Ntha 23:25 - ÎVUKU RÎA ÛVORO MWARO

²⁵ Ethîrwa nîmûkaangooca nie Ngai-Mûnene, Ngai wenyu, nîngaamûrathima na irio na manjî, na nîmûthengutîria mîrimû gatagatîrî kenyu.

Ntha 23:25 ပူးပေါင်းရင်းမြစ်များ

Thaburi 103:3

Nîke ûndekagîra mevia monthe, na akamvonia mîrimû yakwa yonthe.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Mûvunjia 5:20

Ngai nîatûmîte ethîrwe arî na gîkeno kwoguo ndakagîa na kavinda ga gwîtanga îgûrû rîgiî ûtûûro wake mûnini.

Isaia 33:16

Mûndû wa mûthemba ûcio atûûraga îgûrû; vandû vake va ûgitîri vakethagîrwa vatumîtwe na nthingo cia vinya. Ndagaatura irio cia kûrîa, kana manjî ma kûnyua.

Isaia 33:24

Gûtirî mûndû ûkaauga rîngî atîrî, “Nie nîrî mûrwaru.” Andû onthe arîa matûûraga kûu nîmagaakirîrîrua mevia mao.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Danieli 1:15

Na mîthenya îkûmi yathira, Danieli, Mîsheki, Shadiraka na Abedinego nîmonekire marî athaka na anoru gûkîra arîa maarîcaga irio na makanyua ndivei ya mûthamaki mûciî.

Alawi 11:44

Nie nînie Ngai-Mûnene, Ngai wenyu na nwanginya mwîkare mûrî atheru nîûndû nîrî mûtheru.

Alawi 26:3

“Ethîrwa mûkaamenyagîrîra maathani makwa na mwathîkagîre irîra ciakwa,

Malaki 3:10

“Reteni matega menyu makûmbîrî makwa, nîguo nyomba yakwa îgîe na irio cia kwîgana. Mue nwa mûcoke mûngerie. Mweka ûguo, nîmûkoona kana tîmvingûra ndirica cia îgûrû na nîmwîtûrûrîre irathimo ciakwa.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 13:4

Rûmagîrîrani Ngai-Mûnene Ngai wenyu na mûmûtîîage na mwathîkagîre maathani make na mûmwîgucage. Mûtungatagîreni na mwîthagîrwe mûrî evokeku kûrî ke.

Gûco 6:13

Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

Gûco 7:13

Akaamwendaga, amûrathimage, na atûme mwongerereke mûtuîke rûrîrî rûnene. Ngai-Mûnene nîakaarathima ciana cienyu na mîgûnda yenyu, na maciaro ma mîgûnda yenyu nîguo mwîthagîrwe mûrî na ndivei na maguta, na amûrathime na ng'ombe na ng'ondu nyîngî. Ngai-Mûnene nîakaamûrathima na indo icio cionthe mûrî vûrûrirî ûrîa eerîre methe menyu atî nîakaamûva.

Gûco 7:15

Ngai-Mûnene nîakaamûgitîra kuuma kûrî mîrimû yonthe. Ndagaatûma mûgîe na mîrimû mîcûku ta îrîa mwonire Misiri, nwatî arîa onthe mamûthûrîte nîo makaanyitwa nî mîrimû îo.

Josh 22:5

Menyerera mwathîkagîre maathani na mawatho marîa Musa aamwathire. Aamwathire mwendage Ngai-Mûnene, Ngai wenyu, mûrûmagîrîre njîra ciake cionthe, mwathîkagîre maathani make, mwîthagîrwe mûrî evokeku kûrî ke na ûmûtungatagîre na ngoro cienyu cionthe na vinya wenyu wonthe.”

Josh 24:21

Nao andû a Isiraeli nîmeerire Joshua atîrî, “Naarî! Tue tûgatungatagîra Ngai-Mûnene.”

Josh 24:24

Nao andû a Isiraeli nîmeerire Joshua atîrî, “Tue tûgatungatagîra Ngai-Mûnene, Ngai wetû na tûkaathîkagîra maathani make.”

1Sam 12:20

Samueli nîwerire andû acio atîrî, “Tigani kûmaka, wana ethîrwa nîmwîkîte wîvia wa mûthemba ûcio, mûtigatiganîrie Ngai-Mûnene, nwatî mûmûtungatîreni na ngoro yonthe.

1Sam 12:24

Athîkagîrani Ngai-Mûnene na mûmûtungatagîre arî wenga na ngoro yonthe mûrî na wîvokeku. Taririkanani maûndû manene marîa ekîte nîûndû wenyu.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”