Ntha 29:25 - ÎVUKU RÎA ÛVORO MWARO

²⁵ Ûgaacoka ûcioce kuuma njararî ciao na ûcigîrîre metharî ya kîgongoona vamwe na ndûrûme ya îtega rîa kûvîvua na ûivîvîrie vo. Mûtararûko wa îtega rîîrî nîûkenagia Ngai-Mûnene.

Ntha 29:25 ပူးပေါင်းရင်းမြစ်များ

Kîam 8:20

Nuhu nîwatumîre Ngai-Mûnene metha ya kîgongoona. Kuuma kûrî nyamû cionthe cia mîthemba yonthe irîa itarî mûgiro, nîwocire nyamû îmwe îmwe wa vamwe na mûthemba wa iconi, na akîiruta irî îgongoona rîa kûvîvua metharî îo ya kîgongoona.

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Ntha 29:18

Ûcoke ûvîvîrie ndûrûme îo yonthe îgûrû rîa metha ya kîgongoona rîrî îtega rîa kûvîvua rîa Ngai-Mûnene. Naguo mûtararûko wa îtega rîu nîûngenagia nie, Ngai-Mûnene.

Ntha 29:24

Wîkîre mîgate îo na nyama icio cionthe njararî cia Aroni na avîcî ake nîguo manyamûrîre cio irî kîveo Kîam mwanya.

Ntha 29:41

Rutaga ndûrûme ya kaîrî kîvwaî vamwe na kilo îmwe ya mûtu ûrîa mûvinyu wa ngano, na lita îmwe ya maguta, na lita îmwe ya ndivei wata îrîa ya kîraûko. Mûtararûko wa matega mama nîûkenagia Ngai-Mûnene.

Alawi 1:13

Mûndû ûcio nîakaathambia mara vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 1:9

Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 10:13

Mûûrîre vandûrî varîa vatheru, nîûndû nî gacunjî gaku mûrî na avîcî aku karîa mwagîrîrwe nî kûrîa kuuma kûrî matega ma kûvîvua marîa marutîrîtwe Ngai-Mûnene. Ûguo nîguo Ngai-Mûnene ambathîte.

Alawi 2:11

Gûtirî îtega rîa irio cia mûgûnda rîa kûrutîra Ngai-Mûnene rîkaarûthwa rîrî na ndawa ya kwimbia, nîûndû ndwagîrîrwe nî kûvîvia ndawa ya kwimbia kana ûûkî irî îtega rîa kûvîvua kûrî Ngai-Mûnene.

Alawi 2:16

Mûthînjîri-Ngai nîagaacoka avîvie gacunjî ka mûtu, gacunjî ka maguta vamwe na ûbani wonthe. Rîu nî îtega rîa kûvîvua kûrî Ngai-Mûnene.

Alawi 2:2

na aûvire kûrî athînjîri-Ngai a nyomba ya Aroni. Mûthînjîri-Ngai nîagaakumbata mûtu ûcio ûrî na maguta na ûbani ngundi îmwe, na aûvîvîrie îgûrû rîa metha ya kîgongoona kîrî kîririkania atî matega mau ma kûvîvua marutîrîtwe Ngai-Mûnene. Mûtararûko wa matega mau nîûkenagia Ngai-Mûnene.

Alawi 2:9

Mûthînjîri-Ngai nîagooca gacunjî kamwe ka îtega rîu karî kîririkania atî îtega rîu rîonthe rîa irio cia mûgûnda rîrutîrîtwe Ngai-Mûnene. Nîagaacoka avîvîrie gacunjî kau îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 3:11

Ûmwe wa athînjîri-Ngai nî akaavîvîria indo icio cionthe îgûrû rîa metha ya kîgongoona irî îtega rîa kûvîvua kûrî Ngai-Mûnene.

Alawi 3:14

Mûndû ûcio nîakaarutîra Ngai-Mûnene mathunya monthe marîa marigicîrîtie mara rîrî îtega rîa kûvîvua. Nîagooca vamwe na

Alawi 3:16

Mûthînjîri-Ngai nî akaavîvîria indo icio cionthe îgûrû rîa metha ya kîgongoona irî irio irutîrîtwe Ngai-Mûnene irî îtega rîa kûvîvua rîrî na mûtararûko wa kûmûkenia. Mathunya monthe ma nyamû irîa itegagîrwa Ngai-Mûnene nî ma Ngai-Mûnene.

Alawi 3:3

Mûndû ûcio nîakaarutîra Ngai-Mûnene îtega rîa kûvîvua rîa mathunya monthe marîa marî mararî na,

Alawi 3:5

Athînjîri-Ngai a nyomba ya Aroni nîmakaavîvîria indo icio cionthe îgûrû rîa metha ya kîgongoona vamwe na matega mau mengî ma kûvîvua. Mûtararûko wa îtega rîu nîûkenagia Ngai-Mûnene.

Alawi 3:9

Mûndû ûcio nîagaacoka oce mathunya ma ng'ondu îo, kînyanya Kîamyo kîonthe Kîam mathunya gîtinîrîtue vakuvî na mûrukuthu, mathunya monthe marîa marigicîrîtie mara na airutîre Ngai-Mûnene rîrî îtega rîa kûvîvua. Agooca vamwe na

Alawi 7:25

Mûndû wa wonthe ûkaarîa mathunya ma nyamû îrîa îrutîrîtwe Ngai-Mûnene îrî îtega rîa kûvîvua nîakaamûranua na a andû ake.

Alawi 7:5

Mûthînjîri-Ngai nî akaavîvîria maguta monthe îgûrû rîa metha ya kîgongoona rîrî îtega rîa kûvîvua kûrî Ngai-Mûnene. Rîu nîrîo îtega rîa kûthiria wîvia.

Alawi 8:28

Musa nîwacokire agîoca indo icio kuuma kûrî Aroni na avîcî ake na akîivîvîria îgûrû rîa metha ya kîgongoona vamwe na îtega rîa kûvîvua. Rîu nîrîo rîarî îtega rîa kwamûrana, na mûtararûko warîo nîûkenagia Ngai-Mûnene; nî îtega rîa kûvîvua na mwaki.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

1Sam 2:28

Na nî nie naathuurire andû a mûciî wa Aroni gatagatîrî ka mîvîrîga yonthe ya Isiraeli matuîke athînjîri-Ngai akwa, nîguo mekagîre nguo ntheru vîndî îrîa makwenda kûmbarîria, mathiîcage metharî ya kîgongoona, na mamvîvagîrie ûbani vo. Nie nînaamavere rûtha meigagîre iveo imwe cia irîa ciavothagwa nî Aisiraeli.