Ntha 27:21 - ÎVUKU RÎA ÛVORO MWARO

²¹ Taa nîigagwe îgemarî rîa Ngai-Mûnene nja ya gîtambaa kîrîa kîgaanîtie varîa îthandûkû rîa kîrîkanîro Kîam Ngai-Mûnene rîrî. Nake Aroni na avîcî ake mamîmenyagîrîre îkarage îgîakanaga îrî mbere ya Ngai-Mûnene kuuma kîvwaî nginya kîraûko. Watho ûyû nîwakûrûmagîrîrwa nî njiarwa cia andû a Isiraeli nginya tene na tene.

Ntha 27:21 ပူးပေါင်းရင်းမြစ်များ

Kîam 1:5

Ngai nîwetire ûtheri “Mûthenya” nayo nduma akîmîta “Ûtukû.” Nakuo nîgwatukire na gûgîcoka gûgîkîa. Ûcio nîguo warî mûthenya wa mbere.

Kîam 1:8

Ngai nîwetire mwanya ûcio “Îgûrû.” Nakuo gûgîtuka na gûgîcoka gûgîkîa. Ûcio nîguo warî mûthenya wa kaîrî.

2Maû 13:11

Nîmarutagîra Ngai-Mûnene matega ma kûvîvua na ma ûbani ûrîa mûnungi waro vîndî cionthe kîraûko na kîvwaî. Nîmarutaga matega ma mîgate îrîa mîamûre na nîmamigagîrîra metharî îrîa ntheru, na nîmaakagia taa irîa irî vandû va thaavu varîa cigagîrîrwa kîvwaî wa kîvwaî. Twîkaga ûrîa Ngai-Mûnene, Ngai wetû athanîte, nwatî mue nî mûmûtiganîrîtie.

Thaburi 134:1

Ûkani mûkumie Ngai-Mûnene, mue ndungata cionthe cia Ngai-Mûnene, mue arîa mûtungataga nyombarî ya Ngai-Mûnene ûtukû.

Ntha 12:14

Ririkanagani mûthenya ûyû na mûgîcage na kîrugo gîa gûkûngûîra ûrîa, Nie Ngai-Mûnene nîmwîkîte. Nwanginya mûririkanage ûndû ûcio mîaka yonthe.”

Ntha 16:34

Wata ûrîa Musa aathîtwe nî Ngai-Mûnene, Aroni nîwaigire maana mau mbere ya îthandûkû rîa kîrîkanîro nîguo maigwe.

Ntha 25:16

Nacio ivengere cia mathiga igîrî irîa ngûkûnengera ciandîkîtwe mawatho cigwe îthandûkûrî ndaarî.

Ntha 28:43

Aroni na avîcî nwanginya mekagîre nguo icio vîndî cionthe rîrîa magûtonya îgemarî rîa Ngai-Mûnene, kana rîrîa magûkuvîvîria metha ya kîgongoona gûtungata vandû varîa vatheru nîguo matigaakue. Ûyû nîûtuîka watho kûrî Aroni na njiarwa ciake irîa igaaûka vuva wake.

Ntha 29:28

Vîndî cionthe rîrîa andû a Isiraeli makûruta matega ma ngwatanîro, nyama ya kîthûri na ya Kîamû ikaarîcagwa nî Aroni na avîcî ake. Nyama icio nî iveo ciao kûrî Ngai-Mûnene.

Ntha 29:42

Njiarwa ciaku cionthe ikaandutagîra matega mama ma kûvîvua mûromorî wa îgema rîa Ngai-Mûnene. Vau nîvo ngaatûngana na andû akwa na mbarie nawe.

Ntha 29:44

Nîngaatûma îgema rîa Ngai-Mûnene rîtuîke îtheru wana metha ya kîgongoona îtuîke ntheru. Nîngaamûra Aroni na avîcî ake nîguo mandungatagîre marî athînjîri-Ngai.

