Ntha 28:43 - ÎVUKU RÎA ÛVORO MWARO43 Aroni na avîcî nwanginya mekagîre nguo icio vîndî cionthe rîrîa magûtonya îgemarî rîa Ngai-Mûnene, kana rîrîa magûkuvîvîria metha ya kîgongoona gûtungata vandû varîa vatheru nîguo matigaakue. Ûyû nîûtuîka watho kûrî Aroni na njiarwa ciake irîa igaaûka vuva wake. အခန်းကိုကြည့်ပါ။ |
Taa nîigagwe îgemarî rîa Ngai-Mûnene nja ya gîtambaa kîrîa kîgaanîtie varîa îthandûkû rîa kîrîkanîro Kîam Ngai-Mûnene rîrî. Nake Aroni na avîcî ake mamîmenyagîrîre îkarage îgîakanaga îrî mbere ya Ngai-Mûnene kuuma kîvwaî nginya kîraûko. Watho ûyû nîwakûrûmagîrîrwa nî njiarwa cia andû a Isiraeli nginya tene na tene.
Mûtikethîrwa mwîkîte naaî nîûndû wa kûrîa matega mau, ethîrwa mûkethagîrwa mûrutîrîte Ngai-Mûnene marîa maro mûno kuuma kûrî mo. Nwatî menyagîrîrani mûtigatûmagîre naaî iveo irîa nyamûre cia andû a Isiraeli na njîra ya kûrîa wanarî kîmwe gîa cio mbere ya kîrîa Kîamro mûno gîa cio kîrutîrwa Ngai-Mûnene. Mûngîgeeka ûguo, nîmûkaaûragwa.”