûndû matimwonaga wana kana mamûmenye. Nwatî mue nîmûmwîcî nîûndû atûûranagia namue na arî ndaarî yenyu.

Johana 14:20

Na rîrîa mûthenya ûcio ûgaaûka, nîmûkaamenya atî nie nîrî ndaarî ya Vava na atî mue mûrî ndaarî yakwa, wata ûrîa nie nîrî ndaarî yenyu.

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Aefeso 2:22

Na mûrî na ûrûmwe na Kristû, wa namue nîmûratumwa vamwe na arîa engî onthe nîguo mûtuîke gîkaro Kîam Roho wa Ngai na njîra ya Roho.

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 7:21

Kwoguo mûtigetigîre andû acio. Ngai-Mûnene, Ngai wenyu arî vamwe namue; nî Ngai mûnene na wagîrîrwe nî gwîtigîrwa.

Kûguû 21:3

Nînegwire mûgambo mûnene ûkîaria kuuma gîtîrî Kîam ûthamaki ûkiuga atîrî: “Taroria, rîu mûciî wa Ngai ûrî vamwe na andû! Ke nîagaatûûrania nao, nao nîmagaatuîka andû ake. Ngai ke mwene agaatûûranagia nao, arî Ngai wao.