Ntha 22:20 - ÎVUKU RÎA ÛVORO MWARO

²⁰ “Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Ntha 22:20 ပူးပေါင်းရင်းမြစ်များ

1Atha 18:40

Elija nîwathire andû acio atîrî, “Nyitani arathi a Baali; na mûtikareke wanarî ûmwe wao aûra!” Nao andû nîmaanyitire arathi onthe a Baali, na Elija nîwaugire manyûrûrûkue karûnjîrî ga Kishoni na akîmaûragîra vo.

2Atha 10:25

Kwoguo rîrîa Jehu aarîkirie kûruta matega, nîwerire arangîri na anene atîrî, “Tonyani mûmaûrage onthe, na mûtikarekererie wanarî ûmwe aûre!” Nao nîmaatonyire makîmaûraga na magikia mîîrî yao nja ya hekarû. Nîmaacokire magîtonya vandû varîa vatheru va hekarû ya Baali

2Maû 15:13

Na mûndû wa wonthe ûkaarega kûgooca Ngai-Mûnene, Ngai wa Isiraeli, arî mwîthî kana mûkûrû, mûndûmûrûme kana mûndûmûka, nî akaaûragwa.

Ntha 23:9

“Ndûkanavinyîrîrie mûndû mûgeni. Mue nîmwicî ûrîa mûndû mûgeni egucaga nîûndû mwarî ageni vûrûrirî wa Misiri.

Ntha 32:8

Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.

Ntha 34:15

Mûtikaarûthe kîrîkanîro na andû a vûrûri ûcio, nîûndû vîndî îrîa makûgooca ngai ciao na makîirutagîra magongoona nwa mamwîte mûthiî mûkagwatanîre nao na mwavota kûgwa mageriorî wa kûrîa irio irîa itegeretwe ngai ciao.

Ezek 20:7

Naamerire matecanîrie maûndû marî mûgiro marîa meeriragîrua nî metho mao, na matige kwîgwatia gîko na mîvuanano ya kûgoocwa ya Misiri. Nie nînie Ngai-Mûnene, Ngai wao.

Alawi 17:7

Andû a Isiraeli matikethîrwa matarî evokeku kûrî Ngai-Mûnene rîngî na njîra ya kûragîra nyamû na kûu nja ya mûromo wa îgema marî magongoona ma ngoma ciîkariî ta mbûri. Andû a Isiraeli na njiarwa ciao nîmatûûra marûmagîrîra watho ûyû.

Alawi 19:33

“Mûtikavinyagîrîrie ageni arîa mûtûûranagia nao vûrûrirî wenyu.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Ndari 21:3

Ngai-Mûnene nîwathikîrîrie andû a Isiraeli, na akîmavotithia kûvoota Akanaani. Andû a Isiraeli nîmaacûkangirie Akanaani viû, wa vamwe na matûûra mao, na magîtuîra vandû vau rîîtwa Horima.

Gûco 10:18

Atucaga ciira wa aka a ndigwa na ciana cia ndigwa na kîvooto. Nîwendete ageni na nîamavecaga gîa kûrîa wana nguo.

Gûco 18:20

Nwatî mûrathi wa wonthe ûkeera andû ûndû ûmbîgiî ûrîa ndamwîrîte auge, kana arie na rîîtwa rîa ngai cia mîvuanano, nîagaakua.’

Gûco 23:8

Ciana ciao, kuuma rûciaro rwa kathatû kûthiî na mbere, nwa metîkîrue gûtonya kîûnganorî Kîam andû a Ngai-Mûnene.

Gûco 24:17

“Mûtikaime ageni kana ciana cia ndigwa kîvooto Kîamo, kana mwoce nguo ya mûndûmûka wa ndigwa îrî kîndû gîa kûrûngamîrîra kîndû kîrîa akovithîtue.