Ntha 20:11 - ÎVUKU RÎA ÛVORO MWARO

¹¹ Nîûndû Nie Ngai-Mûnene naaûmbire îgûrû, nthî, na îria wana indo cionthe irîa irî kuo na mîthenya îtandatû, na mûthenya wa mûgwanja ngîvurûka. Kwoguo Nie Ngai-Mûnene nînaarathimire mûthenya wa thavatû na ngîûtua mûtheru.

Ntha 20:11 ပူးပေါင်းရင်းမြစ်များ

Kîam 1:28

Ngai nîwamarathimire na akîmera atîrî, “Ciaranani mwîcûre nthî nthî yonthe na mûmîtoorie; mwathage nthamaki, iconi na nyamû cionthe.

Kîam 1:31

Ngai nîwaroririe indo cionthe irîa aaûmbire na akîona irî mbaro. Nakuo nîgwatukire na gûgîcoka gûgîkîa. Ûcio nîguo warî mûthenya wa gatandatû.

Ntha 31:17

Mûthenya wa thavatû nî rûûri rwa gûtûûra tene na tene gatagatî gakwa na andû a Isiraeli, nîûndû Nie, Ngai-Mûnene naaûmbire îgûrû na nthî mîthenya îtandatû. Mûthenya wa mûgwanja nînatigire kûruta wîra na ngîvurûka.”

Ntha 8:22

Nwatî Gosheni kûrîa andû akwa matûûraga, gûtikethîrwa kûrî na ngi. Ûndû ûcio nîguo ûgaatûma ûmenye atî Nie Ngai-Mûnene nînie nîraruta wîra vûrûrirî ûyû.

Ntha 9:29

Musa nîwerire mûthamaki atîrî, “Wona narîkia kuuma nja ya îtûûra rîîrî rînene, ngaaûkîrîria njara ciakwa ngîvoya Ngai-Mûnene. Ngwa îgakira, na mbura ya mbembe îtige kuura, nîguo ûmenye atî nthî nî ya Ngai-Mûnene.

Isaia 42:10

Inîrani Ngai-Mûnene rwîmbo rûcerû, nthî yonthe nîîmwinîre nyîmbo cia kûmûkumia! Îria na nyamû cionthe irîa itûûraga kuo, icîgîrîra na ndeererî cia îria na andû arîa matûûraga kuo!

Isaia 48:13

Nînie navandire mûcingi wa nthî na njara ciakwa, na ngîtambûrûkia îgûrû. Rîrîa neta îgûrû na nthî, nîimbîtîkaga irî vamwe.

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Ciîko 20:7

Na Jumamosi kîvwaî, nîtwacemanîtie vamwe nîûndû wa ngwatanîro ya kwenyûrana mîgate. Nake Paûlo nîwarîrie andû nginya ûtukû gatagatî nîûndû nîwavangîte nîakuuma kûu mûthenya ûcio wîngî.

Ciîko 4:24

Rîrîa etîkia meegwire ûvoro ûcio, nîmaavoire Ngai marî na ngoro îmwe makiugaga atîrî, “Mwathani na Mûmbi wa îgûrû na nthî, îria na indo cionthe irîa irî kuo!

Gûco 5:15

Ririkana atî vîndî îmwe warî Ngombo vûrûrirî wa Misiri, na Ngai-Mûnene, Ngai waku nîwakûrutire kuo na vinya na wathani na nî kîo Ngai-Mûnene, Ngai waku arakwatha ûkûngûagîre mûthenya wa thavatû.

Ahib 4:4

Nîûndû mandîkorî matheru kûrî vandû vandîkîtwe ûvoro wîgiî mûthenya wa mûgwanja atîrî, “Ngai aavurûkire mûthenya wa mûgwanja na agîtiga kûruta wîra wake wonthe.”

Kûguû 10:6

na akîîvîta na rîîtwa rîa Ngai ûrîa ûtûûraga tene na tene, na waûmbire îgûrû, nthî, îria na indo cionthe irîa irî kuo. Nake nîwaugire atîrî, “Gûtirî na kavinda kengî ka gweterera!