Ntha 23:20 - ÎVUKU RÎA ÛVORO MWARO

²⁰ “Atîrî, nîngûtûma mûraika athiî mbere yenyu, amûgitagîre rûgendorî na amûkinyie kûrîa nîmûvarîrîtie.

Ntha 23:20 ပူးပေါင်းရင်းမြစ်များ

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

Kîam 24:40

Nake nîwanjokerie atîrî, ‘Ngai-Mûnene ûrîa ndûûraga mbathîkagîra nîagûtûma mûraika wake athiîcanie nawe na atûme rûgendo rwaku rwîthîrwe rûrî na umithio; wonere mûvîcîwa mûndûmûka kuuma kûrî andû etû, na nîo andû a nyomba ya vava.

Kîam 24:7

Ngai-Mûnene, Ngai wa îgûrû nîwandutire mûciî kwa vava kûrîa naciarîrwe na nîwevîtire na akîmbîra atî nîakaava njiarwa ciakwa vûrûri ûyû. Ngai ûcio nîagaatûma mûraika wake athiî mbere yaku, nîguo wonere mûvîcîwa mûndûmûka kuuma kuo.

Kîam 48:16

Mûraika ûrîa wamvonokirie kuuma mîtinorî yonthe arotûrathima! Rîîtwa rîakwa na marîîtwa ma methe makwa Iburahimu na Isaka marotûûrua na njîra ya twana tûtû! Twana tûtû tûrogîa na ciana nyîngî na njiarwa nyîngî!”

Thaburi 91:11

Nîûndû Ngai nîakaatha araika ake, makûmenyagîrîre kûrîa kuonthe ûkethagîrwa ûkîthiî.

Ntha 14:19

Nake mûraika wa Ngai, ûrîa watongoragîria athigari a mbaara a andû a Isiraeli nîwaumire mbere agîcoka vuva. Gîtugî Kîam îtu kîrîa Kîammatongoragia nakîo nîkîaumire mbere yao gîgîcoka vuva,

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Ntha 15:17

We nîûkaamarete na ûmavande kîrîmarî gîaku, vandû varîa we Ngai-Mûnene ûthuurîte vatuîke mûciî waku, hekarûrî îrîa we mwene ûtumîte.

Ntha 23:23

Mûraika wakwa nîakaamûtongoria amûkinyie mavûrûrirî ma Amori, Ahiti, Aperizi, Akanaani, Ahivi, na Ajebusi nanie nîngaamathiria.

Ntha 32:34

Rîu thiî ûgatongorie andû mathiî kûrîa naakwîrire. Ririkana, mûraika wakwa nîakaamûtongoria, nwatî kavinda nîgagaakinya rîrîa ngaaûka kûverithia andû aya nîûndû wa mevia mao.”

Ntha 33:14

Nake Ngai-Mûnene nîwamûcokerie atîrî, “Nîmbîthîrwa nawe, na ngaatûma ûgîe na thayû.”

Ntha 33:2

Nîngûtûma mûraika amûtongorie na nîngwîngata Akanaani, Amori, Ahiti, Aperizi, Ahivi, na Ajebusi.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Zakaria 12:8

Vîndî îo Ngai-Mûnene nîakaagitîra andû arîa matûûraga Jerusalemu, nîguo andû arîa matarî vinya gatagatîrî kao makaagîa na vinya ta mûthamaki Daudi. Nacio njiarwa cia Daudi nîigaatongoria andû a Juda ta araika a Ngai-Mûnene, ta arî Ngai ûramatongoria.

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Ndari 20:16

na tûkîrîrîra Ngai-Mûnene nîguo atûtethie. Ngai-Mûnene nîwegwire kîrîro gîetû na agîtûma mûraika ûrîa watûrutire Misiri. Rîu tûrî Kadeshi, îtûûra rîrîa rîrî mûvakarî wa vûrûri waku.

Ndari 22:22

Ngai nîwarakarire nîûndû Balaamu nîwathiîre Moabu. Aathiîre kuo akuuîtwe nî mvunda yake marî na ndungata ciake ciîrî. Kwoguo arî njîrarî Mûraika wa Ngai-Mûnene nîwarûngamire mbere yake nîguo agirie athiî.

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Johana 14:3

Na narîkia kûthiî kûmûvarîrîria vandû, nîngûcoka nîmwîcîre nîguo mue mwîthagîrwe mûrî varîa nie nîrî.

Gûco 33:2

Augire atî: Ngai-Mûnene aaumire kîrîmarî gîa Sinai; aatumîrîre ta riûa kuuma kîrîmarî Kîam Edomu, na akîarîra andû ake arî kîrîmarî gîa Parani. Aaûkire arî na araika ngiri makûmi meengî, aanyitîte rûrîrîmbî rwa mwaki na njara.

Josh 23:5

Ngai-Mûnene, Ngai wenyu nîwamwîrîre atî nîagaatûma nthû cienyu ciûre nîmue na nîagaaciîngata wa ûrîa mûkeethîrwa mûkîthiî na mbere na nîmûkegwatîra vûrûri ûcio wao.

Josh 5:13

Joshua arî vakuvî Jeriko, nîwonire mûndû arûngamîte mbere yake anyitîte rûviû. Joshua nîwathiîre varî ke na akîmûria atîrî, “We wî wetû kana ûrî wa nthû cietû?”

Josh 5:14

Mûndû ûcio nîwamûcokerie atîrî, “Naarî, nie nîrî mûnene wa athigari a mbaara a Ngai-Mûnene.” Joshua nîwegwîthirie agîturumithia ûthiû nthî amûgooce na akîmwîra atîrî, “Mwathi wakwa, nie nîrî ndungata yaku mbîra ûrîa ûkwenda mbîke.”

Josh 6:2

Nake Ngai-Mûnene nîwerire Joshua atîrî, “Rîu, Jeriko nîngûmîvecana kûrî mue, wana mûthamaki wakuo na athigari onthe arîa marî vinya a mbaara.