Ntha 29:37 - ÎVUKU RÎA ÛVORO MWARO

³⁷ Ûgeekaga ûguo mûthenya wa mûthenya îvinda rîa mîthenya mûgwanja. Nayo metha ya kîgongoona nîkaathera viû na mûndû wa wonthe kana kîndû wa kîonthe gîkaamîvutia nîgîgaatuîka kîtheru.

Ntha 29:37 ပူးပေါင်းရင်းမြစ်များ

2Maû 7:9

Mûthenya wa kanana nîmaagomanire vamwe kûgooca, nîûndû methîrîtwe mathirîtie mîthenya mûgwanja makîamûra metha ya kîgongoona na mîthenya îngî mûgwanja ya kîrugo.

Ntha 40:10

Ûcoke wamûrîre Ngai-Mûnene metha ya kîgongoona ya kûvîvîrua matega wa vamwe na indo ciayo cionthe. Metha îo nîgaatuîka ntheru mûno.

Ezek 43:20

Nîûgoca nthakame îmwe na ûmîvake mîtîrî îo yumîrîte ta mvîa mîthiiarî îrîa îna ya metha ya kîgongoona, na mîenarî ya gîcunjî Kîam gatagatî Kîam metha ya kîgongoona na kamûgûkûrî karîa kamîthiûrûrûkîrîtie. Ûguo nîguo ûkaatheria metha ya kîgongoona na ûmîamûre.

Ezek 43:25

Îvinda rîa mîthenya mûgwanja, wa mûthenya ûkaarutaga nthenge îmwe, ndegwa na ndûrûme îtarî na maroro nîûndû wa îtega rîa kûthiria mevia.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Alawi 16:16

Ûguo nîguo Aroni akaarûtha mambura ma kûtheria vandû varîa vatheru Mûno kuumana na gîko Kîam andû a Isiraeli vamwe na mevia mao monthe. Nwanginya ekage îgema rîa Ngai-Mûnene ûguo, nîûndû rîtûûraga gatagatîrî ka andû arîa matarî atheru.

Alawi 6:11

Nî agaacoka arute nguo icio ekîre ciîngî na akuue mûu ûcio na aûvire vandû varîa vatherie na kûu nja ya kûrîa matûûraga.

Alawi 8:11

Nîwocire maguta mamwe na akîmaminjaminja maita mûgwanja îgûrû rîa metha ya kîgongoona vamwe na karaî na varîa kaaigagîrîrwa, nîguo aciamûrîre Ngai-Mûnene.

Hagai 2:12

Ethîrwa mûndû nwa oce nyama îno ntheru kuuma îgongoonarî na amîkuue yovetwe na nguo yake. Ethîrwa nwa areke nguo îvutie mûgate, irio irî nduge, ndivei, maguta ma ndamaiyû, kana irio cia mûthemba wa wonthe, irio icio nwa ituîke nyamûre wanacio?” Nao athînjîri-Ngai nîmaamûcokerie atîrî, “Naarî.”

Mathaayo 23:17

Mue irimû ino ndumumu! Nî ndûî kîrî vata makîria; nî thaavu kana nî hekarû îrîa îtûmaga thaavu îo îtuîke nyamûre?

Mathaayo 23:19

Mue atumumu aya! Nî ndûî kîrî vata makîria, nî matega kana nî metha ya kîgongoona îrîa îtûmaga matega matuîke mamûre?