Ntha 23:18 - ÎVUKU RÎA ÛVORO MWARO

¹⁸ “Mûtikandutîre matega ma mîgate mîkîre ndawa ya kwimbia rîrîa mûkûndutîra îgongoona rîa nyamû. Maguta ma nyamû irîa ndutîrîtwe îgongoona matikaarare nginya kîraûko Kîam mûthenya ûcio wîngî.

Ntha 23:18 ပူးပေါင်းရင်းမြစ်များ

Ntha 12:10

Na mûtikareke imwe itigara ikinyia kîraûko. Kîndû kîngîgaatigara na gîkinyie kîraûko gîkaavîvua.

Ntha 12:15

Ngai-Mûnene nîwacokire akiuga atîrî, “Vandû va mîthenya mûgwanja mue nwanginya mûrîcage mîgate îtarî mîkîre ndawa ya kwimbia. Mûthenya wa mbere mûkaathengutia ndawa ya kwimbia mîgate kwenyu mîciî, nîûndû mîthenyarî îo mûgwanja mûndû wa wonthe angîrîa mîgate îrî mîkîre ndawa ya kwimbia, ndagaataranîrua na andû acio engî a Isiraeli.

Ntha 12:8

Ûtukû ûcio andû a Isiraeli makaarîa nyama cia tûtûrûme ivîvîtue, na irîcanîrue na manyenyi marûrû na mîgate îtarî mîkîre ndawa ya kwimbia.

Ntha 16:19

Musa nîwacokire akîmeera atîrî, “Mûndû wana ûrîkû ndagatigarie maana nîûndû wa rûyû.”

Ntha 29:34

Ethîrwa kûrî nyama kana mîgate îgaatigara îkinyie kîraûko Kîam mûthenya ûcio wîngî, ndîkarîwe. Kîrîa kîonthe gîgaatigara nîgîkaavîvua nîûndû nî kîtheru.

Ntha 34:25

“Mûtikaarute matega ma mîgate îkîrîtwe ndawa ya kwimbia vîndî îrîa mûkûndutîra magongoona ma nyamû. Vîndî ya kîrugo Kîam pasaka mûtikaaige gîcunjî Kîam nyamû îrîa îthînjîtwe nginya kîraûko Kîam mûthenya ûcio wîngî.

Alawi 2:11

Gûtirî îtega rîa irio cia mûgûnda rîa kûrutîra Ngai-Mûnene rîkaarûthwa rîrî na ndawa ya kwimbia, nîûndû ndwagîrîrwe nî kûvîvia ndawa ya kwimbia kana ûûkî irî îtega rîa kûvîvua kûrî Ngai-Mûnene.

Alawi 7:12

Ethîrwa mûndû akîruta îtega nîûndû wa gûcokia ngatho, nîakaarutanîria îtega rîu vamwe na geki itarî mbîkîre ndawa ya kwimbia îtukanîtue na maguta, tûmîgate tûceke tûvakîtwe maguta vamwe na geki îrugîtwe na mûtu mûvinyu ûtukanîtue na maguta.

Alawi 7:15

Mûndû ûrîa ûkûruta îgongoona rîa thayû nîakaarîa nyama icio ciîngî mûthenya wa ûcio, na gûtirî wanarî îmwe yacio agîrîrwe nî gûtigaria îkinyia kîraûko Kîam mûthenya ûcio wîngî.

Gûco 16:4

Gûtirî mûndû wagîrîrwe kwîthîrwa arî na ndawa ya kwimbia mûgate vûrûrirî wenyu îvinda rîa mîthenya mûgwanja, kana nyama ya îgongoona îrîa îrutîtwe ya îgongoona îrara îkinyia kîraûko.