Ntha 29:40 - ÎVUKU RÎA ÛVORO MWARO

⁴⁰ Rutaga ndûrûme ya mbere vamwe na kilo îmwe ya mûtu ûrîa mûvinyu wa ngano ûtukanîtue na lita îmwe ya maguta maro ma ndamaiyû, na lita îmwe ya ndivei ya gwîtûrûrwa.

Ntha 29:40 ပူးပေါင်းရင်းမြစ်များ

Kîam 35:14

Jakovu nîwavandire îthiga rîa kîririkano vandû vau Ngai aamwaragîria arî, na akîrîtîrîria îtega rîa indo cia kûnyuwa na maguta, akîrîrathima.

2Atha 3:20

Kîraûko kîu kîngî, vîndî îrîa îgongoona rîrutagwa, manjî nîmaaumire mwena wa Edomu na magîcûra vûrûrirî ûcio.

Ntha 16:36

(Kîthimi kîrîa maathimaga nakîo kîndû kîûmû vîndî îo Kîamrî ta lita mîrongo îîrî.)

Ntha 29:39

Ûkaarutaga ndûrûme îmwe kîraûko na îo îngî kîvwaî.

Ntha 29:41

Rutaga ndûrûme ya kaîrî kîvwaî vamwe na kilo îmwe ya mûtu ûrîa mûvinyu wa ngano, na lita îmwe ya maguta, na lita îmwe ya ndivei wata îrîa ya kîraûko. Mûtararûko wa matega mama nîûkenagia Ngai-Mûnene.

Ntha 30:24

na kilo ithathatû cia mûtî mûnungi waro wîtagwa Kasia, (ûithimîte cionthe na kîthimi kîrîa gîtîkanîrie), ûcoke ûitukanie na lita inya cia maguta ma mîtî ya mîtamaiyû îrîa îciaraga matunda.

Isaia 57:6

Mwocaga mathiga marîa manyoroku kuuma Kîamndarî. Mûmocaga mûkîmarutagîra matega ma kîndû gîa kûnyuwa na matega ma irio. Mwîciragia nîngenagua nî maûndû mau?

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 4:11

Wana manjî ûkaanyunyaga ma kîthimi kîrîa ûvetwe gîa ikombe igîrî wa mûthenya.

Ezek 45:17

Nake mûnene ûrîa ûrathana nîke wagîrîrwe nî kûvecana nyamû cia îgongoona irîa ikaavîvua itarî nthînje, matega ma irio cia mûgûnda na matega ma indo cia kûnyua vîndî ya irugo cia karûngamo ka mweri, thavatû na irugo cionthe irîa nyamûre cia andû a Isiraeli. Vamwe na ûguo nîakaaruta matega ma kûthiria mevia, matega ma irio cia mûgûnda, matega ma kûvîvua na matega ma thayû nîguo agwatanie andû onthe a Isiraeli.

Ezek 45:24

Nîagaacoka arute kilo îkûmi na mûgwanja na nuthu (17.5) cia mûtu kûrî wa ndegwa na kilo îkûmi na mûgwanja na nuthu (17.5) kûrî wa ndûrûme cia îgongoona rîa kûvîvua irî îtega rîa irio cia mûgûnda, na arute lita ithatû cia maguta kûrî wa kilo îkûmi cia mûtu.

Ezek 46:11

Mîthenya ya kîrugo na mîthenya ya ciathî irîa nyamûre, matega ma irio cia mûgûnda makarutagwa Efa îmwe ya mûtu varî wa ndegwa na Efa îmwe varî wa ndûrûme. Na varî tûtûrûme ûrîa ûkûruta akaarutanagîria na wa kîrîa angîvota. Na wa Efa ya mûtu îkaarutanagîrua na lita ithatû cia maguta.

Ezek 46:14

Gakaarutanagîrua na îtega rîa mûtu wa kilo igîrî na nuthu.

Ezek 46:5

Varî ndûrûme îo îmwe akaaruta îtega rîa mûtu wa Efa îmwe, nwatî varî wa gatûrûme nîakaaruta îtega wa rîrîa angîvota. Na kûrî Efa îmwe ya mûtu nîakaaruta lita îthatû cia maguta.

