Ntha 22:1 - ÎVUKU RÎA ÛVORO MWARO

¹ “Mûndû angîîa ndegwa kana ng'ondu na amîûrage kana amîendie, nîakaarîva ndegwa ithano îthenya rîa ndegwa îo kana ng'ondu inya îthenya rîa ng'ondu îo.

Ntha 22:1 ပူးပေါင်းရင်းမြစ်များ

2Sam 12:6

Na nwanginya arîve kamwatî kau maita mana nîûndû wa gwîka gîîko ta kîu na nîûndû ndaarî na ntha.”

Ntha 21:36

Narîo kûngîmenyekana atî ndegwa ya mûndû ûcio îthîrîtwe îrî na mûtugo wa kûmundaga irîa ciîngî na mvîa igakua, nwatî mwene nîwaregire kûmîthaîka, mwene ndegwa îo nwanginya akaarîva ûcio ûragîrîtwe na ndegwa îngî îrî mwoyo na oce îo nguû îtuîke yake.

Nthi 14:4

Mûciî ûtarî ndegwa cia kûrîma makûmbî matiîthagîrwa marî na irio, nwatî mûciî ûrîa ûrî ng'ombe cia kûrîma kûrî irio nyîngî.

Nthi 6:31

Nwatî angînyitwa, nwanginya arîve indo icio aîîte maita mûgwanja, ke akaanenganîra indo cionthe irîa arî nacio.

Jeremia 2:34

Nguo ciaku irî na nthakame ya athîni matarî na mevia, ndwanamethîrîria makîvunja nyomba yaku, nwatî kûnarî ûguo,

Ezek 33:15

kethîrwa mûndû ûcio mwaganu nwa acokie kîndû kîrîa eeranîre na acokie indo irîa acunanîte na vinya na acoke arûmîrîre watho, mûndû ûcio ndagaakua nwatî nîagaatûûra mwoyo.

Ndari 5:7

mûndû ûcio nwanginya aumbûre mevia make na acoke arîve mûndû ûrîa avîtîrîtie îrîvi rîonthe, na acoke ongerere icunjî mîrongo îîrî îgûrû rîa îgana, anengere mûndû ûcio avîtîrîtie.

Luka 19:8

Nake Zakayo nîwaumîrire vau mbere yao onthe na akîîra Mwathani atîrî, “Tathikîrîria Mwathani! Nie nîngûva athîni nuthu ya indo ciakwa. Na angîthîrwa kûrî mûndû nanacuuna kîndû gîake, nîngûmûrîva maita mana ma kîo.”