Ntha 20:7 - ÎVUKU RÎA ÛVORO MWARO

⁷ “Ndûkagwete rîîtwa rîa Ngai-Mûnene, Ngai waku na îtherû, nîûndû nie Ngai-Mûnene ndikaauga atî mûndû ndevîtie ûrîa ûngwetaga rîîtwa na îtherû.

Ntha 20:7 ပူးပေါင်းရင်းမြစ်များ

Kîam 27:20

Nake Isaka nîwamûririe atîrî, “Mûvîcîwa, nîkwa wona nyamû ya kûraga na îvenya atîa?” Jakovu nîwacokerie Isaka atîrî, “Ngai-Mûnene, Ngai waku nîke ûndethirie namîona.”

1Atha 2:9

Nwatî nwanginya ûmûverithie. Nwanginya ûtûmîre ûûgî na wone nama atî nîwaûragwa.”

2Atha 5:20

Gehazi, ndungata ya Elisha nîwaugire atîrî, “Taroria, mwathi wakwa nîwarega kwamûkîra kîrîa Naamani aramûreterete na nîwamûrekereria athiî. Nevîta na Ngai-Mûnene ûrîa ûtûûraga mwoyo, atî nînîmûrûmîrîria na îvenya na mboce kîndû kuuma kûrî ke.”

Thaburi 139:20

Maragia maûndû ma waganu makwîgiî, na makaria maûndû macûku megiî rîîtwa rîaku.

Nthi 30:9

nîguo ndikavae ngûkaane, na mbûrie atîrî, “Ngai-Mûnene nîke û?” Kana nthîne na nthiî ngaîe njonorithie rîîtwa rîaku.

Jeremia 34:16

Nwatî nîmwacokire mûkîgarûrûka, na mûkîgwatia rîîtwa rîakwa mûgiro, vîndî îrîa mue muonthe mwacokire gwoca rîngî ngombo cia aka na arûme irîa mwarekereretie mûrî na wendi, na mûkîmatua ngombo cienyu rîngî.

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Ezek 39:7

Nîngamenyithia andû akwa a Isiraeli rîîtwa rîakwa rîtheru na ndigetîkîra rîîtwa rîu rîakwa rîtheru rîcambua rîngî. Nacio ndûrîrî nîikaamenya atî, nie nînie Ngai-Mûnene, ûrîa Mûtheru wa Isiraeli.”

Alawi 19:12

Mûtikanevîte na rîîtwa rîakwa rîrîa mûkûvenania, nîûndû kûu nî kûnyararithia rîîtwa rîakwa. Nie nînie Ngai-Mûnene, Ngai wenyu.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

2Akor 1:23

Nie nîreta Ngai mûira wakwa: nîaicî ngoro yakwa! Nînaaregire kûthiî Korinitho rîngî nîguo ndigatûme mûgîe na mathîna meengî.

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 5:11

“ ‘Ndûkanagwete rîîtwa rîa Ngai-Mûnene, Ngai waku na îtherû nîûndû Ngai-Mûnene, Ngai waku nîakaaverithia andû arîa magwetaga rîîtwa rîake na îtherû.

Gûco 6:13

Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

Jakuvu 5:12

Ariû na aarî a îthe wetû, îgûrû rîa maûndû monthe, mûtikanyue muma vîndî îrîa mûreranîra. Mûtikavûthîre rîîtwa rîa îgûrû, nthî kana kîndû kîngî wa kîonthe nîguo mwonanie ûrîa mûrauga. Vîndî îrîa mûrenda kuga îî, ugagani tu “Îî” na rîrîa mûrenda kuga naarî, ugagani “Naarî,” nîguo mûtigatuîrwe.

Josh 2:12

Kwoguo îîvîteni mbere ya Ngai-Mûnene atî nîmûgaatwîguîra ntha mûtûvonokie, nie na mûciî wetû wata ûguo namwîguîra ntha. Monia kîrîa gîgaatûma mbîtîkia.

Josh 2:17

Nao nîmeerire Rahabu atîrî, “Tue nîtûkûrûmîrîra ûguo we watûma twîranîre.

Josh 9:20

Nwanginya tûreke matûûre mwoyo nîûndû wa kîrîkanîro gîetû, na ethîrwa tîtwîka guo Ngai nîagûtûverithia.