Ntha 2:11 - ÎVUKU RÎA ÛVORO MWARO

¹¹ Musa nîwakûrire agîtuîka mûndû mûgima. Mûthenya ûmwe nîwaumagarire akîthiî gûcerera andû ake, Ahibirania. Musa nîwonire ûrîa maarutithagua wîra mûrito. Wana nîwonire Mûmisiri akîriva Mûhibirania ûmwe wa andû ao.

Ntha 2:11 ပူးပေါင်းရင်းမြစ်များ

Ntha 1:11

Kwoguo andû a Misiri nîmaaigire anene a ngombo nîguo mavinyîrîrie andû a Isiraeli na njîra ya kûmarutithia wîra mûmû. Nao andû a Isiraeli nîmaatumire matûûra manene metagwa Pithomu na Ramesesi ma kwigagwa indo nî mûthamaki.

Ntha 3:7

Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka.

Ntha 5:14

Anene a ngombo a Misiri nîmaarivaga arûngamîrîri a Isiraeli makîmaûragia atîrî, “Andû enyu mararega kûruta wîra wa kûmba matuvarî ta mbere nîkî?”

Ntha 5:4

Nwatî mûthamaki nîwerire Musa na Aroni atîrî, “Mue mûrenda kûgiria andû marute wîra wao nîkî? Nîmacoke onthe wîrarî wao!

Ntha 5:5

Mue andû a Isiraeli nîmwîngîvîte mûno gûkîra andû a Misiri na rîu mûrenda gûtiga kûruta wîra!”

Ntha 5:9

Nîmavewe wîra mûnene makîria na matikarekwe magûtara nîguo matikathikagîrîrie maûndû ma maveeni.”

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Isaia 58:6

“Kwînyerekia kûrîa kûngenagia nî gûkû: kûthengutia mînyororo ya gûkinyanîrîria na ya kwimana kîvooto; kûrekereria andû arîa akinyîrîrie, na kûthengutia mînyororo ya mîthemba yonthe.

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,