Ntha 23:19 - ÎVUKU RÎA ÛVORO MWARO

¹⁹ “Retageni nyombarî ya Ngai-Mûnene, Ngai wenyu maketha marîa maro ma mbere ma irio cia mîgûnda yenyu. “Ndûkaruge koori ka mbûri kana ka ng'ondu na îriia rîa ng'ina.

Ntha 23:19 ပူးပေါင်းရင်းမြစ်များ

Nehemia 10:35

Wa mwaka tûkaaviraga hekarûrî matega ma maciaro ma mbere ma mîgûnda yetû na matunda ma mbere marîa magaatunîvaga ma mîtî yetû.

Nehemia 10:36

Tûkaaviraga wa mûndû îrikithathi rîake rîa mwanake kûrî athînjîri-Ngai hekarûrî nîguo makaamûrîrwe Ngai wata ûrîa Watho ugîte. Na tûkaamûraga marikithathi monthe ma tûcaû na ma tûori twa ng'ondu na mbûri cietû.

Ntha 22:28

“Ndûkarie ûndû mûcûku wîgiî Ngai, na ndûkarume mûtongoria wa andû enyu.

Ntha 22:29

“Ndutagîra matega maku ma ngano, ndivei, na maguta ma ndamaiyû vîndî ya cio yakinya. “Mvecaga îrikithathi rîaku rîa anake.

Ntha 34:26

“Mwaka wa mwaka mûretage nyombarî ya Ngai-Mûnene irio cia mbere cia maketha ma mîgûnda. “Mûtikaaruge koori ka mbûri kana kagondu na îria rîa ng'ina.”

Nthi 12:10

Andû arîa athingu marî ntha na nyamû ciao irîa marîthagia, nwatî andû arîa aganu matirî ntha na nyamû ciao.

Nthi 3:9

Tîîaga Ngai-Mûnene na indo ciaku, na ûmûrutagîre maketha ma mbere ma indo cionthe cia mîgûnda yaku.

Jeremia 10:3

Mîtugo ya ndini ya andû acio nî ya maveeni. Mûtî nîûtemagwa mûtitûrî, na ûkaumua mûvuano wa ngai na kathanwa nî mûndû.

Ezek 44:30

Maketha ma mbere marîa maro mûno na indo irîa mbaro mûno cia matega menyu irîa mûndutagîra ikaavecagwa athînjîri-Ngai. Vîndî cionthe rîrîa mwakanda mûgate, mûgate wa mbere ûkaavecagwa athînjîri-Ngai rîrî îtega nanie ngarathimaga mîciî yenyu.

Ezek 48:13

Gîcunjî kîrîa gîkaagaîrwa Alawi gîkethîrwa kîrî mwena wa îveti wa gîcunjî Kîam athînjîri-Ngai. Nakîo nîkîa ûraca wa kilomita îkûmi na igîrî na nuthu (12.5) na wariî wa kilomita ithano (5).

Ezek 48:14

Gîcunjî kîrîa Kîammûrîre Ngai-Mûnene nîkîo Kîamro mûno vûrûrirî. Gîtikendua kana gîkûrananue kana kîgaîrwe mûndû wana ûrîkû, nîûndû nî kîtheru na nîkîa Ngai-Mûnene.

Ndari 15:21

Njiarwa cienyu cionthe nîitûûra indutagîra îtega rîîrî.

1Akor 15:20

Nwatî ûma nî atî Kristû nîariûkîtue na agatuîka kîonereria gîa atî arîa makuîte wa nao nîmakaariûkua.

Gûco 14:21

“Mûtikarîe nyamû wa yonthe îkuîte mûvûvû. Nwatî nwa mûmîve ageni arîa matûûraga matûûrarî menyu mamîrîe, kana ageni arîa mavîtûkîte, nîûndû mue mûrî andû amûre a Ngai-Mûnene Ngai wenyu. “Mûtikaruge koori na îriia rîa ng'ina.

Gûco 26:10

Kwoguo nînakûrutîra We, Ngai-Mûnene maketha ma mbere ma mûgûnda ûrîa ûmvete.’ “Nîûgaacoka wige gîkavu gîaku vau nthî mbere ya Ngai-Mûnene, Ngai waku na ûmûgooce.

Gûco 26:2

wa mûndû nîagooca maketha mamwe ma mbere ma indo cionthe irîa akethîrwa akethete vûrûrirî ûrîa Ngai-Mûnene, Ngai wenyu akûmûva, amekîre gîkavurî na amavire varîa Ngai-Mûnene, Ngai wenyu athuurîte va kûgoocagîrwa.

Kûguû 14:4

Andû acio nî arîa mataanamenyana kîîmwîrî na aka; o nî athingu. Marûmagîrîra Gatûrûme kûrîa kuonthe akûthiî. Ngai nî amakûûrîte kuuma kûrî andû acio engî, na nîmaatuîkîte maciaro ma mbere kûvecanwa kûrî Ngai na kûrî Gatûrûme.