Ntha 22:28 - ÎVUKU RÎA ÛVORO MWARO

²⁸ “Ndûkarie ûndû mûcûku wîgiî Ngai, na ndûkarume mûtongoria wa andû enyu.

Ntha 22:28 ပူးပေါင်းရင်းမြစ်များ

2Sam 16:5

Rîrîa mûthamaki Daudi aakinyire Bahurimu, mûndû ûmwe wa mûciî wa Saûlo wetagwa Shimei nîwathiîre gûtûnga Daudi akîmûrumaga. Shimei aarî mûvîcî wa Gera.

2Sam 16:9

Abishai ûrîa ng'ina eetagwa Zeruia nîwerire mûthamaki atîrî, “Mwathi wakwa, ûretîkîra mûndû ûyû wîkariî ta ngui îno nguû akûrume nîkî? Tiga nthiî nîmûtinie kîongo!”

2Sam 19:21

Nake Abishai mûvîcî wa Zeruia nîwaugire atîrî, “Shimei agîrîrwe nî kûûragwa nîûndû nîwarumire mûndû ûrîa Ngai-Mûnene aathuurire atuîke mûthamaki.”

1Atha 21:10

Mwige mîkora îîrî yerekanîrîte nake nîguo îmûthitange îkîmwîraga atî nîarumîte Ngai vamwe na mûthamaki. Mûcoke mûmûrute nja ya îtûûra na mûmûûrage na mathiga.”

Thaburi 138:1

We Ngai-Mûnene nîngûgûcokeria ngatho na ngoro yakwa yonthe, nîraina ngîgûkumagia mbere ya ngai cia mîvuanano.

Thaburi 32:6

Kwoguo andû onthe arîa makûrûmagîrîra nîmakûvoyage vîndî cionthe, vîndî îrîa mathîna maûka ta mwîcûro wa manjî, matigaakinyagîrîrwa nî mo.

Ntha 13:12

mûkaamwamûrîra marikithathi monthe. Marikithathi monthe ma ûrîthi wenyu, nî ma Ngai-Mûnene.

Ntha 13:2

“Nyamûrîra marikithathi monthe ma arûme. Marithikithathi monthe ma arûme a Isiraeli nî akwa, na marikithathi monthe ma nyamû cia ûrîthi wenyu nî makwa.”

Ntha 21:17

“Mûndû angîruma îthe kana ng'ina nwanginya akaaûragwa.

Ntha 23:16

“Kûngûagîrani kîrugo Kîam maketha menyu ma mbere ma indo irîa mûvandîte kwenyu mîgûndarî. “Kûngûagîrani kîrugo Kîam ithûnû wa mwaka ûkîthiî kûthira vîndî îrîa mwaketha maciaro kuuma mîgûndarî yenyu ya mîtunda.

Ntha 23:19

“Retageni nyombarî ya Ngai-Mûnene, Ngai wenyu maketha marîa maro ma mbere ma irio cia mîgûnda yenyu. “Ndûkaruge koori ka mbûri kana ka ng'ondu na îriia rîa ng'ina.

Mûvunjia 10:20

Ndûkarume mûthamaki na ngoro, kana ûrume gîtonga ûrî nyomba kûrîa ûmamaga, nîûndû iconi nwa ciîgue igakinyia ûvoro, kana kîûmbe kîrî mathagu Kîamnîrîre ûndû ûcio.

Alawi 24:11

Shelomithi aarî mwarî wa Debiri wa mûvîrîgarî wa Dani. Mwanake ûcio nîwarumire Ngai. Andû arîa meegwire akîruma Ngai nî maamûnyitire na makîmûvira kûrî Musa.

Alawi 24:15

Ûcoke wîre andû a Isiraeli atî mûndû wa wonthe ûkaaruma Ngai nwanginya akaaverithua nîûndû wa mevia make

Alawi 24:16

na aûragwe. Mûisiraeli wa wonthe kana mûgeni ûrîa ûtûûraga kûu Isiraeli angîkaaruma Ngai-Mûnene nwanginya akaaûragwa na mathiga nî andû onthe.

Ciîko 23:3

Nake Paûlo nîwerire Anania atîrî, “Wa nawe Ngai nwanginya akûviûkie. We wîkariî ta rûthingo rûrî rûvake rangi njerû. Wîkarîte vau nîguo ûnduîre kûringana na watho, nwatî we nîkwa ûrauna watho na njîra ya kûmeera mamviûkie rûvî!”

Ciîko 23:5

Nake Paûlo nîwamacokerie atîrî, “Ariû na aarî a îthe wetû, nie ndiraicî atî ke nî Mûthînjîri-Ngai ûrîa mûnene. Nîkwandîkîtwe mandîkorî matheru atîrî, ‘Ndûkanarie ûndû mûcûku wîgiî mûnene wa andû enyu.’ ”

1Pet 2:17

Tîîagani andû onthe, endagani aarî na ariû a îthe wetû, îîtigagîreni Ngai na mûvecage mûthamaki wa Roma gîtîîo.

2Pet 2:10

Andû arîa makaaverithua nî arîa marûmagîrîra merirîria macûku ma mîîrî yao, na makanyarara wathani wa Ngai. Arimû a maveeni nî aûmîrîru na nî ndûrîka na mationanagia gîtîîo kûrî ciûmbe cia îgûrû irîa irî riiri, vandû va ûguo nîkwa mairumaga.

Juda 1:8

Na njîra wata îo, andû arîa matonyete gatagatîrî kenyu nîmacûkangagia mîîrî yao vîndî îrîa magîa na cioneki. Nao nîmanyararaga wathani wa Ngai na makaruma ciûmbe cia îgûrû irîa irî riiri.

1Sam 24:10

Taroria, ûmûnthî we nîweyonera ûrîa Ngai-Mûnene arakûnenganîrîte kûrî nie kûu ngurungarî? Andû amwe akwa nîmambîraga ngûrage, nwatî nîngwîguîrîre ntha na nauga atî, ndingîgwîka ûûru wanarî vanini nîûndû Ngai-Mûnene nîakûthuurîte ûtuîke mûthamaki.

1Sam 24:6

Nake nîwerire andû ake atîrî, “Ngai-Mûnene arongiria nîguo ndigeeka mwathi wakwa ûndû mûcûku, nîûndû nî Ngai-Mûnene ûmûthuurîte atuîke mûthamaki! Ndiagîrîrwe nî kûmwîka ûndû mûcûku, nîûndû ke nîke mûthamaki ûrîa Ngai-Mûnene amûrîte!”

1Sam 26:9

Nwatî Daudi nîwerire Abishai atîrî, “Ndûkamûrage! Ngai-Mûnene nwa averithie mûndû wa wonthe ûrîa ûngîka mûthamaki ûrîa ke athuurîte ûûru.”