Ntha 22:26 - ÎVUKU RÎA ÛVORO MWARO

²⁶ Ûngîoca nguo ya mûndû atî nîguo akaamîkûûra, nwanginya ûmûcokerie riûa rîtarî rîthûu,

Ntha 22:26 ပူးပေါင်းရင်းမြစ်များ

Ayubu 22:6

Rîrîa wetirie umithio kuuma kûrî aa mûrwanyûkwe, nîkwa wamûrutire nguo agîtigwa arî njaga.

Ayubu 24:3

Macunaga ciana cia ndigwa mvuda ciao, mocaga ndegwa ya mûndûmûka wa ndigwa nginya rîrîa akarîva thirî wake.

Ayubu 24:7

Ûtukû wonthe mararaga matarî na gîa kwîguîka, vîndî ya mvevo matirî nguo cia gwîkîra.

Ayubu 24:9

Marutaga ciana cia ndigwa nyondorî cia ng'ina, na magoca ciana cia ngîa nginya rîrîa makaarîvwa thirî.

Ayubu 34:28

Kwoguo nîmaatûmire arîa athîni makaîra Ngai, nake Ngai nîweguire kîrîro Kîam arîa maavinyîrîrîtue.

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 34:7

Mûraika wa Ngai-Mûnene nîamenyagîrîra andû arîa magoocaga Ngai-Mûnene, na nîamavonokagia kuuma ûgwatirî.

Nthi 20:16

Oca nguo ya mûndû ûrîa ûrûngamîrîrîte mûndû mûgeni nîûndû wa thirî, na wîkare nayo nginya rîrîa mûndû ûcio mûgeni akaarîva thirî ûcio.

Nthi 22:27

Ethîrwa ndûrî na kîndû gîa kûrîva thirî nakîo, wana nwa ûcuunwe ûrîrî ûrîa ûmamagîra.

Ezek 18:16

na ndavinyagîrîria mûndû. Ke ndocaga kîndû nîguo agaakûrîrwa, ndacuunanaga, nwatî nîagaagîra arîa avûtu irio ciake, na arîa matarî na nguo cia gwîkîra nî amavecaga.

Ezek 18:7

ethîrwa ndavinyagîrîria mûndû wana ûrîkû, nîacokagia kîndû kîrîa eranîrîte kûrî mûndû ûrîa marî thirî nake, wana ndacuunaga andû indo ciao, nwatî nîavecaga arîa avûtu irio na arîa matarî na nguo akamava cia gwîkîra.

Ezek 33:15

kethîrwa mûndû ûcio mwaganu nwa acokie kîndû kîrîa eeranîre na acokie indo irîa acunanîte na vinya na acoke arûmîrîre watho, mûndû ûcio ndagaakua nwatî nîagaatûûra mwoyo.

Amosi 2:8

Mamamaga vakuvî na metha ya kîgongoona, na makamamîra nguo irîa macunîte athîni nîguo irûngamîrîre thirî wao. Manyunyagîra ndivei hekarûrî ya Ngai wao, îrîa matavîte andû maremwa nî kûrîva mathiirî.

Gûco 24:17

“Mûtikaime ageni kana ciana cia ndigwa kîvooto Kîamo, kana mwoce nguo ya mûndûmûka wa ndigwa îrî kîndû gîa kûrûngamîrîra kîndû kîrîa akovithîtue.

Gûco 24:6

“Rîrîa wakovithia mûndû kîndû, ndûgooce îthiga kana nthio yake, atî nîguo wîkare nayo nginya rîrîa akaarîva; nîûndû gwîka ûguo nî gûcuuna mûciî kîrîa mavaragîrîria gîa kûrîa nakîo nîguo matûûre mwoyo.