Ntha 20:2 - ÎVUKU RÎA ÛVORO MWARO

² “Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 20:2 ပူးပေါင်းရင်းမြစ်များ

1Atha 18:39

Rîrîa andû onthe moonire ûguo, nîmegwîthirie maturumithîtie mothiû mao nthî na makîanîrîra atîrî, “Ngai-Mûnene nîke Ngai! Ngai-Mûnene nîke Ngai!”

2Atha 17:12

na makîgooca mîvuanano îrîa Ngai-Mûnene aamakaanîtie akaamera atîrî, “Mûtigeke ûguo.”

2Atha 17:7

Samaria yathirire vinya nîûndû andû a Isiraeli nîmeevîtie mbere ya Ngai-Mûnene Ngai wao, ûrîa wamarutire vûrûrirî wa Misiri na wamavonoketie kuuma kûrî Faraû mûthamaki wa Misiri, na makagooca ngai ciîngî.

2Maû 28:5

Kwoguo Ngai-Mûnene, Ngai wake nîwamûrekererie na akîvootwa nî mûthamaki wa Sîria. Mûthamaki wa Sîria nîwacokire akînyita andû eengî a Juda na akîmavira Damesiki marî mîgwate. Mûthamaki Ahazi nwa warekererue kûrî mûthamaki wa Isiraeli, ûrîa wamûvootire na akîûraga andû eengî mûno a Juda.

Thaburi 50:7

“Tathikîrîriani mue andû akwa, ûrîa nîrauga! Nîngûruta ûira îgûrû rîaku, we Isiraeli. Nie nînie Ngai, Ngai waku.

Thaburi 81:10

Nie nînie Ngai-Mûnene, Ngai wenyu, ûrîa wamûrutire vûrûri wa Misiri. Athamia tûnyua twenyu na nîngûmûva irio.

Thaburi 81:11

“Nwatî andû akwa matianthikîrîria; Isiraeli matiambathîkîra.

Thaburi 81:7

Vîndî îrîa mwarî mathînarî nîmwangaîre na ngîmûvonokia. Naamûcokerie nîîthithîte mûgamborî wa ngwa. Naamûgererie manjîrî ma Meriba.

Ntha 13:14

Ethîrwa kavinda nîgagaakinya anake enyu mamûrie ûndû ûyû mûreka wa gûkûngûîra ugîte atîa, nîmûkaamera atî, ‘Ngai-Mûnene nîwatûmîre vinya wake mûnene agîtûruta Misiri kûrîa twatûûraga tûrî ngombo.

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 15:13

Na ûndû wa wendo waku ûtathiraga, nîwatongoririe andû arîa we wakûûrîte; na njîra ya vinya waku nîwamonererie kûrîa we wamûrîte.

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 20:1

Ngai nîwaririe ciugo ino cionthe akiuga atîrî,

Ntha 29:46

Nao nîmakaamenya atî nînie Ngai-Mûnene, Ngai wao, ûrîa wamarutire vûrûri wa Misiri nîguo ngaatûûra gatagatîrî kao. Nie nînie Ngai-Mûnene, Ngai wao.”

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Isaia 43:3

Nîûndû nie nînie Ngai-Mûnene Ngai wenyu, Ûrîa Mûtheru wa Isiraeli, mûvonokia wenyu. Nîngûvecana îrîvi Misiri nîguo ngûkûûre, nîngûvecana Ethiopia na Seba nîguo mûrekererue.

Jeremia 16:14

Ngai-Mûnene arauga atîrî, “Îvinda nîrîgûkinya rîrîa andû matakevîta na rîîtwa rîakwa nie Ngai ûrîa ûtûûraga mwoyo, ûrîa warutire andû a Isiraeli vûrûrirî wa Misiri.

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Jeremia 31:1

Ngai-Mûnene arauga atîrî, “Îvinda rîu nîngatuîka Ngai wa mîvîrîga yonthe ya Isiraeli nao nîmagaatuîka andû akwa.”

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Jeremia 34:13

“Rîrîa narutire methe menyu vûrûrirî wa Misiri kûrîa maarî ngombo, nînarûthire kîrîkanîro nao ngîmera:

Ezek 20:19

Nie Ngai-Mûnene nî Ngai wenyu, rûmagîrîrani mawatho makwa na mwathîkagîre irîra ciakwa,

Ezek 20:5

Meere Ngai-Mûnene augîte atî, mûthenya ûrîa nie naathuurire andû a Isiraeli nîneranîre na mwîvîtwa kûrî njiarwa cia Jakovu na ngîîmenyithania kûrî o marî vûrûrirî wa Misiri. Nevîtire kûrî o ngiuga atî nie nînie Ngai-Mûnene Ngai wenyu.

Ezek 20:7

Naamerire matecanîrie maûndû marî mûgiro marîa meeriragîrua nî metho mao, na matige kwîgwatia gîko na mîvuanano ya kûgoocwa ya Misiri. Nie nînie Ngai-Mûnene, Ngai wao.

Hosea 12:10

Nie nînaririe na arathi; nînie namaveere cioneki nyîngî na njîra yao, nînîranîrîra mûvango wakwa.

