Ntha 20:24 - ÎVUKU RÎA ÛVORO MWARO

²⁴ Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Ntha 20:24 ပူးပေါင်းရင်းမြစ်များ

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

2Sam 6:12

Mûthamaki Daudi nîwegwire, atî Ngai-Mûnene nîarathimîte Obedi-edomu na kîrîa kîonthe arî nakîo vamwe na andû onthe a mûciî wake nîûndû wa îthandûkû rîa kîrîkanîro. Kwoguo nîwathiîre akîruta îthandûkû rîa kîrîkanîro mûciî kwa Obedi-edomu na akîrîvira îtûûrarî rîa Daudi na gîkeno kînene mûno.

1Atha 8:29

Menyagîrîra hekarû îno ûtukû na mûthenya. Vandû ava nîwe wathuurire nîguo ûgoocagîrwe vo. Thikagîrîria mavoya makwa vîndî îrîa ngûvoya nîrî hekarûrî îno.

1Atha 8:43

nakûthaitha ûkaamûthikîrîria ûrî îgûrû kûrîa ûtûûraga na ûkaamûvingîria ûrîa agaakûûria, nîguo andû onthe a gûkû nthî makûmenye na makwathîkîre ta ûrîa andû aku a Isiraeli mekaga. Nîmagaacoka mamenye atî nyomba îno ndumîte îtanîtue na rîîtwa rîaku.

1Atha 9:3

Ngai-Mûnene nîwerire Solomoni atîrî, “Nîmbîguîte îvoya rîaku wana îthaithana rîaku. Nînamûra nyomba îno ûndumîrîte nîguo ndûûre ngoocagîrwa kuo tene na tene. Nîndûûra nîmîgitîrîte na nîmîmenyererete vîndî cionthe.

2Atha 5:17

Naamani nîwacokire akîra Elisha atîrî, “Ethîrwa tîwamûkîra kîveo gîakwa, nakûthaitha wîtîkîrie mvewe mûthetu ûngîkuuwa nî nyûmbû igîrî nthiî naguo mûciî, nîûndû kuuma rîu kûthiî na mbere ndikaaruta magongoona mengî kana matega ma kûvîvua kûrî ngai îngî tiga Ngai-Mûnene.

2Maû 12:13

Rehoboamu nîwatuîkire mûthamaki wekindîrîtie Jerusalemu. Aatuîkire mûthamaki arî na ûkûrû wa mîaka mîrongo îna na ûmwe (41). Aathamakire îvinda rîa mîaka îkûmi na mûgwanja (17) arî Jerusalemu, îtûûra rîrîa Ngai-Mûnene aathuurîte gatagatîrî ka mîvîrîga yonthe vûrûrirî wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma vûrûrirî wa Aamoni.

2Maû 6:6

Nwatî rîu nînthuurîte îtûûra rîa Jerusalemu rîtuîke vandû varîa ngaagoocagîrwa na nînthuurîte Daudi atuîke mûtongoria wa andû akwa, Aisiraeli.’ ”

2Maû 7:16

nîûndû nî nthuurîte na ngamûra hekarû îno nîguo rîîtwa rîakwa rîtûûrage kuo na nîndûûra nîmîgitagîra na nîmîendete tene na tene.

Ezira 6:12

Nake Ngai ûrîa wathuurire Jerusalemu vatuîke vandû varîa akagoocagîrwa arogarûra mûthamaki kana vûrûri ûrîa ûkaarega kwathîkîra watho ûyû kana ûrîa ûngîcûkangia nyomba îno ya Ngai îrî Jerusalemu. Nie Dario mûthamaki nînie naruta watho ûcio. Naguo nwanginya wathîkîrwe wonthe.”

Nehemia 1:9

Nwatî mûngîkaanjokerera na mwathîkîre maathani makwa na mwîkage ûrîa maugîte, nîngaamûcokia vandû varîa nthuurîte va kûngoocagîra, wana ethîrwa mûnyaganîtie mûgakinya mîthiiarî yonthe ya nthî.’

Thaburi 101:2

Nîngwîmenyerera ndûûre ndarî na ûcuke. Ûgaaûka kûrî nie rî? Nîngûtûûra nyombarî yakwa nîrî na ngoro ntheru,

Thaburi 122:2

Rîu nîkuo tûrûngamîte, ivingorî ciaku, we Jerusalemu!

Thaburi 128:5

Ûguo nîguo mûndû ûrîa wîtigîrîte Ngai-Mûnene akaarathimagwa! Arotûma wonage mûnyaka wa Jerusalemu, ûtûûrorî waku wonthe!

Thaburi 134:3

Ngai-Mûnene ûrîa waûmbire îgûrû na nthî, aromûrathima arî Zayuni!

