Ntha 20:13 - ÎVUKU RÎA ÛVORO MWARO

¹³ “Ndûkaûragane.

Ntha 20:13 ပူးပေါင်းရင်းမြစ်များ

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

2Maû 24:22

Mûthamaki Joashi nîwariganîrîtwe nî maûndû maro marîa eekîrîtwe nî Jehoiada, îthe wa Zekaria na nîwaûragithirie Zekaria. Zekaria agîtuîkana nîwaugire atîrî, “Ngai-Mûnene aroîtîkîra kwona ûguo mweka na andîvîrîrie!”

Ntha 21:12

“Mûndû angîringa mûndû wîngî na amûrage, wanake nîkaûragwa.

Ntha 21:14

Nwatî mûndû angîrakara na aûrage mûndû wîngî, ke nî akaaûragwa wana angîthîrwa nî aûrîte akathiî metharî yakwa ya kîgongoona nîguo ndakaûragwe.

Ntha 21:20

“Mûndû angîringa ngombo yake ya mûndûmûrûme kana mûndûmûka na mûragi na îkue wa rîo, mûndû ûcio nwanginya akaaverithua.

Ntha 21:29

Nwatî ethîrwa ndegwa îo nîkwa îrî na mûtugo wa kûmundaga andû na mvîa na mwene yo nîwakaanirue na akîrega kûmîthaîka na îcoke yûrage mûndûmûrûme kana mûndûmûka, nîkaarivwa na mathiga îkue. Na mwene yo wanake nîakaaûragwa.

Ntha 23:7

Ndûkanarie ûira wa maveeni ciirarî, na ndûkanaûragithie mûndû ûtarî na mavîtia, nîûndû nîngaatuîra mûndû wa wonthe wîkaga waganu ta ûcio.

Nthi 1:11

Mangîkwîra atîrî, “Ûka tûthiî tûkethithîre andû tûmaûrage, tûthiî tûkovere andû matarî na mavîtia gûtarî na gîtûmi!

Nthi 1:18

Nwatî andû ta acio methithagîra andû, meyûragaga o ene, meyovagîra o ene na makeyûraga.

Isaia 26:21

Nîûndû Ngai-Mûnene nîagaaûka kuuma îgûrû kûrîa ekaraga aûke averithie andû nîûndû wa mavîtia mao. Nayo nthî nîkaaumbûra arîa maaûragirwe na ndîkaathitha rîngî arîa maaûragirwe.

Jeremia 26:15

Nwatî menyani nama atî mwambûraga, mue na îtûûra rîîrî rîonthe atî nîmûgûcokererwa nî nthakame ya mûndû ûtarî na mavîtia, nîûndû nama nî Ngai-Mûnene wandûmire mbarie ciugo ino mûkîgucaga.”

Alawi 24:17

“Mûndû wa wonthe ûkaaûragana nwanginya akaaûragwa,

Alawi 24:21

Mûndû ûrîa ûkaaûraga nyamû nwanginya akaamîrîva na îngî, nwatî mûndû ûrîa ûkaaûraga mûndû ûrîa wîngî nwanginya akaaûragwa.

Mathaayo 19:18

Nake mûndû ûcio nîwaûririe Jesû atîrî, “Nî maathani marîkû?” Nake Jesû nîwamûcokerie atîrî, “Ndûkaûragane, ndûkatharanie, ndûkaîe, ndûkaigîrîre mûndû kîng'enyo,

Maariko 10:19

We nîwîcî maathani ma Ngai: ‘Ndûkanaûragane; ndûkanatharanie; ndûkanaîe; ndûkanaigîrîre mûndû kîng'enyo; ndûkanaveenanie; tîîa aguo na nyûkwe.’ ”

Luka 18:20

We nîwîcî maathani maugîte atî: ‘Ndûkanatharie; ndûkanaûragane; Ndûkanaîe; ndûkanaigîrîre mûndû ûrîa wîngî kîng'enyo; na ûtîîe aguo na nyûkwe.’ ”

Ciîko 16:28

Nwatî Paûlo nîwaugîrîrie na mûgambo mûnene akiuga atîrî, “We tiga gwîîka naaî! Tue tuonthe tûrî kuo!”

Ciîko 28:4

Rîrîa andû arîa maatûûraga kuo moonire njoka îo îîrigicîrîtie njararî ya Paûlo, nîmeeranire atîrî, “Nwanginya mûndû ûyû ethîrwe nî mûûragani. Wana ethîrwa ndanakuîra îriarî, ûma ndûngîmwîtîkîria atûûra mwoyo.”

Aroma 13:9

Maathani maugîte atîrî, “Ndûkatharanie, ndûkaûragane, ndûkaîe na ndûkerirîrie kîndû kîene.” Maathani mama monthe na marîa mengî monthe mavingagua na rîathani rîmwe tu, atî: “Enda mûndû ûrîa mûriganîtie nake wata ûrîa wîendete we mwene.”

Agal 5:21

Rwetho, ûrîu na gwîka ciîko cia gwîkenia nîûndû wa kûrîwa, na gwîka maûndû mengî ma mîthemba ta îo. Nîngûmûkaania wata ûrîa naamûkanirie wa rîngî, atî andû arîa mekaga maûndû ta mau matikagaa ûthamaki wa Ngai.

Gûco 5:17

“ ‘Ndûkaûragane.

1Tim 1:9

Nîmwîcî atî watho ndwatuirwe nîûndû wa andû arîa aro, nwatî watuirwe nî ûndû wa andû arîa maunaga watho, arîa aganu, arîa matecî Ngai, arîa evia, arîa matavoyaga Ngai na maragia ûcûku wake, arîa maûragaga aciari ao na aûragani.

Jakuvu 2:11

Nîûndû ûrîa waugire “Ndûkanatharanie” nwake waugire “Ndûkanaûragane.” Kwoguo ethîrwa ndûtharanîtie na nî ûraganîte nî unîte watho.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.