Ntha 20:4 - ÎVUKU RÎA ÛVORO MWARO

⁴ “Ndûkanethondekere mûvuanano, kana mûvuanîre wa kîndû wa kîonthe kîrî îgûrû maturî, kana wa kîndû kîrî gûkû nthî, kana wa kîndû kîrî manjîrî marîa marî rungu rwa nthî.

Ntha 20:4 ပူးပေါင်းရင်းမြစ်များ

1Atha 12:28

Kwoguo mûthamaki nîwaûririe ûtaaro na akîrûtha mîvuanano îîrî ya tûcaû twa thaavu na akîra andû ake atîrî, “Nîmûthiîte Jerusalemu kûgoocera kuo îvinda îraca. Mue andû a Isiraeli, ino nîcio ngai cienyu irîa ciamûrutire Misiri!”

2Atha 17:12

na makîgooca mîvuanano îrîa Ngai-Mûnene aamakaanîtie akaamera atîrî, “Mûtigeke ûguo.”

2Maû 33:7

Nîwocire mîvuanano îrîa aaumîtie na akîmiga hekarûrî, kûrîa Ngai eerîte Daudi na mûvîcî Solomoni atîrî, “Gûkû Jerusalemu, hekarûrî îno nîkuo nthuurîte gatagatî ka mîvîrîga yonthe ya Isiraeli nîguo ndûûre ngoocagîrwa kuo tene na tene.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Thaburi 97:7

Andû onthe arîa magoocaga mîvuanano nî maconorithagua, arîa metîîaga na ngai cia maveeni; ngai cionthe ciînamagîrîria nthî ikagooca Ngai-Mûnene.

Ntha 20:23

Mûtikanerûthîre ngai cia mîvuanano cia sîlûva, kana cia thaavu cia kûgoocanagîrua nanie.

Ntha 32:1

Rîrîa andû a Isiraeli moonire atî Musa nîwekara mûno atacokete kuuma kîrîmarî, nîmaagomanire varî Aroni na makîmwîra atîrî, “Ûkîra ûtûrûthîre ngai îrîa îgaatûtongoragia nîûndû tûtiîcî ûrîa gwîkîkîte kûrî Musa ûrîa watûrutire vûrûri wa Misiri.”

Ntha 32:23

Maambîrire atîrî, ‘Tûticî ûrîa gwîkîkîte kûrî Musa ûrîa watûrutire kuuma vûrûri wa Misiri. Kwoguo tûrûthîre ngai cia gûtûtongoria.’

Ntha 32:4

Aroni nîwocire mindo icio kuuma kûrî o, akîirarûra na mwaki na akîrûtha mûvuanano wa ndegwa ya thaavu nacio. Nao nîmaaugire atîrî, “Andû a Isiraeli îno nîyo ngai yenyu îrîa yamûrutire vûrûri wa Misiri!”

Ntha 32:8

Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.

Ntha 34:17

“Mûtikaarûthe ngai cia gûtwekua na mwaki.

Isaia 42:17

Arîa onthe mevokete mîvuanano, arîa metaga mîvuanano ya kumua ngai ciao, nîmagaacokithua na maconorithue.”

Isaia 42:8

“Nie nînie Ngai-Mûnene rîu nîrîo rîîtwa rîakwa. Gûtirî wîngî ngaava riiri wakwa, kana mvecana ngumo yakwa kûrî mîvuanano ya kumua.

Isaia 45:16

Arîa onthe marûthaga mîvuanano nîmagaaconorithua, onthe magaaconorithua vamwe.

Ezek 20:7

Naamerire matecanîrie maûndû marî mûgiro marîa meeriragîrua nî metho mao, na matige kwîgwatia gîko na mîvuanano ya kûgoocwa ya Misiri. Nie nînie Ngai-Mûnene, Ngai wao.

Ezek 8:10

Nînatonyire ndaarî na ngîroria. Rûthingorî gwecûrîte mbica cia nyamû cionthe irîa ikurumaga na irî mûgiro na mîvuano îrîa andû a Isiraeli maagoocaga.

