Ntha 24:12 - ÎVUKU RÎA ÛVORO MWARO

¹² Ngai-Mûnene nîwerire Musa atîrî, “Unûkia ûke kîrîmarî varî nie na weterere vo. Nanie ngaakûnengera ivengere igîrî cia mathiga ciandîkîtwe mawatho na maathani ma gûtaara andû.”

Ntha 24:12 ပူးပေါင်းရင်းမြစ်များ

1Atha 19:11

Ngai-Mûnene nîwamwîrire atîrî, “Uma ûthiî ûrûngame mbere ya Ngai-Mûnene îgûrû rîa kîrîma.” Vîndî wa îo Ngai-Mûnene nîwavîtûkîrîre vau. Naruo rûkûngi rûnene mûno nîrwainainirie irîma na rûgîatûranga mathiga tûcunjî mbere ya Ngai-Mûnene, nwatî Ngai-Mûnene ndaarî rûkûngirî. Vuva wa rûkûngi nîgwacokire gûkîgîa kîthingithia, nwatî Ngai-Mûnene ndaarî kîthingithiarî.

Ezira 7:10

Ezira nîwevecanîte ûtûûrorî wake kûthoma watho wa Ngai-Mûnene, na gwîka ûrîa watho ûcio ugîte, na kûthomithia andû a Isiraeli mawatho, kîrîra kîgiî watho ûcio, na maûndû megiî mûtûûrîre.

Nehemia 9:13

Nîwanyûrûrûkire kuuma îgûrû kîrîmarî gîa Sinai, na ûkîaria na andû aku. Nîwamavere maathani na mawatho marîa maarî magîrîru.

Nehemia 9:14

Nîwamathomithirie kûrûmagîrîra thavatû yaku ntheru, kûvîtûkîrîra Musa ndungata yaku nîwamaathire marûmagîrîre maathani maku.

Thaburi 19:12

Gûtirî mûndû wonaga mevia make ke mwene; ntheria we Ngai-Mûnene kuuma kûrî mavîtia marîa mbîkaga ndakûmenya.

Ntha 19:3

Nake Musa nîwaunûkirie kîrîmarî gîa Sinai nîguo agatûngane na Ngai. Nake Ngai-Mûnene nîwetire Musa arî kîrîmarî na akîmwîra ere andû a Isiraeli, njiarwa cia Jakovu atîrî,

Ntha 24:15

Nake Musa nîwaunûkirie kîrîmarî gîa Sinai na îtu rîgîgîkunîkîra.

Ntha 24:18

Musa nîwaunûkirie kîrîmarî na agîtonya ndaarî ya îtu, na agîkara kuo mîthenya mîrongo îna ûtukû na mûthenya.

Ntha 24:2

We Musa ûrî wenga nîwe ûgaaûka vakuvî nanie, nwatî andû acio engî matikaunûkie kîrîmarî.”

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:1

Rîrîa andû a Isiraeli moonire atî Musa nîwekara mûno atacokete kuuma kîrîmarî, nîmaagomanire varî Aroni na makîmwîra atîrî, “Ûkîra ûtûrûthîre ngai îrîa îgaatûtongoragia nîûndû tûtiîcî ûrîa gwîkîkîte kûrî Musa ûrîa watûrutire vûrûri wa Misiri.”

Ntha 34:1

Ngai-Mûnene nîwerire Musa atîrî, “Rûtha ivengere cia mathiga igîrî wata irîa cia mbere na nîngwandîka ivengererî icio ciugo irîa ciarî ivengererî cia mbere irîa wenyûrangire.

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Mathaayo 5:19

Kwoguo mûndû wa wonthe ûtathîkagîra wana ethîrwa nî rîathani rîmwe rîa marîa manini na agacoka akathomithia andû arîa engî guo, mûndû ûcio akethagîrwa arî mûnini mûno Ûthamakirî wa îgûrû. Nwatî mûndû wa wonthe wathîkagîra Watho na akathomithia arîa engî gwîka guo, nîakethîrwa arî mûnene Ûthamakirî wa îgûrû.

2Akor 3:3

Nîkûronekana waro atî Kristû ke mwene nîke wandîkire maarûa îno na akîmîtûma na njîra yetû. Maarûa îno ndîandîkîtwe na rangi, nwatî yandîkîtwe na Roho wa Ngai ûrîa ûtûûraga mwoyo, na ndîandîkîtwe ivengererî cia mathiga nwatî yandîkîtwe ngororî cia andû.

2Akor 3:7

Watho ûrîa waretire gîkuû wandîkîtwe ivengererî cia mathiga. Naguo waûkire ûrî na riiri wa Ngai ûrîa watûmire ûthiû wa Musa ûkenga mûno na andû a Isiraeli matingîavotire gwîkara maûroretie. Nwatî vuvarî riiri ûcio nîwathirire.

Gûco 4:14

Vîndî îo Ngai-Mûnene nîwambathire akîmbîra nîmûthomithie mawatho monthe na matuîro ma ciira marîa mûkaarûmagîrîra mûrî vûrûrirî ûrîa mûthiîte kwîgwatîra ûtuîke wenyu.

Gûco 5:22

“Mama nîmo maathani marîa Ngai-Mûnene aamûveere muonthe rîrîa mwacemanîtie kîrîmarî. Rîrîa aaririe na mûgambo mûnene arî mwakirî, matuurî na nduma nene, ndongerera Maathani mengî tiga mama. Nîwacokire akîandîka Maathani mau ivengererî igîrî cia mathiga na akînengera cio.

Gûco 5:31

Nwatî we Musa rûngama ava nîrî, na nîngûkûva Maathani monthe, Mawatho na matuîro ma ciira. Mathomithieni andû nîguo makaamathîkîra makinya vûrûri ûrîa ngaamava megwatîre.’

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.