Ntha 20:12 - ÎVUKU RÎA ÛVORO MWARO

¹² “Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Ntha 20:12 ပူးပေါင်းရင်းမြစ်များ

Kîam 48:12

Josefu nîwathengutirie ciana icio kuuma ciaûrî cia Jakovu na akînamîrîria agîturumithia ûthiû wake vau mbere yake.

Kîam 50:12

Kwoguo avîcî a Jakovu nîmeekire wata ûrîa amaathîte.

1Atha 2:19

Kwoguo Bathisheba nîwathiîre kûrî mûthamaki Solomoni kwaria nake vandûrî va Adonija. Mûthamaki nîwarûngamire, agîkethia ng'ina na akînamîrîria ûthiû mbere yake. Nîwacokire agîkarîra gîtî gîake Kîam ûthamaki na akiuga gîtî kîngî kîretwe kîrîa ng'ina eekarîre mwena wake wa ûrîo.

2Atha 2:12

Elisha nîwonire gîkaari kîu na akiugîrîria atîrî, “Ûûi vava, ûûi vava! Mûndû ûrî vinya, ûrîa ûrûagîrîra Isiraeli! Nîwathiî!” Nwatî Elisha ndaacoka kwona Elija rîngî. Elisha nîwacokire akîgwata nguo ciake ke mwene na agîitembûrania icunjî igîrî.

Ntha 21:15

“Mûndû angîringa îthe kana ng'ina nwanginya akaaûragwa.

Ntha 21:17

“Mûndû angîruma îthe kana ng'ina nwanginya akaaûragwa.

Nthi 15:5

Mûndû kîrimû nîareganaga na kîrîra Kîam îthe; nwatî mûndû ûrîa wîtîkagîra rîrîa akûrutwa mavîtia nî ethagîrwa arî mûûgî.

Nthi 17:6

Andû arîa akûrû nî makenaga rîrîa makwona ciana cia ciana ciao, wata ûrîa ciana ikenaga ikîona aciari a cio.

Nthi 20:20

Mûndû ûrîa ûrumaga îthe kana ng'ina, ûtûûro wake ûthiraga ta taa îvorete vîndî ya nduma.

Nthi 28:24

Mûndû ûrîa wîaga indo cia îthe kana ng'ina akînauga atîrî, “Mau tî mavîtia;” ndarî ngûrani na aîi arîa engî.

Nthi 3:16

Ûûgî ûvecaga mûndû ûtûûro mûraca, na nîûvecaga mûndû ûtonga na gîtîîo.

Nthi 30:11

Kûrî andû marumaga methe na maticokagia ngatho kûrî aa ng'ina.

Nthi 30:17

Mûndû ûrîa ûnyararaga îthe, na akarega kwathîkîra ng'ina, akaarîwa nî ikûngûrû na ndiiû.

Jeremia 35:18

Nwatî Jeremia nîwerire njiarwa cia Rekabu atî Ngai-Mûnene mwene vinya wonthe, Ngai wa Isiraeli augîte atîrî, “Mue njiarwa cia Rekabu nîmwathîkîrîte maathani ma îthe wenyu, nîmûrûmîrîrîte kîrîra gîake na mûkavingia maûndû marîa monthe aamwathire.

Jeremia 35:7

Mûtigatuma nyomba, mûtikarîma mîgûnda na mûtikethîrwa na mûgûnda wa mîthavibu. Nwatî mûgatûûraga magemarî ûtûûrorî wenyu wonthe nîguo mûtûûre vîndî ndaca vûrûrirî ûyû mûtûûraga mûrî ageni.’

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Alawi 19:3

Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Alawi 19:32

“Vecagani andû arîa akûrû gîtîîo, na mûmbathîkagîre; Nie nînie Ngai-Mûnene.

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Mathaayo 19:19

tîîa aguo na nyûkwe na wende mûndû ûrîa mûtûûranîrîte nake wata ûrîa we wîyendete.”

Maariko 10:19

We nîwîcî maathani ma Ngai: ‘Ndûkanaûragane; ndûkanatharanie; ndûkanaîe; ndûkanaigîrîre mûndû kîng'enyo; ndûkanaveenanie; tîîa aguo na nyûkwe.’ ”

Maariko 7:10

Nîûndû Musa nîwaugire atîrî, ‘Tîîa aguo na nyûkwe!’ Wana rîngî akiuga atîrî, ‘Mûndû ûrîa ûnyararaga îthe kana ng'ina arokua.’

Luka 18:20

We nîwîcî maathani maugîte atî: ‘Ndûkanatharie; ndûkanaûragane; Ndûkanaîe; ndûkanaigîrîre mûndû ûrîa wîngî kîng'enyo; na ûtîîe aguo na nyûkwe.’ ”

Aefeso 5:21

Athîkanagîrani mûndû na ûrîa wîngî nîûndû wa ûrîa mûtîîte Kristû.

Gûco 11:8

“Vîndî îtarî ndaca nîmûkûringa rûnjî rwa Jorodani, na mwona mwathîkîra maathani monthe marîa ngûmûva ûmûnthî, nî mûkûgîa na vinya wa kwîgwatîra vûrûri ûcio mûthiîte gûtonya.

Gûco 11:9

Namue nîmûgaatûûra kavinda karaca vûrûrirî ûcio wîcûrîte îriia na ûûkî, vûrûri ûrîa Ngai-Mûnene eerîrîre methe menyu wa vamwe na njiarwa ciao atî nîakaamava.

Gûco 21:18

“Ethîrwa mûndû arî na mwana mûmû kîongo na mûremi na ûtathîkagîra îthe kana ng'ina wana mamûverithia,

Gûco 25:15

Tûmagîrani ithimi irîa mbagîrîru na cia ma, nîguo mûtûûre mîaka mîngî vûrûrirî ûrîa Ngai-Mûnene, Ngai wenyu akûmûva.

Gûco 27:16

“ ‘Kûnyitwa nî kîrumi nî mûndû ûrîa ûtatîîaga îthe kana ng'ina.’ “Nao andû onthe nîmakaauga, ‘Ameni!’

Gûco 32:47

Nîûndû tî ciugo ntheri irî mawathorî mama, nwatî nî mûtûûrîre wenyu. Mathîkagîreni na nîmûgûtûûra vîndî ndaca vûrûrirî ûrîa mûthiîte kwîgwatîra mûringo wa rûnjî rwa Jorodani.”

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Gûco 5:33

Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

Gûco 6:2

Mavinda monthe marîa mue na njiarwa cienyu mûgûtûûra mwoyo, mûgetigagîra Ngai-Mûnene, Ngai wenyu na mwathîkagîre irîra ciake cionthe na mawatho marîa ngûmûva, nîguo mûtûûre îvinda îraca vûrûrirî ûcio ngûmûva.

Akol 3:20

Namue ciana, athîkagîrani aciari enyu vîndî cionthe, nîûndû ûguo nîguo ûkenagia Ngai.

Ruthu 3:6

Kwoguo Ruthu nîwathiîre îtîrirî na agîka wata ûrîa nyaciarawe aamwîrîte.

1Sam 22:3

Daudi nîwaumire kûu na akîthiî Mizipa vûrûrirî wa Moabu na akîra mûthamaki wa Moabu atîrî, “Nîrakûthaitha wîtîkîrie vava na nyanya mekare gûkû gwaku nginya rîrîa ngaamenya ûrîa Ngai akwenda nanie.”