Ezek 46:7

Nîûndû wa îtega rîa irio cia mûgûnda wa varî ndegwa akaarutaga Efa îmwe ya mûtu na Efa îmwe ya mûtu varî wa ndûrûme. Na varî tûtûrûme akaarutaga kûringana na ûrîa angîvota. Kûrî îtega rîa irio cia mûgûnda akaarutaga lita ithatû cia maguta kûrî wa Efa îmwe ya mûtu.

Hosea 9:4

Matikarutîra Ngai-Mûnene matega ma ndivei wana magongoona mao matikamûkenia. Irugo ciao ikethîrwa ciîkariî ta irugo cia macakaya, andû onthe arîa makaairîa nîmakaagîa na mûgiro. Ikethîrwa irî irio cia kûmavaithia tu; itikavirwa hekarûrî ya Ngai-Mûnene.

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Joeli 1:9

Matega ma irio na ndivei nî mathiru hekarûrî, na mûromorî wa Ngai-Mûnene; athînjîri-Ngai nîmaracakaya nîûndû matirî na kîndû mangîtegera Ngai-Mûnene.

Joeli 2:14

Nwa kwîthîrwa Ngai-Mûnene Ngai wenyu nîakwîricûkwa, na amûve irathimo cia irio nyîngî, mûcoke mûmûrutîre matega ma irio cia mûgûnda na ndivei.

Alawi 23:13

Mûgaakarutanîria vamwe na kilo igîrî cia mûtu ûtukanîtue na maguta ma ndamaiyû rîrî îtega rîa kûvîvua. Mûtararûko wa îtega rîu nîûkenagia Ngai-Mûnene. Mûkaaruta îtega rîu vamwe na îtega rîa lita îmwe ya ndivei.

Alawi 6:13

Mwaki ûcio nwanginya wîkarage ûgîakanaga vîndî cionthe îgûrû rîa metha ya kîgongoona na ndûkarekwe ûvora.

Ndari 15:24

Ethîrwa andû onthe maaregire kûvingia mawatho mau matakûmenya, makaarutaga ndegwa îmwe îrî îtega rîa kûvîvua nîguo mûtararûko warîo ûkenie Ngai-Mûnene. Makaarutanagîria na îtega rîa irio cia mûgûnda, na îtega rîa indo cia kûnyuwa, na marute nthenge îmwe rîrî îtega rîa kûtheria mevia.

Ndari 15:7

na lita îmwe na nuthu ya ndivei îrî îtega rîa indo cia kûnyuwa. Mûtararûko wa matega mau nî ûngenagia.

Ndari 28:10

Îtega rîîrî rîa kûvîvua rîkaarutagwa wa mûthenya wa thavatû, vamwe na matega marîa mengî ma wa mûthenya na matega na ndivei.

Ndari 28:24

Mûkaarutaga îtega rîa kûvîvua na njîra wa îo, îvinda rîa mîthenya mûgwanja. Îtega rîîrî rîrî mûtararûko ûkenagia Ngai-Mûnene. Mûkaarutaga îtega rîîrî vamwe na îtega rîa wa mûthenya rîa kûvîvua vamwe na îtega rîarîo rîa indo cia kûnyuwa.

Ndari 28:5

Wa gatûrûme gakaarutagwa vamwe na matega ma irio cia mûgûnda, na nîcio; kilo îmwe ya mûtu îtukanîtue na lita îmwe ya maguta maro ma ndamaiyû.

Ndari 29:16

Mûkarutaga nthenge îmwe îrî îtega rîa kûtheria mevia. Îtega rîrî rîkaarutanagîrua vamwe na îtega rîa kûvîvua rîa wa mûthenya, na îtega rîarîo rîa irio cia mûgûnda na îtega rîa rîo rîa indo cia kûnyuwa.

Ndari 4:16

“Eliazaru mûvîcî wa mûthînjîri-Ngai Aroni nîke ûkaamenyagîrîra îgema rîa gûcemanîrua rîonthe, maguta ma taa, ûbani, matega ma irio cia mîgûnda, maguta ma kûrathimana na kîndû kîngî wa kîonthe Kîam îgema rîa gûcemanîrua kîrîa Kîammûrîrîtwe Ngai-Mûnene.”

Gûco 32:38

Irî kû ngai irîa ciarîcaga mathunya ma nyama cia magongoona na ikanyua ndivei ya îtega? Nîciûke imûtethie rîu; nî ciûke imûgitîre.

Afil 2:17

Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.