Ntha 28:1 - ÎVUKU RÎA ÛVORO MWARO

¹ “Îra mûrwanyûkwe Aroni na avîcî ake, Nadabu, Abihu, Eleazaru, na Ithamaru maûke varî we. Mamûre ûmarute kûrî andû a Isiraeli, nîguo mandungatagîre marî athînjîri-Ngai.

Ntha 28:1 ပူးပေါင်းရင်းမြစ်များ

1Maû 23:13

Avîcî a Amuramu maarî: Aroni na Musa. Aroni na njiarwa ciake nîmaathuurirwe matuîke andû amûre tene na tene. Maathuurirwe nîguo mamenyagîrîre indo irîa nyamûre na mavîvagie ûbani nîûndû wa kûgooca Ngai-Mûnene, kûmûtungatîra na kûrathimanaga vîndî cionthe.

1Maû 6:10

Johanani aarî îthe wa Azaria. (Azaria nîke watungataga hekarûrî îrîa mûthamaki Solomoni aatumire Jerusalemu.)

1Maû 6:34

Samueli aarî mûvîcî wa Elikana, Elikana aarî mûvîcî wa Jerohamu, Jerohamu aarî mûvîcî wa Elieli, Elieli aarî mûvîcî wa Toa.

2Maû 11:14

Alawi nîmaatiganîrie kûndû kwao gwa kûrîthua na kûrîa maatûûraga na makîthiî Juda na Jerusalemu, nîûndû Jeroboamu na avîcî ake nîmaamagirîtie matungata marî athînjîri-Ngai a Ngai-Mûnene.

Thaburi 115:10

Mue nyomba ya Aroni, îîvokeni Ngai-Mûnene. Nîke ûtethio wenyu na ngo yenyu.

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Ntha 24:1

Ngai-Mûnene nîwacokire akîra Musa atîrî, “Unûkia ûke kîrîmarî varî nie, we na Aroni na Nadabu na Abihu, na atongoria mîrongo mûgwanja a Isiraeli. Na mûrî wa varaca mwînamîrîre na mûngooce.

Ntha 24:9

Nao Musa, Aroni, Nadabu, Abihu, na atongoria mîrongo mûgwanja a Isiraeli nîmaaunûkirie kîrîmarî

Ntha 28:41

Ûgeekîra mûrwanyûkwe Aroni na avîcî ake nguo icio. Ûcoke ûmetîrîrie maguta na ûmamûre nîguo mandungatagîre marî athînjîri-Ngai.

Ntha 29:1

“Ûkîamûra Aroni na avîcî ake nîguo mandungatagîre marî athînjîri-Ngai ûgeeka atîrî: ûgooca karegwa gatarî gakûrû na ndûrûme igîrî itarî na maroro.

Ntha 29:44

Nîngaatûma îgema rîa Ngai-Mûnene rîtuîke îtheru wana metha ya kîgongoona îtuîke ntheru. Nîngaamûra Aroni na avîcî ake nîguo mandungatagîre marî athînjîri-Ngai.

Ntha 29:9

na ûmove mîcivi ciûnorî na ûmekîre ngovia ciongo. Ûguo nîguo ûkaamûra Aroni na avîcî ake matuîke athînjîri-Ngai. Nao vamwe na njiarwa ciao nîmakaandungatagîra marî athînjîri-Ngai tene na tene.

Ntha 30:30

Ûcoke wîtîrîrie Aroni na avîcî ake maguta ûmamûre nîguo mandungatagîre marî athînjîri-Ngai.

Ntha 31:10

nguo cia ûthînjîri Ngai cia Aroni irîa itumîtwe waro, nguo cia avîcî ake cia gwîkagîra rîrîa magûtungata marî athînjîri-Ngai.

Ntha 35:19

na matume nguo mbaro mûno cia gwîkagîrwa nî athînjîri-Ngai rîrîa magûtungata marî vandû varîa vatheru. Nguo icio nî irîa ntheru cia Aroni na cia avîcî ake cia gwîkagîra rîrîa magûtungata.”