Ntha 30:21

Makethambagia njara na magûrû nîguo matigakue. Ûyû nîguo watho ûrîa ûgûtûûra ûrûmagîrîrwa nî Aroni, avîcî ake, vamwe na njiarwa ciake.”

Ntha 30:36

Kimakima ûmwe ûtuîke mûtutu, na ûkaûminjaminje mbere ya îthandûkû rîa kîrîkanîro îgemarî rîa Ngai-Mûnene varîa ngaacemania namue. Nîmwagîrîrwe nî gûûtua mûtheru mûno.

Ntha 30:8

Na vîndî îrîa agûka gwakia taa kîvwaî nwanginya avîvie ûbani. Matega mama ma kûvîvia ûbani nîmatûûra marutagwa nî njiarwa ciaku cionthe.

Ntha 40:3

Îgemarî rîu ûkaaiga îthandûkû rîa kîrîkanîro na ûcurie gîtambaa mbere ya îthandûkû rîa kîrîkanîro.

Alawi 10:9

“We kana avîcî aku mûtikanyue ndivei kana njovi rîrîa mûgûtonya îgemarî rîa Ngai-Mûnene. Mweka ûguo nî mûgaakua. Watho ûyû nîûtûûra ûrûmagîrîrwa nî njiarwa ciaku cionthe tene na tene.

Alawi 16:34

Mawatho mama nîmatûûra marûmagîrîrwa. Mambura mama nwanginya marûthagwe riita rîmwe wa mwaka nî mûthînjîri-Ngai nîûndû wa kûtheria mevia monthe ma andû a Isiraeli.” Kwoguo Musa nîwekire wata ûrîa Ngai-Mûnene aathanîte.

Alawi 17:7

Andû a Isiraeli matikethîrwa matarî evokeku kûrî Ngai-Mûnene rîngî na njîra ya kûragîra nyamû na kûu nja ya mûromo wa îgema marî magongoona ma ngoma ciîkariî ta mbûri. Andû a Isiraeli na njiarwa ciao nîmatûûra marûmagîrîra watho ûyû.

Alawi 23:14

Mûtiagîrîrwe nî kûrîa ngano irî mbîthî kana irî mvîvie, wana kana irugîtwe mîgate, nginya rîrîa mûkaaruta îtega rîu kûrî Ngai-Mûnene. Watho ûyû nîûtûûra ûrûmagîrîrwa tene na tene nî njiarwa cienyu cionthe kûrîa mûtûûraga.

Alawi 23:21

Mûthenya ûcio nî gûkaaugîrîrua andû maûngane vamwe nîguo magooce. Mûtikaarute wîra mûrito mûthenya ûcio. Watho ûyû nîûtûûra ûrûmagîrîrwa nî njiarwa cienyu tene na tene kûrîa kuonthe mûtûûraga.

Alawi 24:2

“Îra andû a Isiraeli marete maguta ma ndamaiyû marîa maro mûno ma gwîkîra taarî nîguo ciakanage vîndî cionthe.

Alawi 24:3

Aroni akaamundagia taa icio kîvwaî na aimenyagîrîre ciakanage nginya kîraûko irî îgemarî rîa Ngai-Mûnene vau nja ya gîtambaa mbere ya îthandûkû rîa kîrîkanîro. Watho ûyû nîûtûûra ûrûmagîrîrwa nî njiarwa cienyu cionthe.

Alawi 24:9

Mîgate îo nî ya Aroni na njiarwa ciake, na makaamîrîcagîra vandû varîa vatheru vîndî cionthe, nîûndû kau nî gacunjî katheru mûno ka îtega rîa kûvîvua rîa athînjîri-Ngai rîrîa rîtegeretwe Ngai-Mûnene.”

Alawi 3:17

Watho ûyû nî ûtûûra ûrûmagîrîrwa nî njiarwa cia Isiraeli, atî gûtirî Mûisiraeli ûkaarîa mathunya kana anyue nthakame kûrîa kuonthe magaatûûra.