Ezek 8:3

Nîwakûnjûrire kîndû gîekariî ta njara akînyita njuîrî yakwa, nake Roho wa Ngai akîmbûkîrîria na îgûrû rîerarî na akîmvira Jerusalemu. Nîrî kîonekirî kîu Kîam Ngai, nonire amvira mûrangorî wa kîvingo Kîam ndaarî wa kîvaro ûrîa werekerete na mwena wa rûgûrû wa hekarû. Vau vaarî na mûvuanano watûmaga Ngai arakare.

Alawi 19:4

“Mûtikandiganîrie na mûgooce mîvuanano, kana mwîrûthîre ngai cia gûtwekua na mwaki. Nie nînie Ngai-Mûnene, Ngai wenyu.

Alawi 26:1

Ngai-Mûnene nîwerire andû a Isiraeli atîrî, “Mûtikerûthîre ngai cia mîvuanano kana mûvuanano wa îthiga rîrî riumie atî nîguo mûigoocage. Nie nînie Ngai-Mûnene, Ngai wenyu.

Ndari 12:8

Mbaragia nake metho kwa metho, na mbaragia cararûkû ndagûtûmîra nthimo. Ke nîwîcî ûrîa mvana! Mwaregire gwîtigîra nîkî mûkîaria maûndû macûku megiî ndungata yakwa Musa?”

Ciîko 17:29

Na nîûndû tue tûrî ciana cia Ngai, tûtiagîrîrwe nîgwîciria atî Ngai nî kîndû andû meciragîria kana mathondekaga kuumana na thaavu, sîlûva kana îthiga.

Aroma 1:23

Vandû va gûkumia Ngai ûrîa ûtûûraga tene na tene, Makumagia mîvuanano îrîa îthondeketwe îkariî ta andû arîa makucaga, iconi, nyamû, kana ta nyamû cia kîruka Kîam njoka.

Gûco 16:22

Ndûgatume mûvuanano wa gîtugî Kîam îthiga gîa kûgoocaga nîûndû Ngai-Mûnene Ngai wenyu nîathûrîte mîvuanano.

Gûco 27:15

“ ‘Kûnyitwa nî kîrumi nî mûndû ûrîa ûkaarûtha ngai ya mûvuanano na akamîgoocaga na nthitho. Ngai-Mûnene nîathûrîte ûgooci wa mîvuanano.’ “Nao andû onthe nîmakaauga, ‘Ameni!’

Gûco 5:8

“ ‘Ndûkerûthîre mîvuanano ya kîndû wa kîonthe kîrî îgûrû kana kîrî gûkû nthî, wana kana kîrî manjîrî.

Kûguû 16:2

Kwoguo mûraika wa mbere nîwathiîre na agîtûrûra kîrîa Kîamrî mbakûrirî yake kûu nthî. Nao andû arîa maarî na rûûri rwa nyamû na arîa magoocete mûviano wayo, nîmaagîre na ironda njûku na ciarî na ûrûrû mîîrîrî yao.

Kûguû 9:20

Nao andû acio engî mataakua na njîra ya mathîna mau mathatû, matiatigana na maûndû marîa o ene meethondekerete. Matiatiga kûgooca ndaimono, kana mîvuanano ya thaavu, ya sîlûva, gîcango, kana mathiga na mîtî. Mîvuanano îo ndîavotaga kwona, kwîgua kana kûthiî na magûrû.

Atir 17:3

Mika nîwacokerie ng'ina tûcunjî tûu ngiri îmwe na îgana twa sîlûva, nake ng'ina akîmwîra atîrî, “Nînyamûrîra Ngai-Mûnene sîlûva îno nîguo kîrumi gîtigakûgwate mûvîcîwa. Ikaavûthîrwa na kûthondeka mûvuanano wa kumua ûvakîtwe sîlûva kuonthe. Kwoguo rîu nîngûgûcokeria cio.”