Ntha 6:23

Aroni nîwavikirie Elisheba, mwarî wa Aminadabu na aarî mwarwang'ina na Nahashoni. Nake nîwaciarire Nadabu, Abihu, Eliazaru, na Ithamaru.

Alawi 10:1

Avîcî aîrî a Aroni, Nadabu na Abihu nîmoocire wa mûndû kanyûngû ga kûvîvîrua ûbani, magîkîra makara marî na mwaki kuo, magîkîra ûbani na makîrutîra Ngai-Mûnene. Nwatî mwaki ûcio ndwarî mwîtîkîrie nîûndû Ngai-Mûnene ndaathanîte arutîrwa guo.

Alawi 10:12

Nake Musa nîwerire Aroni na avîcî ake Eliazaru na Ithamaru arîa maatigarîte marî mwoyo atîrî, “Ocani îtega rîa irio cia mûgûnda irîa itigarîte kuuma kûrî irio irîa irutîrîtwe Ngai-Mûnene, mûrûthe mûgate ûtarî mwîkîre ndawa ya kwimbia na mûûrîre vakuvî na metha ya kîgongoona, nîûndû îtega rîîrî nî rîtheru mûno.

Alawi 7:35

Icunjî icio ciumîte mategarî ma kûvîvua marîa marutîrîtwe Ngai-Mûnene, nîcio ciamûrirwe inengagîrwe Aroni na avîcî ake mûthenya ûrîa maamûrirwe magîtuîka athînjîri-Ngai.

Alawi 8:1

Ngai-Mûnene nîwerire Musa atîrî,

Alawi 8:2

“Oca Aroni na avîcî ake mûthiî nao mûromorî wa îgema rîakwa na ûthiî na nguo cia ûthînjîri-Ngai, maguta ma kwamûrana, ndegwa ya îtega rîa kûtheria wîvia, ndûrûme ciîrî, na gîkavu kîrî na mîgate îtarî mîkîre ndawa ya kwimbia.

Ndari 18:7

Nwatî we na avîcî aku muenga mûkaarutaga na kinyi mawîra monthe marîa mûthînjîri-Ngai agîrîrwe nî kûruta metharî ya kîgongoona na varîa vatheru Mûno. Mau nîmo mawîra marîa mûkaarutaga, nîûndû nînîmûvete kîveo Kîam gûtuîka athînjîri-Ngai. Mûndû wîngî wa wonthe ûrîa ûgaakuvîvîria varîa vatheru Mûno nî akaaûragagwa.”

Ndari 2:4

Onthe makeethîrwa marî ngiri mîrongo mûgwanja na inya na magana matandatû (74,600).

Ndari 26:61

Nadabu na Abihu nîmaakwire rîrîa maarutîre Ngai-Mûnene matega ma kûvîvua na mwaki ûtarî mwîtîkîrie.

Luka 1:8

Mûthenya ûmwe Zakaria nîwarutaga wîra wa gûtungata hekarûrî arî mûthînjîri-Ngai vîndî ya gîkundi kîrîa aarî wakîo.

Gûco 10:6

(Andû a Isiraeli nîmaaumire kûu ithimarî cia andû a Jaakani na makîthiî Mosera. Marî kûu, Aroni nîwakwire na akîthikwa. Nake Mûvîcî Eliazaru nîwatuîkire mûthînjîri-Ngai vuva wake.

Gûco 18:5

Ngai-Mûnene Ngai wenyu athuurîte andû a mûvîrîga wa Lawi gatagatîrî ka mîvîrîga yonthe ya Isiraeli nîguo matûûre mamûtungatagîra marî athînjîri-Ngai tene na tene.

1Sam 2:28

Na nî nie naathuurire andû a mûciî wa Aroni gatagatîrî ka mîvîrîga yonthe ya Isiraeli matuîke athînjîri-Ngai akwa, nîguo mekagîre nguo ntheru vîndî îrîa makwenda kûmbarîria, mathiîcage metharî ya kîgongoona, na mamvîvagîrie ûbani vo. Nie nînaamavere rûtha meigagîre iveo imwe cia irîa ciavothagwa nî Aisiraeli.