Alawi 3:8

Nîakaaigîrîra njara yake kîongorî Kîam nyamû îo na amîûragîre mbere ya îgema rîa Ngai-Mûnene. Athînjîri-Ngai a nyomba ya Aroni nîmakaaminjaminja nthakame ya nyamû îo mîenarî yonthe ya metha ya kîgongoona.

Alawi 6:15

Mûthînjîri-Ngai ûcio nî agaakumbata ngundi ya mûtu ûrîa mwaro mûno, oce maguta na ûbani na aivîvîrie îgûrû rîa metha ya kîgongoona kîrî kîririkania, atî matega mau monthe marutîrîtwe Ngai-Mûnene. Mûtararûko wa îtega rîu nîûkenagia Ngai-Mûnene.

Alawi 7:36

Mûthenya ûcio nîrîo Ngai-Mûnene aathire andû a Isiraeli manengagîre athînjîri-Ngai icunjî icio cia matega. Mau nîmo maathani marîa andû a Isiraeli na njiarwa ciao magîrîrwe nî gûtûûra marûmagîrîra.”

Malaki 2:7

Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Ndari 18:23

Nwatî Alawi onga nîo magaatungataga îgemarî rîa Ngai-Mûnene na marîmenyagîrîre. Watho ûyû nîwagûtûûra ûrûmagîrîrwa nî njiarwa cionthe ciaku. Alawi matikagaa kîndû vûrûri wa Isiraeli,

Ndari 18:5

We vamwe na avîcî aku nwanginya mûmenyagîrîre Vandû varîa Vatheru wa vamwe na metha ya kîgongoona nîguo ndikarakare rîngî nîûndû wa andû a Isiraeli.

Ndari 19:21

Watho ûyû nîûtûûra ûrûmagîrîrwa. Mûndû ûrîa ûminjaminjaga manjî mau ma kwîtheria wanake akathambagia nguo ciake. Mûndû ûrîa ûvutagia manjî mau ma kwîtheria ethagîrwa atarî mûtheru nginya kîvwaî.

Ndari 35:29

Mawatho mama nîmatûûra marûmagîrîrwa nî njiarwa cienyu cionthe kûrîa kuonthe mûgaatûûra.

Ndari 8:9

Nîûkaagomania andû a Isiraeli onthe vamwe na ûvire Alawi vau mbere ya îgema rîa Ngai-Mûnene.

Mathaayo 4:16

Andû arîa matûûraga ndumarî, nîmonete ûtheri mûnene. Nao arîa matûûraga mûtûûrîre ûrîa ûtagîrîrîte, nîmakinyîrîtwe nî ûtheri.”

Luka 12:35

“Îkaragani mwîvarîrîtie vingo cionthe na mwîna taa cienyu igîakanaga.

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

2Pet 1:19

Na tûrî na ûma makîrîa wa ndûmîrîri îrîa yanîrîrwe nî arathi. Nîmwagîrîrwe nî kûthikîrîria ndûmîrîri îo, nîûndû yo îkariî ta taa yakanîte vandû ndumarî nginya gûkîe, na ûtheri wa njata ya kîraûko ûgakengaga ngororî cienyu.

Kûguû 2:1

“Andîka kûrî mûraika wa kanitha ûrîa ûrî Efeso atîrî: “Îno nî ndûmîrîri kuuma kûrî ûrîa ûgwete njata irîa mûgwanja njararî yake ya ûrîo, na nîke ûceeraga gatagatî ka indo mûgwanja cia thaavu cia kwigîrîrwa taa.

1Sam 3:3

Nake Samueli aamamîte hekarûrî ya Ngai-Mûnene kûrîa îthandûkû rîa Ngai-Mûnene rîaigîtwe. Mbere ya gûkîe, wa taa îgîakanaga,

1Sam 30:25

Daudi nîwatuire ûndû ûcio watho wa kûrûmîrîrwa kûu Isiraeli kuuma mûthenya ûcio.