Ntha 20:3 - ÎVUKU RÎA ÛVORO MWARO

³ “Ndûkagooce ngai îngî tiga Nie.

Ntha 20:3 ပူးပေါင်းရင်းမြစ်များ

1Atha 11:4

Vîndî îrîa Solomoni aakûrire, aka acio ake nîmaatûmire agarûrûke na agooce ngai cia kûndû kwîngî. Ke ndaarî mwîvokeku kûrî Ngai-Mûnene, Ngai wake ta ûrîa îthe Daudi eekariî.

Thaburi 29:2

Vani Ngai-Mûnene gîtîîo nîûndû wa riiri wa rîîtwa rîake. Goocani Ngai-Mûnene arî hekarûrî yake ntheru.

Thaburi 73:25

Nîûrîkû wîngî nîrî nake îgûrû tiga we? Gûkû nthî gûtirî kîndû mendete tiga we.

Thaburi 81:10

Nie nînie Ngai-Mûnene, Ngai wenyu, ûrîa wamûrutire vûrûri wa Misiri. Athamia tûnyua twenyu na nîngûmûva irio.

Thaburi 81:9

Mûtikaagîe na ngai ng'eni gatagatîrî kenyu. Mûtikagooce ngai îngî.

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Ntha 20:23

Mûtikanerûthîre ngai cia mîvuanano cia sîlûva, kana cia thaavu cia kûgoocanagîrua nanie.

Ntha 22:19

“Mûndû wa wonthe angîka maûndû ma ûûra nthoni na nyamû nwanginya akaaûragwa.

Ntha 23:24

Na mwakinya kuo mûtikanavoe ngai ciao kana mûigooce, na mûtikarûmîrîre mîtugo ya ndini ciao. Nîmûgaacûkangia ngai icio ciao na munange itugî ciao cia mathiga varîa magoocagîra.

Ntha 32:8

Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.

Ntha 34:14

“Mûtikaagooce Ngai wîngî, nîûndû Ngai-Mûnene ûrîa rîîtwa rîake arî ‘Wîru’, nî Ngai ûrî wîru.

Isaia 26:4

Îîvokage Ngai-Mûnene tene na tene, nîûndû Ngai-Mûnene, Ngai nî îthiga rîa ûgitîri tene na tene.

Isaia 42:8

“Nie nînie Ngai-Mûnene rîu nîrîo rîîtwa rîakwa. Gûtirî wîngî ngaava riiri wakwa, kana mvecana ngumo yakwa kûrî mîvuanano ya kumua.

Isaia 43:10

Ngai-Mûnene arauga atîrî, “Mue Aisiraeli mûrî aira akwa; namûthuurire mûtuîke ndungata ciakwa, nîguo mûûmenye na mûmbîtîkie, gûtirî ngai îngî tiga Nie. Na mûmenye atî nie nînie Ngai, gûtirî ngai îngî yarî kuo mbere yakwa na gûtikaagîa.

Isaia 44:8

Tigani kwîgua guoya, wana kana mwîtigîre! Na kinthî ndiamwîrire maûndû kuuma tene na ngîmumbûrîra mo? Na mue mûrî aira akwa. Nîkwa kûrî na ngai îngî tiga nie? Nî kûrî Îthiga rîngî; Nie ndiîcî rîngî.”

Isaia 46:9

Ririkanani maûndû marîa meekirwe tene; nîûndû Nie nînie Ngai na gûtirî wîngî, nie nînie Ngai na gûtirî wîngî tanie.

Jeremia 25:6

Mûtikarûmîrîre ngai ciîngî mûigooce kana mûitungatîre, wana kana mûndakarie nîûndû wa kûgooca mîvuanano îrîa mwerûthîre na njara cienyu. Mwathîkîra Ngai-Mûnene, ke ndakaamûverithia.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Danieli 3:18

Nwatî wana arega gûtûvonokia, Mwathi wetû tue tûtikenamîrîra tûgooce ngai ciaku, kana mûvuanano ûcio wa thaavu warûthithirie.”

Hosea 13:4

Ngai-Mûnene arauga atîrî, “Nînie Ngai-Mûnene Ngai wenyu, nînie namûrutire ûkomborî Misiri; mûtirî na Ngai wîngî tiga nie, na gûtirî ûngîvota kûmûvonokia tiga nie.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

Gûco 5:7

“ ‘Ndûkagooce ngai ciîngî tiga nie.

Gûco 6:14

Mûtikagooce ngai ciîngî, ngai cia andû arîa mûriganîtie nao.

Gûco 6:5

Endani Ngai-Mûnene, Ngai wenyu na ngoro yonthe na mwoyo wonthe, na vinya wenyu wonthe.

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

Akol 2:18

Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.

Kûguû 22:9

Nwatî ke nîwambîrire atîrî, “Tiga gwîka ûguo! Nie nîrî ndungata wa tawe wana ta arathi arîa etîkia wa vamwe na arîa engî onthe maarûmagîrîra ciugo cia îvuku rîîrî. Gooca Ngai arî ke!”

Atir 6:10

Naamwîrire atî, Nînie Ngai-Mûnene, Ngai wenyu na mûtikagooce ngai cia Aamoni, arîa ene vûrûri ûyû mûtûîre. Nwatî mûtianthikîrîria.’ ”