Ntha 29:38 - ÎVUKU RÎA ÛVORO MWARO

³⁸ “Ino nîcio indo irîa ûkaarutaga metharî ya kîgongoona mûthenya wa mûthenya: ndûrûme igîrî cia ûkûrû wa mwaka ûmwe.

Ntha 29:38 ပူးပေါင်းရင်းမြစ်များ

Kîam 22:7

Marî njîrarî Isaka nîwaûririe îthe atîrî, “Vava” Nake îthe nîwetîkirie atîrî, “Mûvîcîwa.” Nake Isaka nîwaûririe atîrî, “Taroria, ino nî ngû na mwaki, nayo ndûrûme ya îgongoona îrî va?”

1Maû 16:40

Mûthenya wa mûthenya nîmaarutaga matega ma kûvîvua, na kîraûko na kîvwaî nîmaavîvagîria matega mau metharî ya kîgongoona wata ûrîa kwandîkîtwe wathorî wa Ngai-Mûnene ûrîa aathire andû a Isiraeli.

2Maû 13:11

Nîmarutagîra Ngai-Mûnene matega ma kûvîvua na ma ûbani ûrîa mûnungi waro vîndî cionthe kîraûko na kîvwaî. Nîmarutaga matega ma mîgate îrîa mîamûre na nîmamigagîrîra metharî îrîa ntheru, na nîmaakagia taa irîa irî vandû va thaavu varîa cigagîrîrwa kîvwaî wa kîvwaî. Twîkaga ûrîa Ngai-Mûnene, Ngai wetû athanîte, nwatî mue nî mûmûtiganîrîtie.

2Maû 2:3

Solomoni nîwatûmanire kûrî Hiramu, mûthamaki wa Turo na akîmwîra atîrî, “Mindîra mîtî ya mîtarakwe ta ûrîa wekire vava Daudi rîrîa wamwindîre mîtî ya gûtuma nyomba yake.

2Maû 2:4

Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

2Maû 29:7

Wana nîmaavingire mîrango ya hekarû na magîtûma taa ivore na nîmaatigire kûvîvia ûbani kana marutîra Ngai wa Isiraeli matega ma kûvîvua marî varîa vatheru.

2Maû 31:3

Mûthamaki nîwarutire kuuma ndîthiarî yake nyamû cia magongoona ma kûvîvua ma kîraûko na ma kîvwaî, cia magongoona ma kûvîvua ma mîthenya ya thavatû, cia gûkûngûîra irugorî cia mweri wacicûka na cia irugo irîa mbîtîkîrie wata ûrîa kwandîkîtwe wathorî wa Ngai-Mûnene.

2Maû 8:13

Aarutaga magongoona mîthenya îrîa mîamûre kûringana na ûrîa watho wa Musa waugîte. Mîthenya îo nî: thavatû, karûngamo ka mweri, na vîndî ya irugo ithatû cia wa mwaka, na nîcio: kîrugo Kîam mîgate îtarî mîkîre ndawa ya kwimbia, kîrugo Kîam vîndî ya maketha, na kîrugo gîa tûnyomba.

Ezira 3:3

Wana ethîrwa nîmeetigagîra andû arîa maatûûraga vûrûri ûcio, nîmaatumire metha ya kîgongoona wa varîa yarî mbere. Nao nîmaacokire makîambîrîria rîngî kûrutîra Ngai-Mûnene matega ma kûvîvua vo kîraûko na kîvwaî.

Ezira 3:5

Na vuva wa gûkûngûîra kîrugo gîa tûnyomba twa magema, nîmeethagîrwa marî na matega mengî ma kûvîvua. Matega mau maarî ma vîndî ya karûngamo ka mweri na irugo cionthe irîa ciagoocagwa Ngai-Mûnene. Na nîkwethagîrwa kûrî na matega mengî marîa andû maategagîra Ngai-Mûnene na njîra ya kwîyendera.

Ntha 40:29

Nîwaigire metha ya kîgongoona ya kûvîvîrua matega vau mbere ya mûromo wa îgema rîa Ngai-Mûnene. Nîwacokire akîrutîra matega ma kûvîvua metharî îo na matega ma irio cia mûgûnda wata ûrîa Ngai-Mûnene aamwathîte.

Ezek 46:13

Ngai-Mûnene augîte atîrî, “Wa mûthenya wa mûthenya kîraûko mûkaamûrutagîra îtega rîa kûvîvua rîa gatûrûme ga ûkûrû wa mwaka ûmwe gatarî na wonje.

Ezek 46:15

Gatûrûme, mûtu na maguta ma ndamaiyû nîitûûra irutagîrwa Ngai-Mûnene kîraûko wa kîraûko nginya tene na tene.”

Danieli 12:11

“ ‘Kuuma vîndî îrîa matega ma kûvîvua ma wa mûthenya maarûngamirue, na ûndû ûrîa ûrî mûgiro ûgîkîka, mîthenya ngiri îmwe na magana maîrî ma mîrongo kenda (1,290) îkethîrwa îrî mîvîtûku.

Danieli 9:21

Gaburieli, mûndû ûrîa noonire kîonekirî gîakwa Kîam mbere, nîwaûkire na îvenya nginya varîa naarî. Vîndî îo nîrîo magongoona ma kîvwaî maarutagwa.

Danieli 9:27

Mûtongoria ûcio nîakaarûtha kîrîkanîro kîrûmu na andû eengî îvinda rîa mîaka mûgwanja. Îvinda rîa mîaka îthatû na nuthu, nîakaarûngamia matega na magongoona. Vandû varîa vatheru Mûno hekarûrî, nîvakaarûngamua kîrîa kîrî mûgiro nginya rîrîa ûrîa wakigire vo agaacûkangua wata ûrîa Ngai aavangire.’ ”

Alawi 3:5

Athînjîri-Ngai a nyomba ya Aroni nîmakaavîvîria indo icio cionthe îgûrû rîa metha ya kîgongoona vamwe na matega mau mengî ma kûvîvua. Mûtararûko wa îtega rîu nîûkenagia Ngai-Mûnene.

Alawi 6:9

“Îra Aroni na avîcî ake mawatho megiî matega ma kûvîvua. Namo nî atî: îtega rîa kûvîvua rîgaatigagwa îgûrû rîa metha ya kîgongoona rîkîvîvagua nî mwaki ûtukû wonthe.

Alawi 9:17

Nîwacokire akîvira îtega rîa irio cia mûgûnda, agîkumbata ngundi îmwe îcûrîte na akîivîvîria îgûrû rîa metha ya kîgongoona vamwe na matega marîa maarutagwa iraûko cionthe.

Ndari 29:6

Mûkaarutaga indo ino vamwe na irîa irutagwa irî matega ma kûvîvua ma mûthenya wa mbere wa mweri, matega ma kûvîvua ma wa mûthenya wa mûthenya marî vamwe na matega ma cio ma irio cia mûgûnda, na îtega rîa cio rîa indo cia kûnyuwa. Matega mama marî mûtararûko mwaro ûkenagia Ngai-Mûnene.

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Ahib 7:27

Ndekariî ta Athînjîri-Ngai arîa anene. Ke ndavatiî kûrutaga îgongoona wa mûthenya mbere nîûndû wa mevia make, na acoke arute îgongoona nîûndû wa mevia ma andû. Nîwarutire îgongoona riita rîmwe rîa kwîgana. Eekire ûguo rîrîa eerutire ke mwene.

1Pet 1:19

Mwakûûrirwe na nthakame ya goro mûno ya Kristû, ûrîa wekariî ta ng'ondu îtaarî na wonje kana îroro.