Thaburi 74:7

Nîmaavîvirie hekarû yaku na mwaki; na makîvaka mûgiro vandû varîa ûgoocagîrwa.

Thaburi 76:2

Mûciî wake ûrî Jerusalemu; atûûraga Kîrîmarî gîa Zayuni.

Thaburi 78:68

Vandû va ûguo aathuurire mûvîrîga wa Juda, Kîrîma Kîam Zayuni kîrîa endete.

Ntha 10:25

Nake Musa nîwamûcokerie atîrî, “Nwanginya ûtwîtîkîrie tûthiî na nyamû cia kûrutîra Ngai-Mûnene Ngai wetû magongoona na cia magongoona ma kûvîvua.

Ntha 18:12

Nake Jethiro, mûthoniwe wa Musa nîwarutire indo cia matega ma kûvîvua na magongoona mengî ma kûrutîra Ngai. Aroni na atongoria onthe a Isiraeli nîmaathiîre kûrîa irio vamwe na Jethiro marî mbere ya Ngai-Mûnene.

Ntha 20:25

Na mûngîndumîra metha ya kîgongoona ya mathiga, ndîgaatumwe na mathiga marî maumie. Nîûndû mwaumia mathiga na ngeca mûkaamagwatia mûgiro.

Ntha 24:4

Nake Musa nîwandîkire maûndû monthe marîa Ngai-Mûnene aamwathîte. Mûthenya ûcio wîngî kîraûko tene Musa nîwaramûkire na agîtuma metha ya kîgongoona nthî ya kîrîma na akînjîra itugî îkûmi na igîrî kûringana na mîvîrîga îrîa îkûmi na îîrî ya andû a Isiraeli.

Ntha 24:5

Musa nîwacokire agîtûma anake a Isiraeli, na makîrutîra Ngai-Mûnene matega ma kûvîvua na ng'ombe îmwe nîûndû wa magongoona ma thayû.

Ntha 27:1

“Ûgaatuma metha ya kîgongoona ya mûtî wa mûgaa. Metha îo ya kîgongoona îthîrwe îganene mîena yonthe; wariî wa mita igîrî na inji igîrî, na ûraca wa mita igîrî na inji igîrî. Naguo ûraca na îgûrû îthîrwe îrî ya mita îmwe na inji ithatû.

Isaia 64:5

We nîwamûkagîra andû arîa mekaga maûndû ma ûthingu makenete, arîa makûririkanaga na marûmagîrîra njîra ciaku. We nîwarakarire nîtue, nwatî nîtwathiîre na mbere kwîvia; wana ethîrwa nîwarakarire mûno nîtue, tûtwîre twîvagia kuuma tene.

Alawi 17:9

vandûrî vengî tiga mûromorî wa îgema rîa Ngai-Mûnene nîakaamûranua na andû a Ngai.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Mathaayo 18:20

Nîûndû varîa andû aîrî kana athatû magomanîte nîûndû wa rîîtwa rîakwa, ngeethagîrwa nîrî vamwe nao.”

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:21

Ethîrwa vandû varîa Ngai-Mûnene Ngai wenyu akaathuura va kûgoocagîrwa nî varaca na kûrîa mûrî, nwa mûrage nyamû kuuma ndîthiarî yenyu ya ng'ombe kana ng'ondu irîa Ngai-Mûnene amûveete, na mûrîe nyama ciacio mûrî matûûrarî menyu wa rîrîa mûngîenda.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

Gûco 14:23

Thiîcagani vandû varîa Ngai-Mûnene Ngai wenyu akaathuura va kûgoocagîrwa na mûrîcagîre gîcunjî kîu gîa îkûmi Kîam ngano, ndivei, maguta ma ndamaiyû na marikithathi ma ng'ombe na ma ng'ondu cienyu mûrî vau mbere yake. Îkagani ûguo nîguo mwîrute gûtîîaga Ngai-Mûnene Ngai wenyu vîndî cionthe.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Gûco 26:2

wa mûndû nîagooca maketha mamwe ma mbere ma indo cionthe irîa akethîrwa akethete vûrûrirî ûrîa Ngai-Mûnene, Ngai wenyu akûmûva, amekîre gîkavurî na amavire varîa Ngai-Mûnene, Ngai wenyu athuurîte va kûgoocagîrwa.

Gûco 7:13

Akaamwendaga, amûrathimage, na atûme mwongerereke mûtuîke rûrîrî rûnene. Ngai-Mûnene nîakaarathima ciana cienyu na mîgûnda yenyu, na maciaro ma mîgûnda yenyu nîguo mwîthagîrwe mûrî na ndivei na maguta, na amûrathime na ng'ombe na ng'ondu nyîngî. Ngai-Mûnene nîakaamûrathima na indo icio cionthe mûrî vûrûrirî ûrîa eerîre methe menyu atî nîakaamûva.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.