Hosea 13:4

Ngai-Mûnene arauga atîrî, “Nînie Ngai-Mûnene Ngai wenyu, nînie namûrutire ûkomborî Misiri; mûtirî na Ngai wîngî tiga nie, na gûtirî ûngîvota kûmûvonokia tiga nie.

Alawi 11:45

Nînie Ngai-Mûnene ûrîa wamûrutire vûrûrirî wa Misiri nîguo nduîke Ngai wenyu. Kwoguo nwanginya mwîthîrwe mûrî atheru nîûndû Nie nîrî mûtheru.”

Alawi 19:36

Tûmagîrani ithimi cia ma. Nie nînie Ngai-Mûnene Ngai wenyu, ûrîa wamûrutire vûrûrirî wa Misiri.

Alawi 23:43

nîguo njiarwa cienyu imenye atî Nie Ngai-Mûnene nînie naatûmire andû a Isiraeli matûûre tûnyombarî rîrîa naamarutire vûrûri wa Misiri. Nie nînie Ngai-Mûnene, Ngai wenyu.

Alawi 25:38

Nie nînie Ngai-Mûnene, Ngai wenyu, ûrîa wamûrutire vûrûri wa Misiri nîguo nîmûve vûrûri wa Kanaani nîguo nduîke Ngai wenyu.

Alawi 25:42

Andû a Isiraeli nî ngombo ciakwa, na nînie naamarutire vûrûri wa Misiri. Matiagîrîrwe nî kwendua marî ngombo.

Alawi 25:55

Kwoguo andû a Isiraeli nî akwa, nî ndungata ciakwa irîa naarutire vûrûri wa Misiri. Nie nînie Ngai-Mûnene, Ngai wenyu.”

Alawi 26:1

Ngai-Mûnene nîwerire andû a Isiraeli atîrî, “Mûtikerûthîre ngai cia mîvuanano kana mûvuanano wa îthiga rîrî riumie atî nîguo mûigoocage. Nie nînie Ngai-Mûnene, Ngai wenyu.

Alawi 26:13

Nie nînie Ngai-Mûnene, Ngai wenyu, ûrîa wamûrutire vûrûri wa Misiri nîguo mûtigatuîke ngombo ciao rîngî. Nînaamwovorire mînyororo îrîa mwovetwe nayo na ngîtûma mûthiîcage mûrî na wîyathi.”

Amosi 2:10

Nînacokire ngîmûruta vûrûri wa Misiri, ngîmûtongoria werûrî mîaka mîrongo îna, nîguo mûkegwatîre vûrûri wa Amori.

Aroma 10:12

Nîûndû gûtirî ngûrani gatagatîrî ka Mûyahudi na mûndû wa Ndûrîrî. Ngai nî Mwathani wa andû onthe na nîavecanaga irathimo ciake nyîngî kûrî andû onthe arîa mamûkaagîra.

Aroma 3:29

Kana Ngai nî Ngai wa Ayahudi tu? Kinthî tî Ngai wa andû a Ndûrîrî wa nao? Nîma Ke nî Ngai wa andû a Ndûrîrî wa nao.

Gûco 13:10

Nîmûkaamûraga na mathiga nîûndû nîageretie kûmûgucîrîria mûtige kûgooca Ngai-Mûnene Ngai wenyu ûrîa wamûrutire vûrûrirî wa Misiri kûrîa mwarî ngombo.

Gûco 15:15

Ririkanani mwarî ngombo vûrûrirî wa Misiri, na Ngai-Mûnene Ngai wenyu nîwamûkûûrire kuo. Kîu nîkîo kîratûma nîmwathe ûguo ûmûnthî.

Gûco 20:1

“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Gûco 5:15

Ririkana atî vîndî îmwe warî Ngombo vûrûrirî wa Misiri, na Ngai-Mûnene, Ngai waku nîwakûrutire kuo na vinya na wathani na nî kîo Ngai-Mûnene, Ngai waku arakwatha ûkûngûagîre mûthenya wa thavatû.

Gûco 5:6

‘Nie, nînie Ngai-Mûnene, Ngai wenyu ûrîa wamûrutire vûrûri wa Misiri, kûrîa mwarî ûkomborî.

Gûco 7:8

Nwatî aamûthuurire nîûndû wa kûmwenda na kûvingia mwîvîtwa wake kûrî methe menyu. Kîu nîkîo gîatûmire amûvonokie na vinya wake mûnene na akîmûkûûra kuuma ûkomborî wa mûthamaki wa Misiri.

Atir 2:1

Mûraika wa Ngai-Mûnene nîwathiîre Bokimu aumîte Giligali na akîra Aisiraeli atîrî, “Naamûrutire Misiri na ngîmûrete vûrûrirî ûrîa nerîîre methe menyu ma tene na mwîvîtwa atî nîngaamava. Naugire ndikauna kîrîkanîro gîetû namue.

Atir 6:10

Naamwîrire atî, Nînie Ngai-Mûnene, Ngai wenyu na mûtikagooce ngai cia Aamoni, arîa ene vûrûri ûyû mûtûîre. Nwatî mûtianthikîrîria.’ ”